డాన్ బాస్కో ముగించారు

రాధాకృష్ణ ఎంటర్‌టైన్‌మెంట్స్ పతాకంపై వెంకట్ ఉప్పుటూరి నిర్మిస్తున్న కామెడీ ఎంటర్‌టైనర్ ‘డాన్ బాస్కో’. పీ శంకర్ గౌరి రచన, దర్శకత్వం వహిస్తున్నా రు. రుష్య దత్త కథానాయకుడిగా నటిస్తు న్న ఈ చిత్రంలో మిర్నా మీనన్ లెక్చరర్ సుమతి పాత్రలో, మురళీశర్మ ప్రిన్సిపాల్ విశ్వనాథ్ పాత్రలో కనిపించనున్నారు. మౌనిక, రాజ్‌కుమార్ కాసిరెడ్డి, విష్ణు ఓయ్ ముఖ్య పాత్రల్లో నటిస్తున్నారు.

తాజాగా ఈ సిని మా షూటింగ్ పూర్తి చేసుకంది. ఈ విషయాన్ని తెలియజేస్తూ మేకర్స్ ఈ మూవీ ఫస్ట్ లుక్‌ను శనివారం విడుదల చేశారు. ఈ పోస్టర్‌లో హీరో రుష్య దత్త చాలా స్టైలిష్‌గా, బోల్డ్ పోజ్‌లో కనిపిస్తున్నారు. ‘ప్రతి రీయూనియన్ జ్ఞాపకాల కోసమే కాదు.. కొన్ని విముక్తి కోసం కూడా ఉంటాయి’ అంటూ ఈ పోస్టర్‌కు జోడించిన క్యాప్షన్ మరింత ఆసక్తిని రేకెత్తించేలా ఉంది. ఈ చిత్రానికి సం గీతం: శ్రీచరణ్ పాకాల; సినిమాటోగ్రఫీ: ఎదురోలు రాజు; ఎడిటర్: వంశీ అట్లూరి.