భీమిరెడ్డి నరసింహారెడ్డి 18వ వర్ధంతి

సూర్యాపేట జిల్లాకు 'బీఎన్' పేరు పెట్టాలని డిమాండ్

​తుంగతుర్తి,(విజయక్రాంతి): ప్రఖ్యాత తెలంగాణ రైతాంగ సాయుధ పోరాట యోధులు, మాజీ పార్లమెంటు సభ్యులు స్వర్గీయ భీమిరెడ్డి నరసింహారెడ్డి  18వ వర్ధంతి వేడుకలు ఆయన స్వగ్రామమైన తుంగతుర్తి మండలం కరివిరాల కొత్తగూడెంలో ఘనంగా నిర్వహించారు. ఈ సందర్భంగా గ్రామంలోని ఆయన విగ్రహానికి మరియు స్మృతి స్తూపానికి పూలమాలలు వేసి గ్రామస్తులు, ప్రముఖులు ఘన నివాళులర్పించారు. ​

ఆయన ​ఆశయ సాధన ఈ కార్యక్రమంలో పాల్గొన్న మల్లు కపోతం రెడ్డి, తుంగతుర్తిలో మాజీ ఎంపీపీ తాటికొండ సీతయ్య మాట్లాడుతూ.. బీఎన్  చూపిన బాటలో నడవడమే ఆయనకు మనం ఇచ్చే నిజమైన నివాళి అని, ఆయన ఆశయ సాధన కోసం ప్రతి ఒక్కరూ కృషి చేయాలని పిలుపునిచ్చారు.​ బీఎన్  కీర్తిని, ఆయన చేసిన పోరాటాలను భావితరాలకు స్ఫూర్తిగా నిలిపేందుకు, నూతనంగా ఏర్పాటైన సూర్యాపేట జిల్లాకు 'భీమిరెడ్డి నరసింహారెడ్డి' పేరు పెట్టాలని ఈ సందర్భంగా వారు ప్రభుత్వాన్ని డిమాండ్ చేశారు.