మహిళా రిజర్వేషన్లకు వ్యతిరేకం కాదు.. డీలిమిటేషన్ కు వ్యతిరేకం

హైదరాబాద్: మహిళా రిజర్వేషన్లకు కాంగ్రెస్ పార్టీ వ్యతిరేకం కాదని ఎంపీ చామల కిరణ్ కుమార్ రెడ్డి పేర్కొన్నారు. మహిళా రిజర్వేషన్ బిల్లు 2023లోనే ఆమోదం పొందిందని, కేంద్రంలో ఉన్న బీజేపీ ప్రభుత్వం రానున్న తమిళనాడు, బెంగాల్, ఎన్నికల్లో లబ్ధి కోసమే మళ్లీ బిల్లు తెచ్చారని ఆయన ఆరోపించారు. 2023లో బిల్లు ఆమోదం పొందినా 2024లో రిజర్వేషన్లు అమలు చేయలేదని, 33 శాతం రిజర్వేషన్లు ఇప్పడు అమలు చేసినా మాకు ఓకే అని ఎంపీ చామల కిరణ్ వెల్లడించారు. ఇండీ కూటమిపై భారతీయ జనత పార్టీ దుష్ప్రచారం చేస్తోందని, కాంగ్రెస్ పార్టీ మహిళా రిజర్వేషన్లకు వ్యతిరేకం కాదు.. డీలిమిటేషన్ కు వ్యతిరేకమని ఆయన స్పష్టం చేశారు. బీజేపీ చేస్తున్న దుష్ప్రచారాన్ని దేశ, రాష్ట్ర మహిళలు పట్టించుకోవద్దు అని ఎంపీ కోరారు.