కరాటేతోనే విద్యార్థినులకు ఆత్మరక్షణ

.. ​పీఎం శ్రీ జడ్పీహెచ్ఎస్  హెచ్ఎం వి.నటరాజ్

​​వాంకిడి,(విజయక్రాంతి): ప్రస్తుత సమాజంలో బాలికలు, మహిళల భద్రతకు కరాటే ఎంతగానో తోడ్పడుతుందని, ప్రతి విద్యార్థిని ఆత్మరక్షణ విద్యలను నేర్చుకోవాలని పీఎం శ్రీ జడ్పీహెచ్ఎస్ వాంకిడి కలాన్ పాఠశాల ప్రధాన ఉపాధ్యాయుడు వి. నటరాజ్ అన్నారు. మంగళవారం పాఠశాల ఆవరణలో ఏర్పాటు చేసిన ఒక ప్రత్యేక సమావేశంలో ఆయన మాట్లాడారు. పాఠశాల నందు కరాటే మాస్టర్ గా చాపిడి కుమార్ ను నియమిస్తున్నట్లు హెచ్.ఎం. నటరాజ్ పేర్కొన్నారు.

ఈ సందర్భంగా ఆయన మాట్లాడుతూ... మారుతున్న కాలానికి అనుగుణంగా అమ్మాయిలు చదువుతో పాటు అన్ని రంగాల్లో రాణించాలని, ముఖ్యంగా తమను తాము కాపాడుకునేందుకు కరాటే వంటి యుద్ధ విద్యలు అద్భుతంగా ఉపయోగ పడతాయని పేర్కొన్నారు. విద్యార్థినుల్లో ధైర్యాన్ని, ఆత్మవిశ్వాసాన్ని నింపేందుకే ఈశిక్షణను,ప్రారంభిస్తున్నట్లు ఆయన స్పష్టం చేశారు. నూతనంగా బాధ్యతలు స్వీకరించిన కరాటే మాస్టర్ చాపిడి కుమార్ ను ఈ సందర్భంగా పాఠశాల సిబ్బంది అభినందించారు. ​ఈ కార్యక్రమంలో పాఠశాల ఉపాధ్యాయులు సంతోష్, పిలాటికల్ డైరెక్టర్ (పీడీ) విష్ణు, ఇతర సిబ్బంది, విద్యార్థులు పాల్గొన్నారు.