ఘనంగా ‘కేర్’ 29వ వార్షికోత్సవం

1. 30వ సంవత్సరంలోకి అడుగిడుతున్న హాస్పిటల్ దేశంలోనే ప్రముఖ మల్టీస్పెషాలిటీ ఆసుపత్రుల నెట్‌వర్క్‌గా రాణింపు
2. ఆవిష్కరణలు.. వైద్య నైపుణ్యం.. కరుణతో 29 ఏళ్ల ఆరోగ్య సేవల ప్రస్థానాన్ని ఘనంగా జరుపుకున్న కేర్ హాస్పిటల్స్
3. 100 పడకల హార్ట్ ఇన్స్టిట్యూట్ నుంచి దేశంలోని ప్రముఖ మల్టీ-స్పెషాలిటీ ఆసుపత్రుల నెట్‌వర్క్‌గా కేర్ హాస్పిటల్స్ ఎదుగుదల

హైదరాబాద్, జూలై 27(విజయక్రాంతి): భారత ఆరోగ్య రంగంలో వైద్య ఆవిష్కరణలు, అత్యున్నత క్లినికల్ నైపుణ్యం, రోగి కేంద్రిత సేవలతో విశిష్ట స్థానాన్ని సంపాదించిన కేర్ హాస్పిటల్స్ తన 29వ వార్షికోత్సవాన్ని శనివారం ఘనంగా జరుపుకుంది. మూడు దశాబ్దాల ఆరోగ్య సేవల ప్రయాణంలో భాగంగా, నేడు ఈ నెట్‌వర్క్‌కు చెందిన ఆసుపత్రుల్లో ప్రతి సంవత్సరం 1.5 మిలియన్లకు పైగా రోగులు చికిత్స పొందుతున్నారు. ఆధునిక వైద్య సేవలను మరింత మందికి అందుబాటులోకి తీసుకురావాలనే సంస్థ సంకల్పానికి ఇది నిదర్శనం.

1997లో ప్రముఖ గుండె వైద్యుల బృందం స్థాపించిన కేర్ హాస్పిటల్స్, 100 పడకలు, 20 మంది కార్డియాలజిస్టులు, ఒక ఆపరేషన్ థియేటర్, ఒక క్యాథ్‌ల్యాబ్‌తో ప్రత్యేక హార్ట్ ఇనిస్టిట్యూట్‌గా తన ప్రయాణాన్ని ప్రారంభించింది. నేడు ఇది దేశంలోని ప్రముఖ మల్టీ-స్పెషాలిటీ ఆరోగ్య సంస్థలలో ఒకటిగా ఎదిగింది.ప్రస్తుతం కేర్ హాస్పిటల్స్ ఆరు రాష్ట్రాల్లోని ఏడు నగరాల్లో 15 ఆసుపత్రుల ద్వారా 33కు పైగా ప్రత్యేక వైద్య సేవలను అందిస్తోంది.

ఈ సందర్భంగా కేర్ హాస్పిటల్స్ సీఈఓ డాక్టర్ పవన్ కుమార్ మాట్లాడుతూ,  29 ఏళ్ల మా ప్రయాణం విశ్వాసానికి, ఆవిష్కరణలకు, మా వైద్యులు, నర్సులు, ఆరోగ్య సిబ్బంది అంకితభావానికి ప్రతీక. ప్రతి మైలురాయి లక్షలాది మంది జీవితాల్లో మార్పు తీసుకురావాలనే మా నిబద్ధతను ప్రతిబింబిస్తోంది. కృత్రిమ మేధస్సు, రోబోటిక్స్, జీనోమిక్స్, ప్రెసిషన్ మెడిసిన్‌తో ఆరోగ్య రంగం వేగంగా మారుతున్న తరుణంలో నాయకత్వం వహిస్తూ అత్యాధునిక వైద్య సాంకేతికత ప్రయోజనాలు ప్రతి రోగికి అందేలా చేయడానికి కేర్ హాస్పిటల్స్ కట్టుబడి ఉందని తెలిపారు.

పారదర్శకత, జట్టుగా పనిచేయడం, మానవత్వం, కరుణ వంటి విలువలకు కట్టుబడి కేర్ హాస్పిటల్స్ అత్యున్నత వైద్య సేవలు, పరిశోధన, వైద్య విద్య, నూతన సాంకేతికతకు ప్రాధాన్యం ఇస్తూ ప్రజలకు మెరుగైన ఆరోగ్య సేవలను అందిస్తోంది.30వ సంవత్సరంలోకి అడుగుపెడుతున్న కేర్ హాస్పిటల్స్, వైద్య ఆవిష్కరణలు, పరిశోధన, వైద్య విద్య, మానవతా దృక్పథంతో కూడిన సేవల ద్వారా ఆరోగ్య రంగంలో కొత్త ప్రమాణాలు నెలకొల్పడంతో పాటు రోగుల చికిత్స ఫలితాలను మరింత మెరుగుపరచాలనే తన సంకల్పాన్ని మరోసారి పునరుద్ఘాటించింది.