మంథనిలో ఘనంగా ఐటీ శాఖ మంత్రి శ్రీధర్ బాబు జన్మదిన వేడుకలు

దేవాలయాల్లో ప్రత్యేక పూజలు, ఆసుపత్రిలో పండ్ల పంపిణీ

ఎండ తీవ్రత దృష్ట్యా ప్రయాణికులకు, కూలీలకు మజ్జిగ పంపిణీ

పండుగ వాతావరణంలో కేక్ కట్ చేసిన కాంగ్రెస్ శ్రేణులు

మంథని,(విజయక్రాంతి): మంథని నియోజకవర్గ ప్రజాప్రతినిధి, బడుగు బలహీన వర్గాల ఆశాజ్యోతి, రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు జన్మదిన వేడుకలు మంథని నియోజకవర్గ వ్యాప్తంగా పండుగ వాతావరణంలో శనివారం అత్యంత ఘనంగా జరిగాయి. మంథని మండల కాంగ్రెస్ పార్టీ, వివిధ అనుబంధ సంఘాల ఆధ్వర్యంలో నియోజకవర్గంలో పలు సేవా కార్యక్రమాలు నిర్వహించారు.

 శ్రీ దత్తాత్రేయ స్వామి ఆలయంలో ప్రత్యేక పూజలు

వేడుకల్లో భాగంగా మంథని మండల కాంగ్రెస్ పార్టీ ఆధ్వర్యంలో స్థానిక శ్రీ దత్తాత్రేయ స్వామి వారి దేవాలయంలో ప్రత్యేక పూజలు, అభిషేకాలు నిర్వహించారు. మంత్రి శ్రీధర్ బాబు  ఆయురారోగ్యాలతో, అష్టైశ్వర్యాలతో వర్ధిల్లి, మరిన్ని ఉన్నత శిఖరాలు అధిరోహించాలని స్వామివారిని వేడుకున్నారు. అనంతరం తీర్థప్రసాదాలు స్వీకరించి, మంత్రి పేరిట అర్చనలు చేయించారు.

అంబేద్కర్‌ చౌరస్తాలో సంబరాలు

మంథని అంబేద్కర్ చౌరస్తాలో కాంగ్రెస్ నాయకులు, కార్యకర్తలు భారీగా తరలివచ్చి బాణసంచా కాల్చారు. అనంతరం పెద్ద కేక్ కట్ చేసి, ఒకరికొకరు స్వీట్లు తినిపించుకుంటూ శుభాకాంక్షలు తెలుపుకున్నారు.

సేవా కార్యక్రమాల హోరు

మంత్రి జన్మదినాన్ని పురస్కరించుకొని నియోజకవర్గంలో విస్తృతంగా సేవా కార్యక్రమాలు చేపట్టారు.

మంథని ప్రభుత్వ ఆసుపత్రిలో పండ్ల పంపిణీ

 కాంగ్రెస్ పార్టీ ఎస్సీ సెల్ ఆధ్వర్యంలో మంథని ప్రభుత్వ ఆసుపత్రిలోని రోగులకు, సిబ్బందికి పండ్లను పంపిణీ చేశారు.

 మున్సిపాలిటీ, మార్కెట్ యార్డ్‌లో వేడుకలు

 మున్సిపల్ చైర్మన్ శ్రీనివాస్ ఆధ్వర్యంలో మున్సిపాలిటీలో, అలాగే మార్కెట్ కమిటీ చైర్మన్ ఆధ్వర్యంలో మార్కెట్ యార్డ్‌లో కేక్ కట్ చేసి రైతులు, సిబ్బందికి మిఠాయిలు పంచారు.

 చల్లని మజ్జిగ పంపిణీ 

ఎండలు మండిపోతున్న వేళ ప్రజలకు ఊరట కలిగించేందుకు మాజీ మండల యూత్ కాంగ్రెస్ అధ్యక్షులు ఎరుకల ప్రవీణ్ ఆధ్వర్యంలో మంథని బస్టాండ్‌లో ప్రయాణికులకు మజ్జిగ ప్యాకెట్లు పంపిణీ చేశారు. అలాగే మండల యూత్ కాంగ్రెస్ అధ్యక్షులు సాదుల శ్రీకాంత్ ఆధ్వర్యంలో గాజులపల్లి గ్రామంలోని ఉపాధి హామీ కూలీలకు మజ్జిగ ప్యాకెట్లను అందజేశారు.

మంథని గడ్డకు దిక్సూచి శ్రీధర్ బాబు

మంథని గడ్డకు దిక్సూచి మంత్రి శ్రీధర్ బాబు అని  మంథని మండల కాంగ్రెస్ పార్టీ అధ్యక్షులు అయిలి ప్రసాద్, మున్సిపల్ చైర్మన్ వోడ్నాల శ్రీనివాస్, వ్యవసాయ మార్కెట్ కమిటీ చైర్మన్ కుదుదుల వెంకన్న, పిఎసిఎస్  చైర్మన్ కొత్త శ్రీనివాస్, ఎస్సీ సెల్ డివిజన్ అధ్యక్షులు మంథని సత్యం, విద్యుత్ నియంత్రణ మండలి సభ్యులు శశిభూషణ్ కాచే, మాజీ ఎంపీపీ కొండ శంకర్, మాజీ మండల యూత్ కాంగ్రెస్ అధ్యక్షులు ఎరుకల ప్రవీణ్,  ఆర్టిఏ మెంబర్ మంథని సురేష్, మాజీ ఏఎంసీ చైర్మన్ అజీమ్ ఖాన్, కౌన్సిలర్లు లైసెట్టి రజిత, ఎరుకల స్రవంతి అన్నారు. మంత్రి శ్రీధర్ బాబు  తెలంగాణ రాష్ట్రానికే దిక్సూచి.

నిరంతరం నియోజకవర్గ అభివృద్ధి కోసం, యువత ఉపాధి కోసం తపించే విద్యావంతుడైన నాయకుడు. పేదలకు ఇందిరమ్మ ఇండ్లు, సన్న బియ్యం అందిస్తూ నియోజకవర్గానికి పెద్దకొడుకులా నిలిచారు. రోడ్లు, ఆసుపత్రులు, మౌలిక వసతులు కల్పిస్తూ మంథనిని ప్రగతిపథంలో నడిపిస్తున్న మన ప్రియతమ నాయకుడు నిండు నూరేళ్లు ఆయురారోగ్యాలతో వర్ధిల్లాలి" అని వారు ఆకాంక్షించారు. ఈ వేడుకల్లో స్థానిక ప్రజాప్రతినిధులు, సీనియర్ నాయకులు, యూత్ కాంగ్రెస్, మహిళా కాంగ్రెస్ ప్రతినిధులు, అన్ని విభాగాల నాయకులు,  శ్రీధర్ బాబు అభిమానులు, కాంగ్రెస్ శ్రేణులు పెద్ద సంఖ్యలో పాల్గొన్నారు.