Breaking News

షాయ్‌ హోప్‌ టెన్షన్‌.. భారత్‌కు షాకేనా? • ప్రముఖ సంగీత దర్శకుడు కన్నుమూత • గ్లోబల్ మార్కెట్‌లో కలకలం • ఇండిగో విమానంలో బాంబు కలకలం... హై అలర్ట్‌ • టీ20 థ్రిల్‌.. భారత్‌–వెస్టిండీస్‌ ఫైట్‌కు వేళాయె! • బతుకమ్మ సంబురం...ప్రతిభకు వెండితెర వెలుగు • కాంగ్రెస్‌లో కొత్త చిచ్చు.. కొండా వర్గం హల్‌చల్ • సిటీలో పోలీసుల వేట • సీఎం రేవంత్‌పై కవిత ఫైర్ • వాహనదారులకు బిగ్ అప్‌డేట్ •

Districts - Mancherial

ధనలక్ష్మిగా దుర్గమ్మ..నోట్లతో అలంకరణ

బెల్లంపల్లి: మంచిర్యాల జిల్లా బెల్లంపల్లిలోని వాసవి కన్యకాపరమేశ్వరి ఆలయంలో దుర్గాదేవిని ధనలక్ష్మి అవతారంలో అలంకరించారు. రూ.66,66,666 విలువైన నోట్లతో చేసిన అలంకరణ ప్రత్యేక ఆకర్షణగా నిలిచింది. భక్తులు పెద్ద సంఖ్యలో తరలివచ్చి అమ్మవారిని దర్శించుకున్నారు. ఆలయంలో వేద మంత్రోచ్ఛారణల మధ్య ప్రత్యేక పూజలు, చండీయాగం నిర్వహించారు.

17-10-2026 | 11:58am

రంగపేటలో పోలీసుల కార్డెన్‌ సెర్చ్‌

మంచిర్యాల: మంచిర్యాల పట్టణంలోని రంగపేటలో శుక్రవారం రాత్రి పోలీసులు కార్డెన్‌ సెర్చ్‌ నిర్వహించి ధ్రువపత్రాలు లేని 40 ద్విచక్ర వాహనాలను సీజ్‌ చేశారు. టౌన్‌ ఇన్‌స్పెక్టర్‌ ప్రమోద్‌ రావు ఆధ్వర్యంలో జరిగిన ఈ తనిఖీల్లో అనుమానితులను పరిశీలించారు. గ్రామస్థులు, యువతకు గంజాయి, మత్తు పదార్థాలు, జూదం, సైబర్‌ నేరాలు, ట్రాఫిక్‌ నిబంధనలపై అవగాహన కల్పించారు. యువత క్రీడలపై ఆసక్తి పెంచుకోవాలని కోరుతూ వాలీబాల్‌, నెట్‌ను అందజేశారు.

16-10-2026 | 11:17pm

పత్తి కొనుగోలుకు పకడ్బందీ ఏర్పాట్లు చేయాలి

మంచిర్యాల: 2026-27 వ్యవసాయ సంవత్సరానికి జిల్లాలో ప్రత్తి కొనుగోళ్లను పారదర్శకంగా నిర్వహించేందుకు అన్ని శాఖల అధికారులు సమన్వయంతో పనిచేసి ముందస్తు ఏర్పాట్లు పూర్తి చేయాలని జిల్లా కలెక్టర్ కుమార్ దీపక్ అన్నారు. ఈ సంవత్సరం 1 లక్ష 72 వేల 141 ఎకరాలలో ప్రత్తి సాగు చేయగా, 16 లక్షల 97 వేల 161 క్వింటాళ్ల దిగుబడి అంచనా వేసినట్లు తెలిపారు. కేంద్ర ప్రభుత్వం నిర్దేశించిన కనీస మద్దతు ధర ప్రకారం కాటన్ కార్పొరేషన్ ఆఫ్ ఇండియా ద్వారా కొనుగోలు జరుగుతుందని, రైతులు కపాస్ కిసాన్ యాప్ వినియోగించుకోవాలని సూచించారు. జిల్లాలో 11 జిన్నింగ్ మిల్లులను కొనుగోలు కేంద్రాలుగా ఏర్పాటు చేయనున్నట్లు వెల్లడించారు.

16-10-2026 | 08:19pm

రోగులకు మెరుగైన వైద్య సేవలు అందించాలి

మంచిర్యాల: జిల్లా కలెక్టర్ కుమార్ దీపక్ మంచిర్యాల ప్రభుత్వ మాత శిశు ఆరోగ్య కేంద్రాన్ని ఆకస్మికంగా సందర్శించారు. ప్రజలకు మెరుగైన వైద్య సేవలు అందించాలని, అవసరమైన మందులు అందుబాటులో ఉంచాలని వైద్యాధికారులకు సూచించారు. గర్భిణులు, బాలింతలు, నవజాత శిశువులకు నాణ్యమైన వైద్యం అందించాలని, శిశువుల ఆరోగ్యంపై ప్రత్యేక దృష్టి సారించాలని ఆదేశించారు. ఆసుపత్రిలో సదుపాయాలు, వైద్య పరికరాల అవసరాలపై ప్రతిపాదనలు సమర్పించాలని కోరారు. ఆసుపత్రి ప్రాంగణంలో గొడవలు సృష్టించే వారిపై పోలీసులకు సమాచారం ఇవ్వాలని తెలిపారు.

16-10-2026 | 06:19pm

రోడ్డు ప్రమాద బాధితులకు ఉచిత చికిత్స

మంచిర్యాల: రోడ్డు ప్రమాద బాధితులకు తక్షణ వైద్యం అందించి ప్రాణాలు కాపాడే లక్ష్యంతో ప్రధానమంత్రి రహత్‌ పథకాన్ని జిల్లాలో సమర్థంగా అమలు చేయాలని ఉప జిల్లా వైద్య ఆరోగ్యశాఖ అధికారి డాక్టర్ సుధాకర్ నాయక్ సూచించారు. ప్రమాదం జరిగిన తొలి గంటలో అత్యవసర చికిత్స, ఏడు రోజులపాటు నగదు రహిత వైద్య సేవలు, ఒక్కో బాధితుడికి రూ.1.50 లక్షల వరకు ఉచిత చికిత్స అందించనున్నట్లు వెల్లడించారు. జిల్లాలోని నాలుగు ప్రభుత్వ, ఐదు ప్రైవేటు ఆసుపత్రుల్లో వైద్యులు, నిర్వాహకులకు శిక్షణ ఇవ్వాలని నిర్ణయించారు.

16-10-2026 | 06:00pm

కల్వరిచర్చి ఉపవాస దీక్ష ప్రార్థనల ముగింపు సభకు పటిష్ట బందోబస్తు

బెల్లంపల్లి: మంచిర్యాల జోన్ కాసిపేట పోలీస్ స్టేషన్ పరిధిలోని బెల్లంపల్లి కల్వరి మైదానంలో గత 50 రోజులుగా ఉపవాస దీక్ష ప్రార్థనలు సాగుతున్నాయి. ప్రార్థనల ముగింపు సభ సందర్భంగా చేపట్టిన బందోబస్తు ఏర్పాట్లను మంచిర్యాల డీసీపీ ఏ.భాస్కర్, బెల్లంపల్లి ఏసీపీ కిరణ్ కుమార్ తో కలిసి పరిశీలించారు.

15-10-2026 | 08:48pm

కార్మికుల సమస్యలు పరిష్కరించాలని వినతి

మంచిర్యాల టౌన్, (విజయక్రాంతి) : మంచిర్యాల జిల్లాలో వివిధ షాపింగ్ మాల్స్ లలో పనిచేస్తున్న కార్మికుల సమస్యలను పరిష్కరించాలని కోరుతూ ఎం ఆర్ పీ ఎస్ (mrps) మాదిగ రక్షణ పొలిటికల్ సమాఖ్య వ్యవస్థాపక అధ్యక్షులు బోస్ సిరికొండ గురువారం మంచిర్యాలలోని అసిస్టెంట్ లేబర్ కమిషనర్ దుర్గం క్రాంతికి వినతి పత్రం అందజేశారు.

15-10-2026 | 08:15pm

ఎన్‌హెచ్‌ఎం ఉద్యోగులకు బీజేపీ అండ

మంచిర్యాల క్రైమ్, (విజయక్రాంతి): మంచిర్యాల కలెక్టరేట్ ముందు ఎన్‌హెచ్‌ఎం ఉద్యోగులు సమాన పనికి సమాన వేతనం, ఉద్యోగాల క్రమబద్ధీకరణ తదితర డిమాండ్లను ప్రభుత్వం వెంటనే పరిష్కరించాలని చేస్తున్న ధర్నా కార్యక్రమానికి బీజేపీ నాయకులు గురువారం మద్దతు తెలిపారు.

15-10-2026 | 08:02pm

జనగణనలో ఓబీసీ కాలం చేర్చాలని నిరసన

మంచిర్యాల: కేంద్ర ప్రభుత్వం జనగణనలో ఓబీసీ కాలం చేర్చి, ప్రతి కులానికి ఒక యూనిక్ కోడ్ కేటాయించాలని జాతీయ బీసీ హక్కుల పోరాట సమితి డిమాండ్ చేసింది. మంచిర్యాల జిల్లా సీసీసీ కార్నర్ లో గురువారం నిరసన ప్రదర్శన నిర్వహించారు. 1931 తర్వాత బీసీ కుల గణన చేపట్టకపోవడం వివక్ష అని జిల్లా అధ్యక్షుడు గుమ్ముల శ్రీనివాస్ పేర్కొన్నారు. బీసీలకు చట్టసభల్లో రిజర్వేషన్లు కల్పించాలని, విద్యా, ఉద్యోగ, స్థానిక సంస్థల రిజర్వేషన్లు పెంచాలని వారు కోరారు.

15-10-2026 | 07:52pm

అభివృద్ధి పనులలో నాణ్యతా ప్రమాణాలు పాటించాలి

బెల్లంపల్లి: మున్సిపాలిటీలో చేపడుతున్న అభివృద్ధి పనులలో నాణ్యతా ప్రమాణాలు పాటించాలని, అనధికార నిర్మాణాలపై కఠిన చర్యలు తీసుకోవాలని జిల్లా అదనపు కలెక్టర్ (స్థానిక సంస్థలు) పి.చంద్రయ్య అన్నారు. గురువారం బెల్లంపల్లిలోని 17, 18 వార్డులను సందర్శించిన ఆయన, రూ. 20 లక్షలతో నిర్మిస్తున్న సి.సి. రోడ్డు పనులను పరిశీలించారు. అనుమతులు లేని నిర్మాణాలపై తక్షణ చర్యలు తీసుకోవాలని మున్సిపల్ కమిషనర్‌ను ఆదేశించారు. ఓటరు జాబితా సవరణ ప్రక్రియను వేగవంతం చేయాలని కూడా ఆయన సూచించారు.

15-10-2026 | 06:54pm

పెండింగ్ దరఖాస్తులను త్వరితగతిన పరిష్కరించాలి

మంచిర్యాల: జిల్లా అదనపు కలెక్టర్ (రెవెన్యూ) వి.రాములు మంచిర్యాల మండల తహసిల్దార్ కార్యాలయాన్ని ఆకస్మికంగా సందర్శించి పెండింగ్ దరఖాస్తులను త్వరితగతిన పరిష్కరించాలని ఆదేశించారు. ఎస్.ఐ.ఆర్.- 2026 దావాలు, అభ్యంతరాల పరిష్కరణను వేగవంతం చేయాలని, భూ భారతి దరఖాస్తులు, జి.ఓ.ఎం.ఎస్.నం.59, భూదాన్ భూములకు సంబంధించిన అంశాలను ప్రభుత్వ నిబంధనల ప్రకారం పరిష్కరించాలని సూచించారు. ప్రజలకు పారదర్శకమైన సేవలు అందించాలని, రికార్డుల నిర్వహణలో అలసత్వం వహించవద్దని పేర్కొన్నారు.

15-10-2026 | 06:02pm

సిఎంఆర్ డెలివరీ సకాలంలో పూర్తి చేయాలి

మంచిర్యాల: జిల్లాలోని రైస్ మిల్లుల యజమానులు కస్టమ్ మిల్లింగ్ రైస్ (CMR) డెలివరీలను సకాలంలో పూర్తి చేయాలని జిల్లా అదనపు కలెక్టర్ (రెవెన్యూ) వి.రాములు ఆదేశించారు. CMR బియ్యం డెలివరీలలో వెనుకబడిన మిల్లులు తమ పనితీరును మెరుగుపరుచుకొని, ప్రభుత్వం నిర్దేశించిన గడువులోగా ప్రక్రియను వేగవంతం చేయాలని ఆయన పేర్కొన్నారు. జిల్లా పౌరసరఫరాల శాఖ అధికారి వేణుగోపాల్, జిల్లా మేనేజర్ శ్రీకళలతో కలిసి ఆయన సమీక్షా సమావేశం నిర్వహించారు.

15-10-2026 | 05:50pm

ప్రజారోగ్యంపై ప్రత్యేక దృష్టి

మంచిర్యాల: నస్పూర్ ప్రాథమిక ఆరోగ్య కేంద్రాన్ని జిల్లా వైద్య ఆరోగ్యశాఖ అధికారి డాక్టర్ నరేంద్ర రాథోడ్ గురువారం పరిశీలించారు. 30 ఏళ్లు పైబడిన వారికి బీపీ, మధుమేహ పరీక్షలు చేసి మందులు అందించాలని, రోగుల వివరాలను ఆధార్‌తో అనుసంధానించి ఆన్‌లైన్‌లో నమోదు చేయాలని సూచించారు. వ్యాధుల నివారణకు వైద్య శిబిరాలు నిర్వహించి ప్రజలకు అవగాహన కల్పించాలని ఆదేశించారు. గర్భిణుల నమోదు, టీకాలు, ప్రభుత్వ ఆసుపత్రుల్లో ప్రసవాలపై ప్రత్యేక శ్రద్ధ వహించాలని పేర్కొన్నారు. ఆరోగ్య కేంద్రంలో పరిశుభ్రత పాటించాలని, డ్రైడే నిర్వహించాలని తెలిపారు.

15-10-2026 | 05:45pm

కుష్టు వ్యాధి గుర్తింపునకు ఇంటింటా సర్వే

మంచిర్యాల: మంచిర్యాల జిల్లాలో కుష్టు వ్యాధి కేసుల గుర్తింపునకు ఈ నెల 22 నుంచి నవంబర్‌ 4 వరకు ఇంటింటా సర్వే నిర్వహించనున్నారు. తెలంగాణ రాష్ట్ర కుష్టు వ్యాధి కార్యక్రమ పరిశీలకురాలు డాక్టర్‌ విజయనిర్మల తాండూరు, మందమర్రి, తాళ్లగురజాల ప్రాథమిక ఆరోగ్య కేంద్రాలను సందర్శించి ఏర్పాట్లపై సమీక్షించారు. జిల్లాలో ఇప్పటికే 59 కుష్టు వ్యాధి కేసులను గుర్తించి చికిత్స అందిస్తున్నట్లు అధికారులు వెల్లడించారు. కుష్టు వ్యాధి వంశపారంపర్యంగా వచ్చేది కాదని, బహుళ ఔషధ చికిత్సతో పూర్తిగా నయం చేయవచ్చని ఆమె స్పష్టం చేశారు.

15-10-2026 | 05:39pm