Breaking News

ఇండిగో విమానంలో బాంబు కలకలం... హై అలర్ట్‌ • టీ20 థ్రిల్‌.. భారత్‌–వెస్టిండీస్‌ ఫైట్‌కు వేళాయె! • బతుకమ్మ సంబురం...ప్రతిభకు వెండితెర వెలుగు • కాంగ్రెస్‌లో కొత్త చిచ్చు.. కొండా వర్గం హల్‌చల్ • సిటీలో పోలీసుల వేట • సీఎం రేవంత్‌పై కవిత ఫైర్ • వాహనదారులకు బిగ్ అప్‌డేట్ • చంచల్‌గూడ జైలుకు లక్ష్మీ భాస్కర్ • ఫినిషర్‌గా రింకూ సూపర్.. ఎందుకు పక్కనపెట్టారు? • సీజేపీ నిరసనపై ఆంక్షలు •

Districts - Karimnagar

బీజేపీ ఓబీసీ మోర్చా అధ్యక్షుడితో రజక సంఘం భేటీ

కొత్తపల్లి: కరీంనగర్ జిల్లా రజక సంఘం ప్రతినిధులు శుక్రవారం బీజేపీ ఓబీసీ మోర్చా రాష్ట్ర అధ్యక్షుడు గంధమల్ల ఆనంద్ గౌడ్‌ను కలిశారు. జిల్లా అధ్యక్షుడు రాచకొండ నరేష్ రజకుల సమస్యలను వివరించారు. రజకులను ఎస్సీ జాబితాలో చేర్చాలని, వృత్తి పరిరక్షణ చట్టం తీసుకురావాలని, ప్రభుత్వ గురుకుల పాఠశాలలు, హాస్టళ్లు, ఆసుపత్రులలో దోబీ కాంట్రాక్టులు రజకులకే కేటాయించాలని, లాండ్రీలకు ఉచిత విద్యుత్ బకాయిలు చెల్లించాలని డిమాండ్ చేశారు. ఈ సమావేశంలో పలువురు రజక సంఘం నాయకులు పాల్గొన్నారు.

16-10-2026 | 10:36pm

ప్రజల రక్షణ, భద్రతె ముఖ్యం

కరీంనగర్: ఎన్నికల హామీలను నెరవేర్చడమే తమ బాధ్యత అని 27వ డివిజన్ కార్పొరేటర్ బొట్ల శ్యామల - తంగెళ్ల కిరణ్ కుమార్ స్పష్టం చేశారు. డివిజన్‌లో ప్రజల భద్రతను బలోపేతం చేయడానికి శుక్రవారం 8 సీసీ కెమెరాలను 3 టౌన్ సీఐ తిరుమల్ గౌడ్‌తో కలిసి ప్రారంభించారు. నేరాల నియంత్రణకు సీసీ కెమెరాలు ఎంతగానో దోహదపడతాయని సీఐ పేర్కొన్నారు. డివిజన్ అభివృద్ధికి నిరంతరం కృషి చేస్తామని కార్పొరేటర్ తెలిపారు.

16-10-2026 | 08:35pm

రాజయోగ ధ్యాన పరిశోధనకు అంతర్జాతీయ గుర్తింపు

కొత్తపల్లి: తెలంగాణకు చెందిన అట్ల శ్రీనివాస్ రెడ్డి, డా. బి. రజనీ దేవి సంయుక్తంగా రూపొందించిన రాజయోగ ధ్యానంపై పరిశోధనా పత్రం 2వ అంతర్జాతీయ సైకాలజీ సదస్సు–2026కు ఎంపికైంది. కౌమారదశలో మానసిక ఆరోగ్యాన్ని పెంపొందించేందుకు భారతీయ సంప్రదాయ ధ్యాన పద్ధతుల అన్వయంపై సాగిన ఈ అధ్యయనాన్ని అక్టోబర్ 18న మాల్దీవ్స్‌లోని విల్లా కాలేజ్ క్యాంపస్‌లో ఆన్‌లైన్‌లో ప్రదర్శించనున్నారు. విద్యార్థుల్లో ఒత్తిడి, ఆందోళనను ఎదుర్కోవడంలో రాజయోగ ధ్యానం పాత్రను ఇది పరిశీలిస్తుంది.

16-10-2026 | 08:27pm

సీఐ, ఎస్ ఐలను అరెస్టు చేసి అట్రాసిటీ కేసు నమోదు చేయాలి

ముకరంపుర: ఏక్ ధం న్యూస్ జర్నలిస్టులపై థర్డ్ డిగ్రీ ప్రయోగించిన సీఐ, ఎస్ ఐలను వెంటనే అరెస్టు చేసి వారిపై ఎస్సీ, ఎస్టీ అట్రాసిటీ కేసు నమోదు చేయాలని తెలంగాణ ఎస్సీ, ఎస్టీ వర్కింగ్ జర్నలిస్ట్ అసోసియేషన్ వ్యవస్థాపకులు ఆరెల్లి మల్లేష్, కట్కూరి మల్లేష్ డిమాండ్ చేశారు. కరీంనగర్ జిల్లా ప్రభుత్వ ఆసుపత్రిలో చికిత్స పొందుతున్న ఎడిటర్ పొత్తూరి శేఖర్, బ్యూరో రాతిపల్లి సంపత్‌లను వారు పరామర్శించారు. జర్నలిస్టులపై దాడులు ఆందోళనకరమని పేర్కొన్నారు.

16-10-2026 | 08:13pm

పంటలు వేయొద్దనడం సిగ్గుచేటు

కరీంనగర్‌ సిటీ: ఎల్‌నినో ప్రభావంతో కరువు పరిస్థితులు ఏర్పడే అవకాశం ఉందంటూ రైతులను ఆందోళనకు గురిచేయడం కాకుండా, విపత్కర పరిస్థితులను ఎదుర్కొనేందుకు ప్రభుత్వం వద్ద ఉన్న ప్రణాళికను వెల్లడించాలని చొప్పదండి మాజీ ఎమ్మెల్యే సుంకె రవిశంకర్‌ డిమాండ్‌ చేశారు. యాసంగి పంటలు వేయొద్దని ముఖ్యమంత్రి రేవంత్‌రెడ్డి, మంత్రులు చెప్పడం సిగ్గుచేటని విమర్శించారు. రైతులకు 24 గంటల విద్యుత్తు అందించాల్సి ఉండగా, కొన్ని ప్రాంతాల్లో నాలుగు గంటలే సరఫరా అవుతోందని రవిశంకర్‌ ఆరోపించారు. ప్రభుత్వం స్పందించకపోతే రానున్న రోజుల్లో పెద్దఎత్తున సబ్‌స్టేషన్ల ముట్టడి కార్యక్రమాలు చేపడతామని హెచ్చరించారు.

16-10-2026 | 07:26pm

డంపుయార్డు పై రాజకీయాలు వద్దు

ముకరంపుర: డంపుయార్డు సమస్యపై రాజకీయ లబ్ధి కోసం ప్రయత్నించడం సరికాదని సుడా మాజీ చైర్మన్ కోమటిరెడ్డి నరేందర్ రెడ్డి అన్నారు. రోజుకు 500 మెట్రిక్ టన్నుల కంటే ఎక్కువ బయోమైనింగ్ చేయలేమని, 5 లక్షల మెట్రిక్ టన్నుల చెత్త పేరుకుపోయిందని తెలిపారు. సమస్య పరిష్కారానికి రోజుకు 2 వేల మెట్రిక్ టన్నుల బయోమైనింగ్ చేయాలని, యుద్ధప్రాతిపదికన పనులు చేపట్టాలని సూచించారు. పొగ బారి నుండి ఉపశమనం కోసం స్పింక్లర్స్ ఏర్పాటు చేయాలని కోరారు. రాష్ట్ర ప్రభుత్వం పూర్తి సహకారం అందిస్తుందని వెల్లడించారు.

16-10-2026 | 07:16pm

నిమజ్జన ఘాట్లలో ముమ్మర ఏర్పాట్లు

ముకరంపుర: తెలంగాణ సంస్కృతికి ప్రతీకలైన సద్దుల బతుకమ్మ, దుర్గామాత నిమజ్జనాలకు కరీంనగర్ నగరపాలక సంస్థ రూ.3 కోట్ల నిధులతో ఘనంగా ఏర్పాట్లు చేస్తోంది. నగర మేయర్ కొలగాని శ్రీనివాస్, డిప్యూటీ మేయర్ యాదగిరి సునీల్ రావు, మున్సిపల్ కమీషనర్ ప్రఫుల్ దేశాయ్ మానేరు డ్యాం, కొత్తపల్లి చెరువు సహా పలు నిమజ్జన ఘాట్లను సందర్శించి పనులను పర్యవేక్షించారు. లైటింగ్, సౌండ్ సిస్టమ్, బారికేడింగ్, తాగునీరు వంటి ఏర్పాట్లు చేస్తున్నట్లు వెల్లడించారు. ఈ నెల 21న దుర్గామాత నిమజ్జనం జరగనుంది.

16-10-2026 | 06:36pm

ఆర్థిక ఆధారిత రిజర్వేషన్ల కు ప్రత్యేక చట్టం తేవాలి

చొప్పదండి: ఆర్థికంగా వెనుకబడిన పేదలకు విద్య, ఉద్యోగ, ఉపాధి రంగాల్లో రిజర్వేషన్లు కల్పించేందుకు కేంద్ర ప్రభుత్వం ప్రత్యేక చట్టం తీసుకురావాలని ఓసీ జేఏసీ జాతీయ అధ్యక్షుడు పోలాడి రామారావు డిమాండ్ చేశారు. శుక్రవారం చొప్పదండిలో రథయాత్ర పోస్టర్‌ను ఆవిష్కరించిన సందర్భంగా ఆయన ఈ వ్యాఖ్యలు చేశారు. ఆర్థిక ఆధారిత రిజర్వేషన్ల సాధన ఉద్యమంపై ప్రవీణ్ ఆరోరా చేపట్టిన దేశవ్యాప్త బస్సు రథయాత్రకు ఓసీ, రెడ్డి ఐకాసలు మద్దతు ఇస్తున్నాయని, ఈ యాత్ర అక్టోబరు 24న పరకాలకు చేరుకుంటుందని, అక్కడ 50 వేల మందితో బహిరంగ సభ జరుగుతుందని తెలిపారు.

16-10-2026 | 05:54pm

రైతుల హక్కులు, వ్యవసాయ చట్టాలపై అవగాహన

చొప్పదండి: కరీంనగర్ జిల్లా న్యాయ సేవాధికార సంస్థ ఆధ్వర్యంలో చొప్పదండి మండల కేంద్రంలో రైతులకు న్యాయ విజ్ఞాన సదస్సు నిర్వహించారు. జిల్లా న్యాయ సేవాధికార సంస్థ కార్యదర్శి, సీనియర్ సివిల్ జడ్జి యశ్వంత్ సింగ్ ముఖ్య అతిథిగా పాల్గొని, రైతులు తమ హక్కులు, వ్యవసాయ చట్టాలు, ప్రభుత్వ సంక్షేమ పథకాలపై అవగాహన కలిగి ఉండాలని సూచించారు. అర్హులైన వారికి ఉచిత న్యాయ సహాయం అందుబాటులో ఉంటుందని వెల్లడించారు. ప్యానెల్ న్యాయవాదులు భూమి వివాదాలు, చట్టపరమైన అంశాలపై వివరించారు.

16-10-2026 | 05:01pm

మచ్చ ప్రభాకర్ రావు సేవలు మరువలేనివి

కరీంనగర్: తెలంగాణ ప్రాంత పద్మశాలి సంఘం పూర్వ రాష్ట్ర అధ్యక్షులు, పద్మశాలి జాతి ముద్దుబిడ్డ స్వర్గీయ మచ్చ ప్రభాకర్ రావు జయంతి వేడుకలను రాష్ట్ర వ్యాప్తంగా ఘనంగా నిర్వహించారు. కరీంనగర్‌లోని ఆదర్శ చేనేత సహకార సంఘం -2 పద్మా నగర్‌లో చేనేత కార్మికులతో కలిసి వేడుకలు జరిగాయి. ఈ సందర్భంగా వాసాల రమేష్, మెతుకు సత్యం మాట్లాడుతూ, ప్రభాకర్ రావు పద్మశాలి ఐక్యతకు కృషి చేశారని, అనేక సేవా కార్యక్రమాలు నిర్వహించారని కొనియాడారు. యువతకు ఉద్యోగ, ఉపాధి అవకాశాలు, చేనేత కార్మికుల సమస్యల పరిష్కారానికి ఆయన నిరంతరం కృషి చేశారని తెలిపారు.

16-10-2026 | 05:00pm

సద్దుల బతుకమ్మ, దసరా వేడుకలకు అన్ని ఏర్పాట్లు

హుజురాబాద్: జమ్మికుంట పట్టణంలో సద్దుల బతుకమ్మ, దసరా పండుగ వేడుకలకు మున్సిపల్ చైర్మన్ మొలుగు ప్రశాంత్ కుమార్ (దిలీప్) అన్ని ఏర్పాట్లు పూర్తి చేస్తున్నట్లు తెలిపారు. మహిళలు బతుకమ్మలు ఆడిన ప్రదేశంలోనే ఉంచితే, మున్సిపల్ సిబ్బంది వాటిని సేకరించి నాయిని చెరువులో నిమజ్జనం చేస్తారని ఆయన స్పష్టం చేశారు. పర్యావరణానికి హాని కలగకుండా పండుగలను జరుపుకోవాలని ప్రజలను కోరారు.

16-10-2026 | 04:53pm

కళాకారుల సమస్యలు పరిష్కరించాలి

హుజురాబాద్: కళాకారుల సమస్యల పరిష్కారం, జానపద విశ్వవిద్యాలయం, అకాడమీ ఏర్పాటు చేయాలని సకల కళల జేఏసీ రాష్ట్ర కన్వీనర్ వలస సుభాష్ చంద్రబోస్ ప్రభుత్వాన్ని కోరారు. నవంబర్ 18న కరీంనగర్ కలెక్టరేట్ ఎదుట ధర్నాకు సంబంధించిన పోస్టర్‌ను ఆవిష్కరించారు. పెండింగ్‌లో ఉన్న పెన్షన్లు, ఎన్నికల హామీలను అమలు చేయాలని డిమాండ్ చేశారు. ఈ ధర్నాకు ఉమ్మడి కరీంనగర్ జిల్లా కళాకారులు పెద్ద సంఖ్యలో హాజరుకావాలని పిలుపునిచ్చారు.

16-10-2026 | 04:35pm

జమ్మికుంట పత్తి మార్కెట్‌కు ఐదు రోజుల సెలవులు

హుజురాబాద్, అక్టోబర్ 16: (విజయక్రాంతి): జమ్మికుంట వ్యవసాయ మార్కెట్ కమిటీ పరిధిలోని పత్తి మార్కెట్ యార్డుకు ఐదు రోజుల పాటు సెలవులు ప్రకటించినట్లు మార్కెట్ కమిటీ చైర్‌పర్సన్ పుల్లూరి స్వప్న-సదానందం తెలిపారు. శుక్రవారం మార్కెట్ కార్యాలయంలో ఏర్పాటు చేసిన సమావేశంలో ఆమె మాట్లాడుతూ.. సద్దుల బతుకమ్మ, మహర్నవమి, విజయదశమి పండుగలను పురస్కరించుకుని అక్టోబర్ 17 శనివారం నుంచి 21 బుధవారం వరకు మార్కెట్ యార్డు మూసివేయనున్నట్లు పేర్కొన్నారు.

16-10-2026 | 03:31pm

చైర్మన్‌గా రేవెల్లి.. వైస్ చైర్మన్‌గా రేమిడి

మానకొండూర్ వ్యవసాయ మార్కెట్ కమిటీ చైర్మన్‌గా రంగపేటకు చెందిన రేవెల్లి రాజలింగయ్య, వైస్ చైర్మన్‌గా ఊటూరుకు చెందిన రేమిడి శ్రీనివాస్ రెడ్డి నియమితులయ్యారు. ఈ మేరకు ఏపీసీ కార్యదర్శి కే. సురేంద్రమోహన్ గురువారం ఉత్తర్వులు జారీ చేశారు. నియామకమైన తేదీ నుంచి రెండేళ్లపాటు వీరి పదవీకాలం కొనసాగుతుందని ఉత్తర్వుల్లో పేర్కొన్నారు.

16-10-2026 | 11:51am