Breaking News

టైగర్ ష్రాఫ్‌పై కాల్పుల కలకలం! • వినియోగదారులకు శాంసంగ్ గుడ్‌న్యూస్ • ఎయిర్‌టెల్ అదిరిపోయే ఆఫర్ • ఫోర్ ఫాదర్స్ పబ్‌పై కొరడా • సెంచరీతో చెలరేగిన అఘా.. పాక్‌ భారీ స్కోరు • ముగిసిన నామినేషన్ల పర్వం • సీఎం రేవంత్ సీరియస్ • ఆదివారం బంగారం, వెండి ధరలు ఇవే • ఇన్సూరెన్స్ రంగంలో కొత్త సంచలనం • రైతులకు రూ.20 వేల బంపర్ ఆఫర్ •

Districts - Jogulamba Gadwal

అందరిదీ పోతే నాదీ పోతది...అయిజలో హాట్‌టాపిక్!

అయిజ (విజయక్రాంతి): అయిజలోని 96 ఎకరాల మసీదు మాన్యం భూమి వ్యవహారం చర్చనీయాంశంగా మారింది. ఇనాం భూములు కొనుగోలు చేసినట్లు మాజీ మున్సిపల్ వైస్‌ చైర్మన్ చేసిన వ్యాఖ్యలు వివాదానికి దారితీశాయి. వారసత్వ భూముల్లో కొంత కొనుగోలు చేసి, ఖాతా మార్చుకొని రిజిస్ట్రేషన్ చేయించుకున్నట్లు ఆయన తెలిపారు. భూముల చట్టబద్ధత, రికార్డులపై అధికారులు స్పష్టత ఇవ్వాలనే అభిప్రాయాలు వ్యక్తమవుతున్నాయి.

18-10-2026 | 10:36am

శరన్నవరాత్రి ఉత్సవాల్లో పాల్గొన్న సరిత తిరుపతయ్య

ఉండవల్లి: జోగులాంబ గద్వాల జిల్లా ఉండవల్లి మండలం కంచుపాడులోని ఎల్లమ్మ ఆలయంలో జరుగుతున్న శరన్నవరాత్రి ఉత్సవాల్లో తెలంగాణ రాష్ట్ర షీప్స్ అండ్ గోట్స్ కార్పొరేషన్ చైర్‌పర్సన్ సరిత తిరుపతయ్య పాల్గొన్నారు. ఈ సందర్భంగా శ్రీ గాయత్రీ దేవి అలంకారంలో అమ్మవారిని దర్శించుకుని ప్రత్యేక పూజలు నిర్వహించారు. కాంగ్రెస్ పార్టీ నాయకులు, ఆలయ కమిటీ సభ్యులు, భక్తులు ఈ కార్యక్రమంలో పాల్గొన్నట్లు తెలిసింది.

17-10-2026 | 10:39pm

పెద్దతాండలో ఉచిత విత్తనాల పంపిణీ

మల్దకల్: గద్వాల నియోజకవర్గం మల్దకల్ మండలం పెద్దతాండ గ్రామపంచాయతీ ఆధ్వర్యంలో రైతులకు ఉచితంగా మినుములు, జొన్న విత్తనాలను పంపిణీ చేశారు. సర్పంచ్ యం. నార్య నాయక్ ఈ విత్తనాలను అందజేసి, వాతావరణ మార్పులను దృష్టిలో ఉంచుకుని ఆరుతడి పంటల సాగుకు ప్రాధాన్యత ఇవ్వాలని రైతులకు సూచించారు. రైతుల సంక్షేమమే లక్ష్యంగా ఈ కార్యక్రమం చేపట్టినట్లు తెలిపారు. ఉపసర్పంచ్ యం. బిక్య నాయక్, వ్యవసాయ శాఖ ఏఈఓ పాల్గొన్నారు.

17-10-2026 | 10:25pm

పెద్దపల్లిలో చింతలముని నల్లారెడ్డి స్వామి ముఖద్వారం ప్రారంభం

మల్దకల్: గద్వాల నియోజకవర్గం మల్దకల్ మండలం పెద్దపల్లి గ్రామంలోని పాల్వాయి చింతలముని నల్లారెడ్డి స్వామి ఆలయ ముఖద్వారాన్ని సర్పంచ్ అల్వాల శిరీష రాజశేఖర్ రెడ్డి ప్రత్యేక పూజలతో ప్రారంభించారు. కీ.శే. అనంత నారాయణ శెట్టి, కుంటి నారాయణ శెట్టి జ్ఞాపకార్థం, హోటల్ బీసన్న సహకారంతో ఈ నిర్మాణం జరిగింది. ఆధ్యాత్మిక కార్యక్రమాలకు దాతలు ముందుకు రావడం అభినందనీయమని సర్పంచ్ పేర్కొన్నారు. ఈ కార్యక్రమంలో మాజీ వైస్ ఎంపీపీ పాల్వాయి రాముడు, ఉపసర్పంచ్ లక్ష్మీ నర్సింహులు తదితరులు పాల్గొన్నారు.

17-10-2026 | 08:51pm

ప్రతి కుటుంబం పొదుపును అలవాటుగా మార్చుకోవాలి

గద్వాల: ప్రతి కుటుంబం పొదుపు అలవాటును పెంపొందించుకొని ఆర్థికంగా స్థిరపడాలని జిల్లా కలెక్టర్ రిజ్వాన్ బాషా షేక్ సూచించారు. తెలంగాణ గ్రామీణ బ్యాంకు ప్రత్యేక ఫిక్స్‌డ్ డిపాజిట్ పథకాల కరపత్రాన్ని విడుదల చేస్తూ, 1,000 రోజుల డిపాజిట్‌పై సాధారణ ఖాతాదారులకు 7.50 శాతం, సీనియర్ సిటిజన్లకు 8 శాతం వడ్డీ అందిస్తున్నట్లు తెలిపారు. 444 రోజుల డిపాజిట్‌పై వరుసగా 7.40 శాతం, 7.90 శాతం వడ్డీ రేట్లు అందుబాటులో ఉన్నాయని పేర్కొన్నారు. బ్యాంకింగ్ సేవలు, పొదుపు పథకాలపై గ్రామీణ ప్రజలకు అవగాహన కల్పించాలని బ్యాంకు అధికారులకు సూచించారు.

17-10-2026 | 03:47pm

మద్యం రహిత గ్రామంగా కాశపురం

అలంపూర్: జోగులాంబ గద్వాల జిల్లా అలంపూర్ మండలం కాశపురం గ్రామాన్ని మద్యం రహిత గ్రామంగా మార్చాలని గ్రామసభ ఏకగ్రీవంగా తీర్మానించింది. గ్రామంలో మద్యం విక్రయిస్తే రూ.20,000 జరిమానా విధించాలని, సమాచారం ఇచ్చిన వారికి రూ.2,000 బహుమతి ఇవ్వాలని సర్పంచ్ మద్దిలేటి, ఉప సర్పంచ్ ఖాజా ఆధ్వర్యంలో జరిగిన సమావేశంలో నిర్ణయించారు. మద్యం వల్ల కుటుంబాలు, ఆరోగ్యాలు, యువత భవిష్యత్తు దెబ్బతింటున్న నేపథ్యంలో గ్రామస్తులు ఈ నిర్ణయం తీసుకున్నట్లు తెలిసింది.

16-10-2026 | 10:55pm

ఎల్‌నినో ప్రభావాలు తగ్గి.. రాష్ట్రం సుభిక్షంగా ఉండాలి

అలంపూర్‌: రాష్ట్ర పశుసంవర్ధక, క్రీడలు, యువజన సర్వీసుల శాఖ మంత్రి వాకిటి శ్రీహరి దసరా శరన్నవరాత్రుల సందర్భంగా కుటుంబ సమేతంగా శ్రీ జోగులాంబ బాల బ్రహ్మేశ్వర స్వామి ఆలయాన్ని సందర్శించారు. రాష్ట్ర ప్రభుత్వం తరఫున జోగులాంబ అమ్మవారికి పట్టువస్త్రాలు సమర్పించి ప్రత్యేక పూజలు నిర్వహించారు. ఎల్‌నినో ప్రభావాలు తగ్గి, రాష్ట్రంలో సమృద్ధిగా వర్షాలు కురిసి రైతాంగం సుభిక్షంగా ఉండాలని, ప్రజలు ఆయురారోగ్యాలతో జీవించాలని ఆయన ఆకాంక్షించారు. ముఖ్యమంత్రి రేవంత్‌రెడ్డి, రాష్ట్ర ప్రభుత్వానికి అమ్మవారు మరింత శక్తిసామర్థ్యాలు ప్రసాదించాలని కోరినట్లు తెలిపారు.

16-10-2026 | 01:00pm

గుట్టలను కొల్లగొడుతున్నదెవరు?

గద్వాల టౌన్, అక్టోబర్ 11 (విజయక్రాంతి): జిల్లా కేంద్రం సమీపంలో గుట్టలు తవ్వి మట్టి తరలిస్తున్నారనే ఆరోపణలు కలకలం రేపుతున్నాయి. మైనింగ్, రెవెన్యూ శాఖలు అనుమతులు ఇవ్వలేదని చెబుతుండటంతో సందేహాలు వ్యక్తమవుతున్నాయి. ఈ వ్యవహారంపై సమగ్ర విచారణ జరిపి, తవ్వకాల అనుమతుల వివరాలు వెల్లడించాలని, నిబంధనల ఉల్లంఘన జరిగితే చర్యలు తీసుకోవాలని స్థానికులు కోరుతున్నారు.

11-10-2026 | 08:54am

జాతీయ రహదారిపై ప్రమాదం.. బాలుడు మృతి

ఇటిక్యాల స్టేజ్‌ సమీపంలోని జాతీయ రహదారి-44పై ట్రాక్టర్‌ను గుర్తుతెలియని వాహనం ఢీకొట్టడంతో తండ్రీకొడుకులు తీవ్రంగా గాయపడ్డారు. కర్నూలు ఆస్పత్రికి తరలిస్తుండగా కుమారుడు రాము (14) మృతిచెందగా, తండ్రి శ్రీనివాసులు (42) చికిత్స పొందుతున్నారు. ఘటనపై కేసు నమోదు చేసి దర్యాప్తు చేస్తున్నట్లు ఎస్‌ఐ రవి రాథోడ్ తెలిపారు.

10-10-2026 | 11:11pm

ఎవుసంపై ఎల్ నినో ఎండలు

గద్వాల: జోగులాంబ గద్వాల జిల్లాలో వర్షాభావ పరిస్థితుల కారణంగా పత్తి, మిరప, కంది పంటలు ఎండిపోతున్నాయి. ఎల్ నినో ప్రభావంతో వర్షాలు లేక, భూమిలో తేమ కొరవడి పూత, కాయ దశలో ఉన్న పంటలు వాడిపోతున్నాయి. పెట్టుబడులు భారీగా పెరిగి, దిగుబడిపై నమ్మకం లేకపోవడంతో రైతులు ఆవేదన వ్యక్తం చేస్తున్నారు. కౌలు రైతుల పరిస్థితి మరింత దయనీయంగా మారింది. పంట నష్టాన్ని అంచనా వేసి, ప్రభుత్వం ఆదుకోవాలని రైతులు కోరుతున్నారు.

04-10-2026 | 05:25am

కథనం కదిలించింది.. అధికారుల సర్‌ప్రైజ్ చెకింగ్

గద్వాల జిల్లా, అలంపూర్: మానవపాడు మండల కేంద్రంలో ప్రభుత్వ ఉద్యోగుల సమయపాలనపై ‘విజయక్రాంతి’లో ప్రచురితమైన కథనానికి అధికారులు స్పందించారు. ఎంపీడీవో రాఘవ పలు ప్రభుత్వ కార్యాలయాల్లో ఆకస్మిక తనిఖీలు నిర్వహించి హాజరు రికార్డులను పరిశీలించారు. పీహెచ్‌సీలో ఉద్యోగుల ఆలస్యంపై అసహనం వ్యక్తం చేసి, ఇకపై సమయపాలన పాటించకపోతే కఠిన చర్యలు తప్పవని హెచ్చరించారు.

01-10-2026 | 12:28pm

ఒకరిద్దరితోనే బడి!

హైదరాబాద్: జోగులాంబ గద్వాల జిల్లాతో పాటు రాష్ట్రవ్యాప్తంగా అనేక ప్రభుత్వ ప్రాథమిక పాఠశాలల్లో ఉపాధ్యాయుల కొరత తీవ్రంగా ఉంది. జిల్లేడుదిన్నె వంటి పాఠశాలల్లో 50 మంది విద్యార్థులకు ఒక్కరే టీచర్ బోధిస్తున్నారు. దాదాపు 8 వేలకు పైగా పాఠశాలలు ఒకరిద్దరు టీచర్లతోనే నడుస్తున్నాయి. బోధనేతర పనులతో ఉపాధ్యాయులు తీవ్ర ఒత్తిడికి గురవుతున్నారు. తరగతికి ఒక టీచర్‌ను నియమించాలని ఉపాధ్యాయ సంఘాలు ప్రభుత్వాన్ని డిమాండ్ చేస్తున్నాయి.

01-10-2026 | 05:35am

నోటీసులతోనే కాలయాపన.. చర్యలేవీ?

అయిజ: అయిజ పట్టణంలో అనుమతులు లేకుండా పుట్టగొడుగుల్లా కోచింగ్ సెంటర్లు వెలుస్తున్నట్లు ఆరోపణలున్నాయి. విద్యాశాఖ అధికారులు వీటిపై పర్యవేక్షణ కొరవడటంతో, గురుకుల, నవోదయ సీట్ల పేరుతో ఒక్కో విద్యార్థి నుంచి రూ. 25 వేల నుంచి రూ. 30 వేల వరకు అధిక ఫీజులు వసూలు చేస్తున్నారని తల్లిదండ్రులు పేర్కొన్నారు. గత ఫిర్యాదులపై చర్యలు లేవని, ఎంఈఓ కేవలం ఆదేశాల కోసం ఎదురుచూస్తున్నారని వెల్లడించారు. అధికారులు తక్షణమే సమగ్ర తనిఖీలు నిర్వహించాలని ప్రజలు, తల్లిదండ్రులు కోరుతున్నారు.

29-09-2026 | 05:05am

గుండె ఆరోగ్యం పట్ల అవగాహన ర్యాలీ

మెడిసిటీ మెడినోవా ఆసుపత్రుల సంయుక్త ఆధ్వర్యంలో ప్రపంచ గుండె ఆరోగ్య దినోత్సవాన్ని( సెప్టెంబర్ 29) పురస్కరించుకొని గజ్వేల్ ప్రజ్ఞాపూర్ మున్సిపాలిటీలో గుండె ఆరోగ్యం పట్ల అవగాహన ర్యాలీ నిర్వహించారు. ఇంద్ర పార్క్ కూడలి నుండి ప్రభుత్వ ఆసుపత్రి వరకు నిర్వహించిన ఈ అవగాహన ర్యాలీని ఎమ్మెల్సీ డాక్టర్ యాదవ రెడ్డి, మాజీమంత్రి హరీష్ రావు, మాజీ ఎఫ్డిసి చైర్మన్ వంటేరు ప్రతాపరెడ్డిలు జెండా ఊపి ప్రారంభించారు.

26-09-2026 | 10:13pm