ట్రిలియన్ సవాల్!
హైదరాబాద్: తెలంగాణను 2047 నాటికి 3 ట్రిలియన్ డాలర్ల ఆర్థిక వ్యవస్థగా మార్చాలన్న ప్రభుత్వ లక్ష్యం ప్రస్తుత ఆర్థిక గణాంకాలతో సవాలుగా మారిందని నిపుణులు పేర్కొన్నారు. వార్షికంగా 17.5% వృద్ధి అవసరం కాగా, ప్రస్తుతం 10.7% మాత్రమే ఉందని వెల్లడించారు. తొలి ఐదు నెలల్లో రూ. 14,840 కోట్ల రెవెన్యూ లోటు, రూ. 34,285 కోట్ల ద్రవ్యలోటు నమోదైంది. భారీ అప్పులు, తక్కువ మూలధన వ్యయం లక్ష్యసాధనకు ఆటంకాలుగా మారాయని విశ్లేషకులు తెలిపారు. కేంద్ర అనుమతులు, నిధులపై ఆధారపడిన ప్రాజెక్టులు, సంక్షేమ పథకాల భారం వంటి అంశాలు కీలకం అని పేర్కొన్నారు.
28-09-2026 | 05:25am
