తమిళనాడు ఎన్నికల ఫలితాలు ఎప్పుడు వస్తాయి?

మే 4, 2026న తమిళనాడు అసెంబ్లీ ఎన్నికల ఫలితాలు వెలువడతాయి.

విజయ్ TVK ఏ నియోజకవర్గం నుండి పోటీ చేస్తున్నారు?

తమిళగ వెట్రి కళగం అధినేత విజయ్ త్రిచీ తూర్పు నియోజకవర్గం నుండి పోటీ చేస్తున్నారు.

తమిళనాడులో ఈసారి ఎంత శాతం పోలింగ్ నమోదైంది?

ఉదయం 9 గంటలకు 17.69%, 11 గంటలకు 37.57% పోలింగ్ నమోదైంది.

National

3 September, 2026 | 8:32 PM

E-Paper

Breaking News

ఓల్డ్ సిటీ కాదు.. ఒరిజినల్ సిటీ • ఓల్డ్ సిటీ కాదు.. ఒరిజినల్ సిటీ • ఊకె శిరీషను కుటుంబానికి న్యాయం చేయాలి • కరీంనగర్‌లో ఫ్లెక్సీ వార్ • 36 గంటల్లో దోపిడీ కేసును ఛేదించిన నాగిరెడ్డిపేట పోలీసులు • అంగన్వాడీ కేంద్రాల్లోని సౌకర్యాలను సద్వినియోగం చేసుకోవాలి • చంచల్‌గూడలో స్టీల్ ఫ్లైఓవర్ ప్రారంభం • ఎమ్మార్పీఎస్ ఆధ్వర్యంలో ఎంఎస్ఎఫ్ కమిటీల నియామకం • పరిశుభ్రతకు నిలయం పోలీస్ టానా • వరి ఫౌండేషన్ సీడ్ క్షేత్రాల పరిశీలన •

National -

Nasha Mukt Bharat: 4 రాష్ట్రాల్లో ఈడీ సోదాలు

చెన్నై: దేశవ్యాప్తంగా సంచలనంగా మారిన మాదకద్రవ్యాల అక్రమరవాణా, మనీలాండరింగ్‌కు సంబంధించిన కేసులో తమిళనాడు, కర్ణాటక, తెలంగాణ, కేరళ రాష్ట్రాల్లో ఈడీ సోదాలు నిర్వహించింది. 'మనీ లాండరింగ్ నిరోధక చట్టం' కింద చేపట్టిన చర్యల్లో భాగంగా, తమిళనాడులోని చెన్నై, రామనాథపురం, అలాగే కేరళలోని కొచ్చి, కన్నూర్, మలప్పురం, త్రిసూర్ ప్రాంతాల్లోని మొత్తం 30కి పైగా ప్రాంతాల్లో తనిఖీలు నిర్వహించింది. కేంద్రం 'నషా ముక్త్ భారత్ అభియాన్'లో భాగంగా ఈ చర్య జరిగింది.

03-09-2026 | 11:36am

కాశ్మీరీ పండిట్ల హిట్ లిస్ట్ ఎపిసోడ్ @పొలిటికల్ టర్న్

న్యూఢిల్లీ: కాశ్మీరీ పండిట్ల హిట్ లిస్ట్ ఎపిసోడ్ పొలిటికల్ టర్న్ తీసుకుంది. పండింట్ల బెదిరింపులపై జమ్మూకశ్మీర్ మాజీ ముఖ్యమంత్రి ఫరూక్ సంచలన ఆరోపణలు చేశారు. పండిట్లకు బెదిరింపుల వెనుక కుట్ర ఉందని సూచించారు. జమ్మూకశ్మీర్ కు రాష్ట్రహోదా రాకుండా అడ్డుకునేందుకు భయానక వాతావరణం సృష్టిస్తున్నారని పేర్కొన్నారు. పండిట్లకే బెదిరింపులెందుకు? హిందూ అధికారులకు ఎందుకు రావడం లేదు? అని ప్రశ్నించారు. డీజీపీ నుంచి ఎస్పీల వరకు అందరూ బయటివారే ఉన్నారని ఆరోపించారు.

03-09-2026 | 11:16am

భారత్ సహా ప్రపంచ దేశాలకు అమెరికా వార్నింగ్

న్యూఢిల్లీ: భారత్-ఇరాన్ భేటీపై(India-Iran Meeting) అమెరికా ఆగ్రహం వ్యక్తం చేస్తోంది. ప్రధానమంత్రి నరేంద్ర మోదీ(Prime Minister Narendra Modi) ఇరాన్ అధ్యక్షుడు మసూద్ పెజెష్కియన్‌ను కలిసిన నేపథ్యంలో ఇరాన్‌కు ఆయుధాలు సమకూర్చుకోవడంలో గానీ, అమెరికా ఆంక్షలను తప్పించుకోవడంలో గానీ సహాయం చేయవద్దని అమెరికా విదేశాంగ మంత్రి మార్కో రూబియో(US Secretary of State Marco Rubio) భారత్‌ తో సహా ఇతర దేశాలను హెచ్చరించారు. పెజెష్కియన్‌తో ప్రధాని సమావేశం గురించి, అలాగే టెహ్రాన్‌తో కొత్త వాణిజ్య ఒప్పందాన్ని కుదుర్చుకోవడానికి న్యూఢిల్లీ ప్రయత్నిస్తోందా అనే విషయంపై 'ది బ్రయాన్ కిల్మీడ్ షో'లో బ్రయాన్ కిల్మీడ్‌తో జరిగిన ఒక ఇంటర్వ్యూలో ఆయన ఈ వ్యాఖ్యలు చేశారు. ఇరాన్ కు సాయం చేసే ఏదేశాలనూ వదలబోమని అమెరికా తేల్చిచెప్పింది.

03-09-2026 | 09:07am

జలభద్రతకు ఏకీకృత ప్రణాళిక

న్యూఢిల్లీ, సెప్టెంబర్ 2: దేశవ్యాప్తంగా చేపట్టే ప్రతి జల సంరక్షణ పనిని ఒకే జలభద్రతా ప్రణాళి క పరిధిలోకి తీసుకురావాలని నీటిపారుదల మంత్రి ఉత్తమ్‌కుమార్‌రెడ్డి కేంద్రాన్ని కోరారు. ప్రతి జల సంరక్షణ ఆస్తికి ప్రత్యేక గుర్తింపు సంఖ్య కేటాయించి, దాని నిర్వహణ బాధ్యతను నిర్దిష్ట సంస్థకు అప్పగించాలని సూచించారు.

03-09-2026 | 02:45am

ఆగని మృత్యుఘోష

ఖాఠ్మాండు, సెప్టెంబర్ 2: నేపాల్ వరదల్లో మరణించిన వారి సంఖ్య రోజురోజుకు పెరుగుతోంది. వరద సంభవించిన జిల్లాల్లో ఎక్కడ చూసినా బురదలో శవాల దిబ్బలే కనిపిస్తున్నాయి. వరద ప్రళయంలా విరుచుకుపడి ఈ ప్రాంతంలో మరణమృదంగం కొనసాగించింది.

03-09-2026 | 03:05am

ఇరాన్‌లో పెళ్లివేడుకపై బాంబుదాడి

టెహ్రాన్/వాషింగ్టన్, సెప్టెంబర్ 2: పశ్చిమాసియాలో మరోమారు యుద్ధమేఘాలు అలముకుంటున్నాయి. రెండు రోజుల క్రితం అమెరికా ఇరాన్‌పై క్షిపణి దాడులతో విరుచుకుపడగా బుధవారం వేకువజామున ఓ పెళ్లి వేడుక జరుగుతున్న ఇంటిపై క్షిపణి దాడికి దిగింది.

03-09-2026 | 03:05am

‘అయోధ్య’ ట్రస్ట్ తొలి సీఈవోగా జితేంద్ర మిశ్రా

లక్నో, సెప్టెంబర్ 2: ‘ఆపరేషన్ సింధూర్’ సమయంలో వెస్ట్రన్ ఎయిర్ కమాండ్‌కు నాయకత్వం వహించిన ఎయిర్ మార్షల్ (రిటైర్డ్) జితేంద్ర మిశ్రాను అయోద్య రామాలయ నిర్వహణ, కార్యకలాపాలను పర్యవేక్షించే ‘శ్రీరామ జన్మభూమి తీర్థ క్షేత్ర ట్రస్ట్’కు తొలి సీఈఓగా బుధవారం నియమించినట్లు ట్రస్ట్ అధికారులు తెలిపారు.

03-09-2026 | 03:00am

కేసులు ఉపసంహరణ

చెన్నై, సెప్టెంబర్ 2: ప్రజాస్వామ్యాన్ని గౌరవిస్తూ, తమ డిమాండ్ల సాధన కోసం గత ప్రభుత్వ పాలనలో శాంతియుతంగా నిరసన తెలియజేసిన రైతులు, ఉపాధ్యాయులపై పెట్టిన అన్ని కేసులను ఉపసంహరింకోవాలని నిర్ణయించామని తమిళనాడు సీఎం విజయ్ ప్రకటించారు.

03-09-2026 | 03:00am

200 ఏళ్ల తర్వాత ఆడబిడ్డ జననం

ముంబై, సెప్టెంబర్2: మహారాష్ట్రలోని ఓ కుటుంబానికి ఎట్టకేలకు రెండు శతాబ్దాల కల నెరవేరింది. నాలుగు తరాల తర్వాత కూతరురు పుట్టడంతో దహిఫలే కుటుంబంలో ఆనందాలు వెల్లువిరిసాయి. నవజాతశివువును మహాలక్ష్మిగా భావించి, ఆసుపత్రి నుంచి ఇంటి వరకు రథంలో ఘనంగా ఊరేగించారు.

03-09-2026 | 02:55am

ఏసీబీకి చిక్కిన టీటీడీ డిప్యూటీ ఈవో

తిరుపతి: తిరుమల తిరుపతి దేవస్థానం డిప్యూటీ ఈవో మెండు లోకనాథం నివాసంలో ఏసీబీ అధికారులు సోదాలు నిర్వహించారు. ఆదాయానికి మించి అస్తుల ఆరోపణల నేపథ్యంలో బుధవారం ఉదయం 6 గంటల నుంచి తిరుపతి పెదకాపు లేఔట్‌లోని లోకనాథం ఇంటితో పాటు ఆయన బంధువుల ఇళ్లలోనూ ఏకకాలంలో తనిఖీలు చేపట్టారు.

03-09-2026 | 02:55am

నర్సు అత్యాచారం కేసును సుమోటోగా విచారించిన ఎన్‌సీడబ్ల్యూ

ఆదివాసి మహిళ నర్సు శిరీషపై జరిగిన అత్యాచారం కేసును జాతీయ మహిళా కమిషన్ సుమోటోగా విచారించింది. నర్సు అత్యాచారం ఘటనపై వారం రోజులోగా నివేదిక ఇవ్వాలని జాతీయ మహిళా కమిషన్ ఛైర్ పర్సన్ విజయ రహత్కర్ రాష్ట్ర డీజీపీకి లేఖ రాశారు. నిందితుడిపై తక్షణమే కఠిన చర్యలు తీసుకోవాలని, ఈ కేసులో వేగవంతమైన దర్యాప్తు చేయాలని ఎన్సీడబ్ల్యూ సూచనలు జారీ చేసింది. పోస్టుమార్టం, ఫోరెన్సిక్, డిజిటల్ ఆధారాలను భద్రపర్చాలని, 7 రోజుల్లో యాక్షన్ టేకెన్ రిపోర్టు సమర్పించాలని పోలీసులకు ఆదేశించింది.

02-09-2026 | 06:04pm

రాజీనామా చేయమని ఎవరూ చెప్పలేదు: కొండా సురేఖ

హైదరాబాద్, సెప్టెంబర్ 2 (విజయక్రాంతి): తనను రాజీనామా చేయాలని ఇప్పటివరకు ఎవరూ చెప్పలేదని మంత్రి కొండా సురేఖ తెలిపారు. బీసీ అయిన తనకు ఒక న్యాయం, ఇతర సామాజికవర్గాలకు మరో న్యాయమా అని ప్రశ్నించారు. తన కుమార్తె సుస్మిత చేసిన వ్యాఖ్యలతో తనకు సంబంధం లేదని, ఆమెకు వివాహమైందని, స్వతంత్రంగా ఉంటున్నారని తెలిపారు. తన కుమార్తె వ్యాఖ్యలకు తనను బాధ్యురాలిని చేయొద్దని అధిష్ఠానానికి చెప్పినట్లు వెల్లడించారు.

02-09-2026 | 04:34pm

మంత్రి రాజ్‌నాథ్ సింగ్‌తో సీఎం రేవంత్ రెడ్డి భేటీ

కేంద్ర రక్షణ శాఖ మంత్రి రాజ్‌నాథ్ సింగ్‌తో ముఖ్యమంత్రి రేవంత్ రెడ్డి భేటీ అయ్యారు. తెలంగాణ ప్రభుత్వం ప్రతిష్టాత్మకంగా నిర్వహించనున్న ఇన్వెస్ట్‌ తెలంగాణ గ్లోబల్‌ సమ్మిట్‌-2026కు హాజ‌రు కావాల‌ని కేంద్ర రక్షణ శాఖ మంత్రిని ఆహ్వానించారు. భారత్ ఫ్యూచర్ సిటీలో డిసెంబర్ 7 నుంచి 9వ తేదీ వరకు సదస్సు నిర్వహించనున్నట్లు తెలిపారు. స‌దస్సులో భాగంగా నిర్వహించే డిఫెన్స్ ఎక్స్‌పో 2026ను ప్రారంభించాలని ఈ సందర్భంగా కేంద్ర మంత్రిని ముఖ్యమంత్రి కోరారు.

02-09-2026 | 02:26pm

టీటీడీ డిప్యూటీ ఈఓ లోకనాథం ఇంట్లో ఏసీబీ సోదాలు

తిరుపతి: టీటీడీ డిప్యూటీ ఈఓ లోకనాథం ఇంట్లో ఏసీబీ అధికారులు సోదాలు నిర్వహిస్తున్నారు.తిరుపతిలోని పెద్దకాపు లేఔట్‌లో ఉన్న ఆయన నివాసంలో ఏసీబీ తనిఖీలు కొనసాగుతున్నాయి. సోదాల సమయంలో లోకనాథం ఇంట్లోనే ఉన్నట్లు సమాచారం. ఆయనకు సంబంధించిన ఆస్తులు, ఆర్థిక లావాదేవీలకు సంబంధించిన వివరాలను ఏసీబీ అధికారులు పరిశీలిస్తున్నట్లు తెలుస్తోంది.సోదాల్లో కోట్ల రూపాయల విలువైన ఆస్తులు ఉన్నట్లు ఏసీబీ గుర్తించినట్లు సమాచారం.

02-09-2026 | 11:48am

సీఎం రేవంత్ రెడ్డి సహా ముఖ్యనేతలంతా ఢిల్లీలోనే మకాం

ముఖ్యమంత్రి రేవంత్ రెడ్డి సహా ముఖ్యనేతలంతా ఢిల్లీలోనే మకాం వేశారు. రాష్ట్ర మంత్రివర్గ విస్తరణపై కాంగ్రెస్ వర్గాల్లో ఉత్కంఠ నెలకొంది. టీపీసీసీ చీఫ్ మహేష్ కుమార్ గౌడ్, స్వీకర్ గడ్డం ప్రసాద్, మంత్రులు ఉత్తమ్ కుమార్ రెడ్డి, తుమ్మల నాగేశ్వరరావు, కొండా సురేఖ ఢిల్లీలోనే ఉండగా, ఉపముఖ్యమంత్రి భట్టి విక్రమార్క, శ్రీధర్ బాబు ఇవాళ వెళ్లనున్నారు. కేసీ వేణుగోపాల్ తో ముఖ్యమంత్రి రేవంత్ రెడ్డి నిన్న గంటన్నరపాటు చర్చించి, రాష్ట్రంలో కాంగ్రెస్ వెయ్యి రోజుల పాలన, రాజకీయ పరిస్థితులను వివరించారు.

02-09-2026 | 11:00am