Breaking News

ఇండిగో విమానంలో బాంబు కలకలం... హై అలర్ట్‌ • టీ20 థ్రిల్‌.. భారత్‌–వెస్టిండీస్‌ ఫైట్‌కు వేళాయె! • బతుకమ్మ సంబురం...ప్రతిభకు వెండితెర వెలుగు • కాంగ్రెస్‌లో కొత్త చిచ్చు.. కొండా వర్గం హల్‌చల్ • సిటీలో పోలీసుల వేట • సీఎం రేవంత్‌పై కవిత ఫైర్ • వాహనదారులకు బిగ్ అప్‌డేట్ • చంచల్‌గూడ జైలుకు లక్ష్మీ భాస్కర్ • ఫినిషర్‌గా రింకూ సూపర్.. ఎందుకు పక్కనపెట్టారు? • సీజేపీ నిరసనపై ఆంక్షలు •

Districts - Sangareddy

రోగాలకు నిలయాలు.. ఫాస్ట్‌ఫుడ్ సెంటర్లు!

పటాన్‌చెరు: పటాన్‌చెరు, అమీన్‌పూర్, రామచంద్రాపురం, ఇస్నాపూర్ ప్రాంతాల్లోని డాబాలు, ఫాస్ట్‌ఫుడ్ సెంటర్లు, హోటళ్లలో నాసిరకం ఆహారం విక్రయిస్తున్నారని, దీనివల్ల ప్రజలు అనారోగ్యం పాలవుతున్నారని తెలిసింది. ఇటీవల నర్సాపూర్‌లో ఫుడ్ పాయిజన్ కారణంగా ఒక యువకుడు మృతి చెందిన ఘటనను ఈ సందర్భంగా ప్రస్తావించారు. ఆహార పదార్థాల నాణ్యత, పరిశుభ్రతపై అధికారులు పర్యవేక్షణ కొరవడిందని, తనిఖీలు నిర్వహించడం లేదని ప్రజలు ఆరోపిస్తున్నారు. అధికారులు తనిఖీలు చేసి నిబంధనలు ఉల్లంఘించిన వారిపై చర్యలు తీసుకోవాలని కోరుతున్నారు.

17-10-2026 | 05:00am

ఆడపడుచులకు బతుకమ్మ కానుక

శివ్వంపేట: బతుకమ్మ పండుగను పురస్కరించుకొని శివ్వంపేట మండల కేంద్రంలో తాజా మాజీ జడ్పీటీసీ పబ్బ మహేష్ గుప్తా తన సొంత నిధులతో సుమారు 1200 మంది మహిళలకు చీరలను పంపిణీ చేశారు. ఈ కార్యక్రమంలో శివంపేట సర్పంచ్ రాజపేట వెంకటేశ్వర్, ఉప సర్పంచ్ ఇసుగారి మల్లేశం, మాజీ సర్పంచ్ పత్రాల శ్రీనివాస్ గౌడ్, గ్రామ పంచాయతీ పాలక వర్గం, పబ్బ మహేష్ గుప్తా యువసేన సభ్యులు పాల్గొన్నారు.

16-10-2026 | 11:02pm

ముగిసిన కుస్తీ పోటీలు

పటాన్ చెరు, అక్టోబర్ 16: గత రెండు రోజులుగా పటాన్ చెరు పట్టణంలోని మైత్రి మైదానం వేదికగా జరుగుతున్న స్కూల్ గేమ్స్ ఫెడరేషన్ రాష్ట్ర స్థాయి అండర్ 17 బాల బాలికల కుస్తీ పోటీలు శుక్రవారం సాయంత్రం ఘనంగా ముగిసాయి. వివిధ ప్రాంతాల నుంచి తరలివచ్చిన క్రీడాకారులు తమ ప్రతిభాపాటవాలను ప్రదర్శిస్తూ ప్రేక్షకులను ఆకట్టుకున్నారు. ఉత్సాహభరిత వాతావరణంలో సాగిన ఈ పోటీలు క్రీడాభిమానుల్లో ఆనందోత్సాహాలను నింపాయి.

16-10-2026 | 10:05pm

సమ్మక్క సారక్క దేవాలయంలో ప్రత్యేక పూజలు.!

శివంపేట: మండల కేంద్రంలోని లక్ష్మాపూర్ గ్రామ శివారులోని దట్టమైన అటవీ ప్రాంతంలో వెలసిన సమ్మక్క సారక్క దేవాలయంలో దేవీ నవరాత్రి ఉత్సవాలు ఘనంగా జరుగుతున్నాయి. ఈ సందర్భంగా పూజారి రెడ్డిపల్లి శశికళ, నరసింహులు పుణ్య దంపతుల ఆధ్వర్యంలో అమ్మవారికి ప్రత్యేక పూజలు నిర్వహించారు. ప్రజలందరూ సుఖ సంతోషాలతో, ఆయురారోగ్యాలతో ఉండాలని అమ్మవారిని ప్రార్థించినట్లు వారు వెల్లడించారు.

16-10-2026 | 10:04pm

నందిగామలో గౌడ్‌ హాస్టల్‌ ప్రారంభోత్సవం

పటాన్‌చెరు, అక్టోబర్ 16: పటాన్‌చెరు మండలం నందిగామ గ్రామంలో నూతనంగా నిర్మించిన గౌడ్‌ హాస్టల్‌ భవనాన్ని శుక్రవారం ఘనంగా ప్రారంభించారు. రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్ గారు ‌, టీపీసీసీ అధ్యక్షుడు మహేష్‌ కుమార్‌ గారు‌, పటాన్‌చెరు నియోజకవర్గ కాంగ్రెస్‌ పార్టీ ఇన్‌ఛార్జి కాట శ్రీనివాస్‌ గౌడ్‌ ముఖ్య అతిథులుగా హాజరై నూతన భవనాన్ని ప్రారంభించారు.

16-10-2026 | 10:03pm

బొల్లారం పరిశ్రమలో కార్మికుడి మృతి

జిన్నారం అక్టోబర్ 16: జిన్నారం మండలం బొల్లారంలో శ్రీకృష్ణ స్టీల్ పరిశ్రమలో బిహార్ కి చెందిన ఒక కార్మికుడు నిన్న గురువారం ఉదయం తన విధులు నిర్వహిస్తుండగా సద్దాం అన్సారి (35) పరిశ్రమలో స్టీల్ రాడ్ తలకి తగిలి బలమైన గాయం కావడంతో కింద పడి తీవ్ర గాయాలు కావడంతో పటాన్చెరువు ఆసుపత్రికి తరలించారు ప్రమాదవశాత్తు సద్దాం అన్సారి చికిత్స పొందుతూ మృతి చెందాడు. పరిశ్రమ యాజమాన్యం నిర్లక్ష్యం వల్లే నీ ప్రమాదం జరిగిందని తోటి కార్మికులు ఆరోపిస్తున్నారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

16-10-2026 | 09:41pm

కడ్పల్‌ లో ఘనంగా అట్ల బతుకమ్మ సంబరాలు

సంగారెడ్డి జిల్లా సిర్గాపూర్ మండలంలోని కడ్పల్ గ్రామంలో అట్ల బతుకమ్మ వేడుకలను శుక్రవారం ఘనంగా నిర్వహించారు. మహిళలు, యువతులు రంగురంగుల పూలతో బతుకమ్మలను అందంగా పేర్చి ప్రత్యేక పూజలు చేశారు. సంప్రదాయ వస్త్రధారణలో బతుకమ్మల చుట్టూ చేరి పాటలు పాడుతూ, చప్పట్లు కొడుతూ ఉత్సాహంగా పాల్గొన్నారు. అట్లను నైవేద్యంగా సమర్పించి గౌరమ్మకు భక్తిశ్రద్ధలతో పూజలు నిర్వహించారు. ఈ వేడుకలు తెలంగాణ మహిళల ఐక్యతకు, సంస్కృతి సంప్రదాయాల పరిరక్షణకు ప్రతీకగా నిలిచాయని పలువురు పేర్కొన్నారు.

16-10-2026 | 08:00pm

ఆసరా పింఛన్ లబ్ధిదారుల వివరాల పరిశీలన

నాగల్‌గిద్ద: నాగల్‌గిద్ద మండల పరిధిలో ఆసరా పింఛన్ లబ్ధిదారుల వివరాల పరిశీలన కార్యక్రమాన్ని శుక్రవారం మండల ప్రజాపరిషత్ కార్యాలయంలో నిర్వహించారు. ప్రత్యేక అధికారి, డీఎల్‌పీవో సుధాకర్‌రెడ్డి ఆధ్వర్యంలో ఈ ప్రక్రియ చేపట్టారు. మండల అధికారులు ఇప్పటికే పరిశీలించిన పింఛన్ లబ్ధిదారుల్లో 10 శాతం మందిని ఎంపిక చేసి, వారి వివరాలను, ధ్రువపత్రాలను మరోసారి పరిశీలించినట్లు ఎంపీడీవో మహేశ్వరరావు వెల్లడించారు. ఈ కార్యక్రమంలో పంచాయతీ కార్యదర్శులు, ఇతర మండల అధికారులు పాల్గొన్నారు.

16-10-2026 | 04:27pm

నందిగామలో గౌడ హాస్టల్ ప్రారంభోత్సవం

పటాన్‌చెరు: సంగారెడ్డి జిల్లా, పటాన్‌చెరు మండలం నందిగామ గ్రామంలో నూతనంగా నిర్మించిన గౌడ్ హాస్టల్‌ను రవాణా, బీసీ సంక్షేమ శాఖ మంత్రి పొన్నం ప్రభాకర్, టీపీసీసీ అధ్యక్షులు బొమ్మ మహేష్ కుమార్ గౌడ్, మాజీ మంత్రి శ్రీనివాస్ గౌడ్ శుక్రవారం ఘనంగా ప్రారంభించారు. గ్రామీణ విద్యార్థులకు ఉన్నత చదువుల కోసం నాణ్యమైన వసతి, భోజన సౌకర్యాలు కల్పించాలనే లక్ష్యంతో ఈ హాస్టల్ అందుబాటులోకి వచ్చిందని తెలిసింది. ఈ కార్యక్రమంలో పలువురు నాయకులు, గ్రామ పెద్దలు పాల్గొన్నారు.

16-10-2026 | 04:19pm

నందిగామలో గౌడ హాస్టల్ ప్రారంభోత్సవం

16-10-2026 | 04:18pm

జర్నలిస్టుల ఆరోగ్యానికి శుభం ఆసుపత్రి భరోసా

నారాయణఖేడ్: జర్నలిస్టుల ఆరోగ్య సంక్షేమం కోసం నారాయణఖేడ్ పట్టణంలోని శుభం ఆసుపత్రి యాజమాన్యం ముందుకు వచ్చింది. గురువారం టీయూడబ్ల్యూజే–ఐజేయూ ఆధ్వర్యంలో జర్నలిస్టులకు హెల్త్ కార్డులు అందజేశారు. ఈ కార్డుల ద్వారా జర్నలిస్టులతో పాటు వారి కుటుంబ సభ్యులకు రాయితీపై వైద్య సేవలు అందుతాయని ఆసుపత్రి యజమానులు అబ్దుల్ రౌఫ్, శేఖర్ వెల్లడించారు. ఆసుపత్రిలో క్లినికల్ కార్డియాలజిస్ట్ డాక్టర్ రాజేష్, ఆర్థోపెడిక్ వైద్యుడు డాక్టర్ సందీప్ సేవలు అందుబాటులో ఉన్నాయని పేర్కొన్నారు.

15-10-2026 | 10:53pm

రాళ్లకత్వలో చెత్త, తాగునీటి కష్టాలు

జిన్నారం: మున్సిపాలిటీగా మారినప్పటికీ రాళ్లకత్వ 20వ వార్డు ప్రజలు చెత్త సేకరణ, తాగునీటి సమస్యలతో సతమతమవుతున్నారు. గతంలో ట్రాక్టర్‌తో జరిగిన చెత్త సేకరణ స్థానంలో ఆటో ద్వారా నెలకు రూ.50 వసూలు చేయడంతో ఆర్థిక భారం పడుతోంది. తాగునీటి సరఫరా సక్రమంగా లేక ప్రజలు ఇబ్బందులు పడుతున్నారు. ఈ సమస్యలను పరిష్కరించాలని కోరుతూ గ్రామ యువకులు జిన్నారం మున్సిపల్ కమిషనర్‌కు వినతిపత్రం సమర్పించారు.

15-10-2026 | 10:14pm

రాష్ట్ర, జాతీయ స్థాయి క్రీడలకు కేంద్రంగా పటాన్చెరు..

పటాన్చెరు: పటాన్చెరు నియోజకవర్గాన్ని రాష్ట్ర, జాతీయ స్థాయి క్రీడలకు ప్రధాన కేంద్రంగా తీర్చిదిద్దేందుకు కృషి చేస్తున్నామని ఎమ్మెల్యే గూడెం మహిపాల్ రెడ్డి అన్నారు. మైత్రి మైదానంలో 70వ స్కూల్ గేమ్స్ ఫెడరేషన్ అండర్-17 బాలబాలికల రాష్ట్ర స్థాయి కుస్తీ పోటీలను జిల్లా విద్యాశాఖ అధికారి రోహిణితో కలిసి ఆయన ప్రారంభించారు. రాష్ట్రంలోని 10 ఉమ్మడి జిల్లాల నుంచి 200 మందికి పైగా క్రీడాకారులు హాజరయ్యారు. రాష్ట్రస్థాయి క్రీడలకు పోలీసు బందోబస్తు లేకపోవడంపై ఎమ్మెల్యే అసంతృప్తి వ్యక్తం చేస్తూ డీజీపీ, సీఎంకు ఫిర్యాదు చేస్తామని వెల్లడించారు. క్రీడాకారులకు సొంత నిధులతో సదుపాయాలు కల్పించారు.

15-10-2026 | 08:42pm

స‌మ‌స్య‌లపై జ‌న‌ర‌ల్ బాడీ గ‌రంగ‌రం

మునిప‌ల్లి: ఎంపీడీఓ అంజ‌య్య అధ్యక్షతన నిర్వహించిన మండల సర్వసభ్య సమావేశంలో నీటి సమస్యపై సర్పంచులు నారాయణ, రాజు, ఇర్ఫాన్ పటేల్ అధికారులను నిలదీశారు. ప్రత్యామ్నాయంగా చేతి పంపు మోటార్లను బిగించాలని డిమాండ్ చేశారు. స్పెషల్ ఆఫీసర్ రామాచారి నీటి ఎద్దడి నివారణకు చర్యలు చేపట్టాలని సూచించారు. ఏవో అనితారెడ్డి మాట్లాడుతూ, ఈ ఏడాది 40% వర్షపాతం మాత్రమే నమోదైందని, భూగర్భ జలాలు 15 మీటర్ల లోతుకు పడిపోయాయని, రైతులు ఆరుతడి పంటలపై దృష్టి సారించాలని వివరించారు. 63 మంది రైతులకు రైతు బీమా అందిందని, రైతులు ఫార్మర్ రిజిస్ట్రేషన్ చేసుకోవాలని తెలిపారు. పత్తి మద్దతు ధర, ఆయిల్ ఫామ్ సాగుపై కూడా చర్చించారు.

15-10-2026 | 08:06pm