Breaking News

షాయ్‌ హోప్‌ టెన్షన్‌.. భారత్‌కు షాకేనా? • ప్రముఖ సంగీత దర్శకుడు కన్నుమూత • గ్లోబల్ మార్కెట్‌లో కలకలం • ఇండిగో విమానంలో బాంబు కలకలం... హై అలర్ట్‌ • టీ20 థ్రిల్‌.. భారత్‌–వెస్టిండీస్‌ ఫైట్‌కు వేళాయె! • బతుకమ్మ సంబురం...ప్రతిభకు వెండితెర వెలుగు • కాంగ్రెస్‌లో కొత్త చిచ్చు.. కొండా వర్గం హల్‌చల్ • సిటీలో పోలీసుల వేట • సీఎం రేవంత్‌పై కవిత ఫైర్ • వాహనదారులకు బిగ్ అప్‌డేట్ •

Districts - Nirmal

ఘనంగా కుంకుమార్చన కార్యక్రమం

కుభీర్: నిర్మల్ జిల్లా కుభీర్ మండలం సోనారి గ్రామంలో గ్రామాభివృద్ధి కమిటీ ఆధ్వర్యంలో ప్రతిష్ఠించిన దుర్గాదేవి మండపంలో నవరాత్రి ఉత్సవాలు భక్తిశ్రద్ధలతో జరుగుతున్నాయి. ఉత్సవాల్లో భాగంగా శుక్రవారం ఆర్ఎస్ఎస్ భౌద్ధిక్ ప్రముఖ్ ప్రవీణ్ జీ ఆధ్వర్యంలో మహిళలు పెద్ద సంఖ్యలో కుంకుమార్చన నిర్వహించి, అమ్మవారికి ప్రత్యేక పూజలు చేసి మొక్కులు సమర్పించారు. గ్రామంలో సుఖసంతోషాలు వెల్లివిరియాలని ప్రార్థించారు. ఈ కార్యక్రమంలో గ్రామస్తులు, మహిళలు పెద్ద సంఖ్యలో పాల్గొన్నారు.

16-10-2026 | 10:30pm

నిర్మల్ జిల్లా :ప్రధాన రహదారిపై రైతుల ఆందోళన

కుభీర్: అక్టోబర్ 16న కుభీర్ మండలంలోని మాలేగాం, కుంభి, లింగి గ్రామాలకు చెందిన రైతులు సుద్ద వాగు బ్యాక్‌వాటర్ ద్వారా సాగునీటి సరఫరాలో ఆటంకాలు కల్పించవద్దని డిమాండ్ చేస్తూ ఆందోళన చేపట్టారు. మాలేగాం మాజీ సర్పంచ్ కే రేఖ శంకర్, ప్రస్తుత సర్పంచ్ శేల్కె లక్ష్మీ ఆనంద్ ఆధ్వర్యంలో రైతులు ప్రధాన రహదారిపై బైఠాయించారు. పంటలకు నీరు అత్యవసరమని, పెట్టుబడులు పెట్టినందున నీటిని నిలిపివేస్తే తీవ్రంగా నష్టపోతామని ఆవేదన వ్యక్తం చేశారు. మోటార్ల తొలగింపు నిర్ణయంపై పునరాలోచించాలని ప్రభుత్వాన్ని కోరారు.

16-10-2026 | 10:28pm

తక్కువ తడులతో పంటలు అందించాలి

నిర్మల్: ప్రస్తుతం ఉన్న వాతావరణ పరిస్థితుల దృష్ట్యా తక్కువ తడులతో సులభంగా సాగయ్యే పంటలను మాత్రమే వేసేలా రైతులను ప్రోత్సహించాలని జిల్లా కలెక్టర్ భవేశ్ మిశ్రా అధికారులను ఆదేశించారు. వరి పంటకు ప్రత్యామ్నాయంగా ఇతర పంటలను సాగు చేసే విధంగా చర్యలు తీసుకోవాలని, వ్యవసాయ శాఖ అధికారులు క్షేత్రస్థాయిలో ఉండి రైతులకు సహకారం అందించాలని ఆయన పేర్కొన్నారు. డిజిటల్ క్రాప్ సర్వే, ఫార్మర్ రిజిస్ట్రీ ప్రక్రియలను వెంటనే పూర్తి చేయాలని సూచించారు.

16-10-2026 | 08:29pm

శ్రీ లక్ష్మీ గణపతి ఆలయ ద్వితీయ వార్షికోత్సవం

ఖానాపూర్: ఎన్టీఆర్ మార్గ్ అభివృద్ధి కమిటీ ఆధ్వర్యంలో శ్రీ లక్ష్మీ గణపతి ఆలయ వార్షికోత్సవం శుక్రవారం ఘనంగా జరిగింది. ఈ సందర్భంగా ఆలయంలో ప్రత్యేక పూజలు, యజ్ఞం, హోమం నిర్వహించారు. ఈ కార్యక్రమానికి జిల్లా గ్రంథాలయ మాజీ చైర్మన్ ఎర్రబోతు రాజేందర్, ప్రముఖ వైద్యులు డాక్టర్ దేవేందర్ రెడ్డి, అభివృద్ధ సంక్షేమ సంఘం అధ్యక్షులు భూసారపు గంగాధర్, ఇతర కమిటీ సభ్యులు హాజరయ్యారని తెలిసింది.

16-10-2026 | 06:39pm

చెక్కులు పంపిణీ చేసిన ఎమ్మెల్యే

బాసర: ముధోల్ నియోజకవర్గంలోని బాసర గ్రామంలో షాదీ ముబారక్, కళ్యాణ లక్ష్మి పథకం కింద మంజూరైన చెక్కులను ముధోల్ ఎమ్మెల్యే పవర్ రామారావు పాటిల్ శుక్రవారం 37 మంది లబ్ధిదారులకు పంపిణీ చేశారు. ప్రభుత్వం తులం బంగారం ఇచ్చేవరకు బీజేపీ పోరాటం చేస్తుందని ఈ సందర్భంగా ఆయన పేర్కొన్నారు. ఈ కార్యక్రమంలో మార్కెట్ కమిటీ చైర్మన్ ఆనందరావు పటేల్, సర్పంచ్ వెంకటేష్ గౌడ్, తాసిల్దార్ పవన్ చంద్ర పాల్గొన్నారు.

16-10-2026 | 06:25pm

మహేశ్వర్ రెడ్డి గారికి ఆహ్వానం

నిర్మల్: జిల్లా కేంద్రంలోని నంది గుండం దుర్గామాత ఆలయం ఆధ్వర్యంలో జరగనున్న నవరాత్రి ఉత్సవాలకు బీజేఎల్పీ నేత, నిర్మల్ ఎమ్మెల్యే ఏలేటి మహేశ్వర్ రెడ్డికి ఆహ్వాన పత్రం అందజేశారు. ఆలయ నిర్వాహకులు కొండాజీ వెంకటాచారి, గాంధే వెంకటేష్, మూర్తి ప్రభు తదితరులు ఎమ్మెల్యేను శాలువాతో సత్కరించి, ఉత్సవాల వివరాలను వివరించినట్లు తెలిసింది.

16-10-2026 | 06:05pm

బోట్లు ప్రారంభించిన ఎమ్మెల్యే పటేల్

కుబీర్: బాసర గోదావరి నదిలో నిలిచిపోయిన గంగపుత్రుల ఉపాధి బోట్లను ముధోల్ ఎమ్మెల్యే పవార్ రామారావు పటేల్ శుక్రవారం ప్రారంభించారు. గత 25 నెలలుగా బోట్లు నిలిచిపోవడంతో ఉపాధి కోల్పోయిన 60 గంగపుత్రుల కుటుంబాలు ఆర్థిక ఇబ్బందులు ఎదుర్కొంటున్నాయి. ఎమ్మెల్యే చొరవతో తిరిగి బోట్ల నిర్వహణకు అనుమతులు లభించడంతో వారికి ఉపాధి లభించింది. ఈ సందర్భంగా గంగపుత్రులు ఎమ్మెల్యేకు కృతజ్ఞతలు తెలిపారు.

16-10-2026 | 05:56pm

ఎన్‌హెచ్‌ఎం ఉద్యోగుల లపై చిన్న చూపు తగదు

నిర్మల్: జాతీయ ఆరోగ్య మిషన్‌ (ఎన్‌హెచ్‌ఎం) పరిధిలో పనిచేస్తున్న ఉద్యోగులు తమ సమస్యల పరిష్కారం కోరుతూ నిర్మల్ ఎమ్మెల్యే ఏలేటి మహేశ్వర్‌ రెడ్డిని కలిసి వినతిపత్రం సమర్పించారు. గత 20 ఏళ్లుగా కాంట్రాక్టు, ఔట్‌సోర్సింగ్‌ ఉద్యోగులుగా సేవలందిస్తున్నప్పటికీ, తమ ఉద్యోగాలను క్రమబద్ధీకరించడంలో ప్రభుత్వం నిర్లక్ష్యం వహిస్తోందని వారు ఆవేదన వ్యక్తం చేశారు. సమ్మెకు బీజేపీ పూర్తి మద్దతు ఇస్తుందని ఎమ్మెల్యే మహేశ్వర్‌ రెడ్డి తెలిపారు.

16-10-2026 | 05:41pm

బాసరలో భద్రతా ఏర్పాట్లను పర్యవేక్షించిన ఎస్పీ జానకి షర్మిల

భైంసా: బాసర శ్రీ జ్ఞాన సరస్వతి అమ్మవారి ఆలయంలో మూల నక్షత్రం సందర్భంగా జరుగుతున్న మహా అక్షరాభ్యాస కార్యక్రమానికి భక్తులు పెద్ద సంఖ్యలో వస్తున్నందున నిర్మల్ జిల్లా పోలీసు శాఖ పటిష్ట బందోబస్తు ఏర్పాటు చేసింది. శుక్రవారం జిల్లా ఎస్పీ జానకి షర్మిల భద్రతా ఏర్పాట్లను పరిశీలించి, సుమారు 200 మంది పోలీసు సిబ్బందిని మోహరించినట్లు తెలిపారు. భక్తులు పోలీసులకు సహకరించాలని ఆమె కోరారు. ఎస్పీ జానకి షర్మిల, భైంసా ఏఎస్పీ సాయికిరణ్, నిర్మల్ డీఎస్పీ శ్రీనివాస్ అమ్మవారిని దర్శించుకున్నారు.

16-10-2026 | 05:40pm

అభివృద్ధి పనులు ప్రారంభించిన ఎమ్మెల్యే

నిర్మల్: నిర్మల్ రూరల్ మండలం వెంగ్వాపేట్ గ్రామంలో రూ.20 లక్షల వ్యయంతో నిర్మించిన ప్రాథమిక ఆరోగ్య ఉప కేంద్రాన్ని, సారంగాపూర్ మండలంలోని దని బోరిగంలో రూ.3.60 కోట్లతో నిర్మించే రహదారి అభివృద్ధి పనులను బీజేఎల్పీ నేత, నిర్మల్ ఎమ్మెల్యే ఏలేటి మహేశ్వర్‌ రెడ్డి శుక్రవారం ప్రారంభించారు. గ్రామీణ ప్రజలకు మెరుగైన వైద్య సేవలు, రహదారి సౌకర్యాలు అందుబాటులోకి వస్తాయని ఈ సందర్భంగా ఎమ్మెల్యే వెల్లడించారు. ఈ కార్యక్రమాల్లో పలువురు అధికారులు, నాయకులు పాల్గొన్నారు.

16-10-2026 | 05:24pm

ఆకట్టుకున్న చిన్నారి ప్రదర్శన

నిర్మల్, అక్టోబర్ 16 ( విజయ క్రాంతి): దసరా శరన్నవరాత్రి ఉత్సవాల సందర్భంగా వరంగల్‌లోని శ్రీ భద్రకాళి అమ్మవారి ఆలయంలో నిర్వహించిన సాంస్కృతిక కార్యక్రమంలో సోన్ మండలం కడ్తాల్ గ్రామానికి చెందిన మామిళ్ల సహస్ర నృత్య ప్రదర్శన ఇచ్చారు. నవరాత్రి ఉత్సవాల్లో భాగంగా నిర్వహించిన ఈ సాంస్కృతిక కార్యక్రమంలో ఆమె ప్రదర్శన ప్రత్యేక ఆకర్షణగా నిలిచింది. అమ్మవారి సన్నిధిలో నృత్య ప్రదర్శన ఇచ్చే అవకాశం లభించడం పట్ల ఆమె ఆనందం వ్యక్తం చేశారు. భద్రకాళి ఆలయంలో ప్రదర్శన ఇవ్వడం పట్ల గ్రామస్తులు, కుటుంబ సభ్యులు హర్షం వ్యక్తం చేశారు.

16-10-2026 | 05:22pm

జాతర ఏర్పాట్లు బాగుండాలి

నిర్మల్: సారంగాపూర్ మండలం అడెల్లి గ్రామంలోని శ్రీ మహా పోచమ్మ గంగనీళ్ల జాతర ఏర్పాట్లు భక్తులకు సౌకర్యవంతంగా ఉండాలని నిర్మల్ ఎమ్మెల్యే మహేశ్వర్ రెడ్డి అన్నారు. ఈ నెల 18, 19 తేదీల్లో రెండు రోజులపాటు జాతర నిర్వహించనున్నట్లు ఆలయ అధికారులు వెల్లడించారు. ఆలయ ఈఓ భూమయ్య ఎమ్మెల్యేకు ఆహ్వాన పత్రికను అందజేయగా, ఆలయ అర్చకుడు శ్రీనివాస్ శర్మ ఆయనను సత్కరించారు. ఈ కార్యక్రమంలో పంచాయతీరాజ్ ఈఈ తుక్కారం, కౌట్ల (బి) ఉప సర్పంచ్ శ్రీకాంత్‌రెడ్డి తదితరులు పాల్గొన్నారు.

16-10-2026 | 05:17pm

జనగణన శిక్షణ కార్యక్రమం

నిర్మల్: జిల్లా ప్రణాళిక శాఖ ఆధ్వర్యంలో భారత జనాభా గణన -2027కు సంబంధించి మున్సిపాలిటీ, తహసీల్దార్ కార్యాలయాల్లోని చార్జ్ క్లర్క్ లు, టెక్నికల్ అసిస్టెంట్లకు కలెక్టరేట్లోని సమావేశ మందిరంలో గురువారం రెండవ దశ శిక్షణ కార్యక్రమం నిర్వహించారు. జనగణన ప్రక్రియపై పూర్తి అవగాహన కలిగి ఉండి, ఎటువంటి లోటుపాట్లకు తావు లేకుండా ప్రక్రియను పూర్తి చేయాలని ఈ కార్యక్రమంలో జిల్లా ప్రణాళిక అధికారి గంగారెడ్డి, డైరెక్టరేట్ ఆఫ్ సెన్సస్ ఆపరేషన్ తెలంగాణ డి.వి. రమణ వెల్లడించారు.

16-10-2026 | 04:57pm

ప్రభుత్వ ఆసుపత్రిని తనిఖీ చేసిన కలెక్టర్

భైంసా: భైంసా పట్టణంలోని ఏరియా ఆసుపత్రిని జిల్లా కలెక్టర్ భవేష్ మిశ్రా శుక్రవారం ఆకస్మికంగా తనిఖీ చేశారు. ఉదయం 11 గంటలకు ఆసుపత్రికి చేరుకున్న కలెక్టర్, రోగులకు అందిస్తున్న సేవలపై ఆరా తీశారు. వైద్య ఆరోగ్య సిబ్బంది హాజరు పట్టికను పరిశీలించి, మౌలిక సదుపాయాలపై అడిగి తెలుసుకున్నారు. పేద ప్రజలకు మెరుగైన వైద్యం అందించాలని సిబ్బందికి సూచించారు. ఈ కార్యక్రమంలో జిల్లా అధికారి కాశీనాథ్, తాసిల్దార్ శశిభూషణ్, మున్సిపల్ కమిషనర్ సంతోష్ పాల్గొన్నారు.

16-10-2026 | 04:50pm