Breaking News

గ్లోబల్ మార్కెట్‌లో కలకలం • ఇండిగో విమానంలో బాంబు కలకలం... హై అలర్ట్‌ • టీ20 థ్రిల్‌.. భారత్‌–వెస్టిండీస్‌ ఫైట్‌కు వేళాయె! • బతుకమ్మ సంబురం...ప్రతిభకు వెండితెర వెలుగు • కాంగ్రెస్‌లో కొత్త చిచ్చు.. కొండా వర్గం హల్‌చల్ • సిటీలో పోలీసుల వేట • సీఎం రేవంత్‌పై కవిత ఫైర్ • వాహనదారులకు బిగ్ అప్‌డేట్ • చంచల్‌గూడ జైలుకు లక్ష్మీ భాస్కర్ • ఫినిషర్‌గా రింకూ సూపర్.. ఎందుకు పక్కనపెట్టారు? •

Districts - Bhadradri Kothagude

తెలంగాణ సంస్కృతికి ప్రతీక బతుకమ్మ

భద్రాద్రి కొత్తగూడెం: తెలంగాణ సంస్కృతి, సంప్రదాయాలకు ప్రతీక బతుకమ్మ పండుగ అని కొత్తగూడెం శాసనసభ్యులు కూనంనేని సాంబశివరావు అన్నారు. కొత్తగూడెం మున్సిపల్ కార్పొరేషన్ కార్యాలయంలో శుక్రవారం బతుకమ్మ వేడుకలను ఘనంగా నిర్వహించారు. ఈ పండుగ సమాజంలో ప్రేమానురాగాలను, ఐక్యతను పెంపొందిస్తుందని ఆయన పేర్కొన్నారు. మేయర్ మూడ్ గణేష్, సిపిఐ జిల్లా కార్యదర్శి ఎస్ కె సాబీర్ పాషా, డిప్యూటీ మేయర్ లలిత, కమిషనర్ సుజాత, మహిళా కార్పొరేటర్లు ఈ వేడుకల్లో పాల్గొన్నారు.

16-10-2026 | 10:12pm

బైండోవర్ నిబంధనలు ఉల్లంఘన

ఇల్లెందు టౌన్: ఒడ్డుగూడెం గ్రామానికి చెందిన ఇస్లావత్ జ్యోతి గుడుంబా కేసులో బైండోవర్ నిబంధనలు ఉల్లంఘించడంతో ఆమె నుంచి రూ.30 వేల బాండ్ మొత్తాన్ని వసూలు చేసి ప్రభుత్వ ఖాతాలో జమ చేసినట్లు ఎక్సైజ్ సీఐ వెల్లడించారు. అక్రమ గుడుంబా తయారీ, రవాణా, విక్రయాలకు పాల్పడితే కఠిన చర్యలు తీసుకుంటామని, బైండోవర్ నిబంధనలు ఉల్లంఘిస్తే పీడీ యాక్ట్ కింద కూడా చర్యలు తీసుకుంటామని ఆయన హెచ్చరించారు. అక్రమ కార్యకలాపాలపై సమాచారం ఇవ్వాలని ప్రజలను కోరారు.

16-10-2026 | 08:32pm

విద్యుత్ ఉపకేంద్రాన్ని పరిశీలించిన టిజి ఎన్పీడీసీఎల్ సీఎండీ

భద్రాద్రి కొత్తగూడెం: రానున్న రోజుల్లో విద్యుత్ డిమాండ్ పెరుగుదలను దృష్టిలో ఉంచుకుని ముందస్తు చర్యలు చేపట్టాలని ఎన్ పీడీసీఎల్ సిఎండి కర్నాటి వరుణ్ రెడ్డి అధికారులను ఆదేశించారు. శుక్రవారం జూలూరుపాడులోని 400 కె.వి విద్యుత్ ఉపకేంద్రాన్ని పరిశీలించిన ఆయన, విద్యుత్ సరఫరాలో అంతరాయాలు తలెత్తకుండా ప్రణాళికతో పనిచేయాలని సూచించారు. అత్యవసర పరిస్థితుల్లో సరఫరాను త్వరితగతిన పునరుద్ధరించాలని, వినియోగదారులకు నాణ్యమైన విద్యుత్ అందించడమే లక్ష్యమని స్పష్టం చేశారు.

16-10-2026 | 08:32pm

నవ మహిళా సాధికార కేంద్రంలో యోగ్యత పత్రాల అందజేత

పాల్వంచ: నవ లిమిటెడ్ కార్పొరేట్ సోషల్ రెస్పాన్సిబిలిటీలో భాగంగా ఏర్పాటు చేసిన నవ మహిళా సాధికార కేంద్రంలో టాలీ, డిటిపి కోర్సుల శిక్షణ పూర్తి చేసుకున్న అభ్యర్థులకు శుక్రవారం యోగ్యత పత్రాలు అందజేశారు. జిల్లా విద్యాశాఖ అధికారి ఎస్.శంభు ప్రసాద్ ముఖ్యఅతిథిగా హాజరయ్యారు. ఇప్పటివరకు 5,500 మందికి పైగా వివిధ కోర్సులలో శిక్షణ పూర్తి చేసుకున్నారని కేంద్ర ప్రతినిధి ఎం.శ్రీనివాసరావు వెల్లడించారు. మహిళలు కంప్యూటర్ పరిజ్ఞానంతో ముందుకు వెళ్లాలని శంభు ప్రసాద్ పేర్కొన్నారు.

16-10-2026 | 08:10pm

మూడు ప్యాకెట్లలో గంజాయి లభ్యం

దమ్మపేట: మండలంలోని అంకంపాలెం గ్రామ పంచాయతీ, కొడిశెలగూడెంకు చెందిన రైతు పెనుబల్లి నాగులు అడవుల్లో జంతువుల వేటకు వెళ్తున్నాడని అటవీశాఖకు సమాచారం అందింది. దీంతో ఎఫ్ఎస్ఓ భద్రయ్య సిబ్బందితో కలిసి నాగులు నివాసంలో తనిఖీలు చేపట్టగా, 5 కిలోల గంజాయి, నాటు తుపాకీకి ఉపయోగించే మందుగుండు సామగ్రి, ఇతర వేట వస్తువులు లభ్యమయ్యాయి. ఈ విషయాన్ని రేంజర్ శ్రీను ఎస్ఐ రాజేష్ కుమార్ దృష్టికి తీసుకెళ్లారు. స్వాధీనం చేసుకున్న వాటిని అటవీశాఖ కార్యాలయానికి తరలించి, తదుపరి విచారణ నిమిత్తం కేసును పోలీసులకు అప్పగించనున్నట్లు తెలిసింది.

16-10-2026 | 07:32pm

సరస్వతీ దేవి అవతారంలో దర్శనమిచ్చిన అమ్మవారు

దమ్మపేట, అక్టోబర్ 16(విజయ క్రాంతి): మండల కేంద్రం లోని దారా మల్లికార్జునరావు కాంప్లెక్స్ నందు నిర్వహిస్తున్న శ్రీ దేవి శరన్నవరాత్రి ఉత్సవాల్లో భాగంగా శుక్రవారం అమ్మవారు సరస్వతీదేవి అలంకారంలో భక్తులకు దర్శనమిచ్చారు. తెల్లని వస్త్రాలు, చేతిలో వీణ, జ్ఞానానికి ప్రతీకగా పుస్తకంతో అమ్మవారు అలంకరించబడగా ఆలయ ప్రాంగణం భక్తిశోభతో వెలిగిపోయింది.

16-10-2026 | 06:45pm

కాంస్య పథకం సాధించిన భద్రాచలం క్రీడాకారుడు

భద్రాచలం: తెలంగాణ రాష్ట్రానికి చెందిన 74 ఏళ్ల సీనియర్ అథ్లెట్ డివి శంకర్ రావు అమెరికాలో జరిగిన వరల్డ్ పవర్ లిఫ్టింగ్ ఛాంపియన్‌షిప్‌లో కాంస్య పతకం సాధించారు. గుండె బైపాస్ సర్జరీ చేయించుకున్నప్పటికీ, ఈ నెల 15 నుండి 24 వరకు జరిగిన ఈ పోటీలలో ఆయన అద్భుత ప్రతిభ కనబరిచారు. భద్రాచలం సిటీ స్టైల్ జిమ్ కోచ్ జి.వి. రామిరెడ్డి పర్యవేక్షణలో శిక్షణ పొందిన శంకర్ రావు విజయం పట్ల ఉమ్మడి ఖమ్మం జిల్లా వ్యాప్తంగా హర్షం వ్యక్తమవుతోంది. పలువురు ప్రముఖులు ఆయనను అభినందించారు.

16-10-2026 | 06:17pm

కనకదుర్గ అమ్మవారి ఆలయంలో అన్నదాన కార్యక్రమం

కొత్తగూడెం: అక్టోబర్ 15న పంజాబ్ గడ్డ ఇందిరమ్మ కాలనీలోని 18వ డివిజన్‌లో శ్రీ కనకదుర్గాదేవి నవరాత్రి ఉత్సవాల సందర్భంగా కార్పొరేటర్ కంచర్ల హిమాశ్రీ అన్నదాన కార్యక్రమాన్ని ప్రారంభించారు. అన్నదానం ద్వారా నిరుపేదల ఆకలి తీర్చడం అమ్మవారి ఆశీస్సులకు పాత్రులం కావడమేనని ఆమె పేర్కొన్నారు. ఈ కార్యక్రమంలో సిపిఐ పట్టణ కార్యదర్శి కంచర్ల జమలయ్య, మాజీ మున్సిపల్ కౌన్సిలర్ పాటి మోహన్ రావు తదితరులు పాల్గొన్నారు.

16-10-2026 | 05:19pm

మామిడిగుండాలలో సీలింగ్ భూముల రీ-సర్వే

ఇల్లందు: భద్రాద్రి కొత్తగూడెం జిల్లా కలెక్టర్ అంకిత్ ఐఏఎస్‌ శుక్రవారం ఇల్లందు మండలం మామిడిగుండాల గ్రామ పంచాయతీ పరిధిలో జరుగుతున్న సీలింగ్ భూముల రీ-సర్వే పనులను పరిశీలించారు. మామిడిగుండాల రెవెన్యూ పరిధిలో మొత్తం 4,800 ఎకరాల భూమి ఉండగా, సర్వే నంబర్ 130లో 4,200 ఎకరాలు ఉన్నట్లు అధికారులు వివరించారు. ఇందులో సుమారు 2,800 ఎకరాలు సీలింగ్ భూములుగా గుర్తించినట్లు వెల్లడించారు. కలెక్టర్ ఈ వివరాలను పరిశీలించి, అధికారుల నుంచి సమాచారం సేకరించారు.

16-10-2026 | 04:40pm

ప్రశ్నిస్తే ఆస్తుల పంచాయితీ పెట్టి తప్పించుకోవడం సిగ్గుచేటు

పినపాక: ప్రజా సమస్యలపై ప్రశ్నిస్తే అధికార కాంగ్రెస్ పార్టీ ప్రతిపక్ష నాయకుల ఆస్తుల పంచాయితీ పెట్టి తప్పించుకోవడం సిగ్గుచేటని పినపాక మాజీ ఎంపీపీ గుమ్మడి గాంధీ అన్నారు. మణుగూరు పట్టణంలో దుమ్ముధూళీ సమస్యపై BRS పార్టీ తరపున మాజీ ఎమ్మెల్యే రేగా కాంతారావు డిమాండ్ చేస్తే, కాంగ్రెస్ నాయకులు ప్రజలను తప్పుదోవ పట్టించేందుకు భూముల విషయం మాట్లాడుతున్నారని ఆయన పేర్కొన్నారు. రేగా కాంతారావు పేదలకు, విద్యార్థులకు ఎన్నో సహాయాలు చేశారని, ఆయనపై హద్దుమీరి మాట్లాడితే సహించేది లేదని గాంధీ హెచ్చరించారు.

16-10-2026 | 04:04pm

జానంపేట ప్రాథమిక ఆరోగ్య కేంద్రంలో ఘనంగా బతుకమ్మ సంబరాలు.

పినపాక అక్టోబర్ 16(విజయ క్రాంతి): తెలంగాణ సంస్కృతి, సంప్రదాయాలకు ప్రతీక అయిన బతుకమ్మ పండుగ సంబరాల్లో భాగంగా జానంపేట ప్రాథమిక ఆరోగ్య కేంద్రంలో బతుకమ్మ వేడుకలను ఘనంగా నిర్వహించారు. మెడికల్ ఆఫీసర్ డాక్టర్ వేణు ఆధ్వర్యంలో నిర్వహించిన ఈ వేడుకల్లో ఆరోగ్య కేంద్ర సిబ్బంది బతుకమ్మలను అందంగా అలంకరించి, ఆటపాటలతో ఉత్సాహంగా పాల్గొన్నారు.

16-10-2026 | 03:52pm

రేగా.. పద్ధతి మార్చుకోండి!

మాజీ ఎమ్మెల్యే రేగా కాంతారావు తన వైఖరిని మార్చుకోవాలని, అధికారులు, ప్రజాప్రతినిధులపై చేసిన వ్యాఖ్యలను వెంటనే ఉపసంహరించుకుని క్షమాపణ చెప్పాలని కాంగ్రెస్ నాయకుడు కొమటిరెడ్డి వెంకటరెడ్డి డిమాండ్ చేశారు. ఉపాధ్యాయ వృత్తి నుంచి వచ్చిన రేగా సంస్కారహీనంగా మాట్లాడటం తగదని విమర్శించారు. గతంలో అధికారాన్ని అడ్డుపెట్టుకుని భూర్గంపాడు నుంచి కొత్తగూడెం వరకు ఇసుక దందాలు సాగించారని రేగా కాంతారావుపై ఆరోపణలు చేశారు.

16-10-2026 | 11:45am

మీడియా అక్రిడిటేషన్ కార్డుల గడువు నవంబర్ 25 వరకు పొడిగింపు

పాల్వంచ: తెలంగాణలో 2022లో జారీ చేసిన మీడియా అక్రిడిటేషన్ కార్డుల చెల్లుబాటు గడువును నవంబర్ 25, 2026 వరకు పొడిగిస్తూ హైకోర్టు గురువారం ఉత్తర్వులు జారీ చేసినట్లు తెలంగాణ ఉర్దూ వర్కింగ్ జర్నలిస్ట్ ఫెడరేషన్ జిల్లా అధ్యక్షుడు యండీ. యాకూబ్ పాషా తెలిపారు. తెలంగాణ మీడియా అక్రిడిటేషన్ నిబంధనలు–2025ను సవాలు చేస్తూ దాఖలైన పిటిషన్లపై విచారణ సందర్భంగా ధర్మాసనం ఈ నిర్ణయం తీసుకుందని వెల్లడించారు.

15-10-2026 | 11:22pm

డ్రంకెన్ డ్రైవ్ కేసులో నలుగురికి జైలు శిక్ష

దమ్మపేట: మద్యం సేవించి వాహనాలు నడిపిన కేసులో నల్లకుంట గ్రామానికి చెందిన మర్లపాటి అరుణకుమార్, సోదెం జగదీష్, కాకా నాగరాజు, ఊకె బాబురావులకు దమ్మపేట జూనియర్ సివిల్ జడ్జి డాక్టర్ బి.భవాని జైలు శిక్ష, జరిమానా విధించారు. ఒక్కొక్కరికి 2 రోజుల సాధారణ జైలు శిక్షతో పాటు రూ.1,000 చొప్పున జరిమానా విధించగా, జరిమానా చెల్లించకపోవడంతో అదనంగా మరో 2 రోజుల జైలు శిక్ష అనుభవించాలని ఆదేశించారు. దీంతో నిందితులు మొత్తం 4 రోజుల పాటు జైలు శిక్ష అనుభవించనున్నారు. అనంతరం వారిని సత్తుపల్లి సబ్‌జైలుకు తరలించినట్లు తెలిసింది.

15-10-2026 | 11:04pm