పారిశుధ్య కార్మికులకు రక్షణ హస్తం
ఆలేరు: ఆలేరు మున్సిపాలిటీ పరిధిలోని పారిశుధ్య కార్మికుల సంక్షేమం కోసం నిత్యావసర వస్తువులు, రక్షణ పరికరాలను పంపిణీ చేశారు. మున్సిపల్ చైర్‌పర్సన్ బీజన బాలమణి భాస్కర్ మాట్లాడుతూ, పట్టణ పరిశుభ్రతలో కార్మికుల పాత్ర కీలకమని, వారి సేవలు అభినందనీయమని పేర్కొన్నారు. కార్మికులు వ్యక్తిగత పరిశుభ్రత పాటించి, రక్షణ పరికరాలు తప్పనిసరిగా వాడాలని సూచించారు. ఈ కార్యక్రమంలో వైస్ చైర్మన్ అంగిడి అంజనేయులు, కౌన్సిలర్లు, ఇతర అధికారులు పాల్గొన్నారు.
16-10-2026 | 05:27pm
