Breaking News

టైగర్ ష్రాఫ్‌పై కాల్పుల కలకలం! • వినియోగదారులకు శాంసంగ్ గుడ్‌న్యూస్ • ఎయిర్‌టెల్ అదిరిపోయే ఆఫర్ • ఫోర్ ఫాదర్స్ పబ్‌పై కొరడా • సెంచరీతో చెలరేగిన అఘా.. పాక్‌ భారీ స్కోరు • ముగిసిన నామినేషన్ల పర్వం • సీఎం రేవంత్ సీరియస్ • ఆదివారం బంగారం, వెండి ధరలు ఇవే • ఇన్సూరెన్స్ రంగంలో కొత్త సంచలనం • రైతులకు రూ.20 వేల బంపర్ ఆఫర్ •

Districts - Nizamabad

భోజనశాల పునర్నిర్మాణానికి కృషి చేస్తాం

బోధన్: ఎమ్మెల్యే సుదర్శన్ రెడ్డి బోధన్ పట్టణంలోని శ్రీ చక్రేశ్వర శివాలయాన్ని సందర్శించారు. ఆలయంలో ప్రత్యేక పూజలు నిర్వహించిన ఆయన, సార్వజనిక్ కమిటీ ప్రతిష్ఠించిన అమ్మవారిని దర్శించుకున్నారు. శిథిలావస్థలో ఉన్న భోజనశాల పునర్నిర్మాణానికి చర్యలు చేపడతామని, ఆలయ ఖాళీ స్థలానికి కంచె ఏర్పాటు చేయిస్తామని హామీ ఇచ్చారు.

18-10-2026 | 08:37pm

భార్యపై పెట్రోల్ పోసి నిప్పంటించిన భర్త

బోధన్: నవీపేట్ మండలం సుభాష్నగర్‌కు చెందిన పర్వీన్ (33)పై ఆమె భర్త అన్వర్ పెట్రోల్ పోసి నిప్పంటించిన ఘటన కలకలం రేపింది. దంపతుల మధ్య కొన్ని రోజులుగా గొడవలు జరుగుతున్నాయని ఎస్ఐ శ్రీకాంత్ తెలిపారు. శనివారం అర్ధరాత్రి 3 గంటల సమయంలో ఈ ఘటన జరిగిందని, పర్వీన్‌ను నిజామాబాద్ ఆసుపత్రికి తరలించి చికిత్స అందిస్తున్నారని వెల్లడించారు. ఆమె సోదరుడు అఫ్రోజ్ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పేర్కొన్నారు.

18-10-2026 | 08:29pm

చంద్రబాబు జోలికి వస్తే ఖబర్దార్ హరీష్ రావు

బోధన్: పోలవరం-బనకచర్ల లింక్ ప్రాజెక్ట్ ద్వారా గోదావరి జలాలను ఆంధ్రకు తరలించేందుకు చంద్రబాబు ప్రయత్నిస్తున్నారన్న మాజీ మంత్రి హరీశ్ రావు వ్యాఖ్యలను బోధన్ తెలుగు యువత ఇంచార్జ్ ఏత్తోండ రాజేందర్ ఖండించారు. సముద్రంలోకి వృథాగా పోయే నీటిని చంద్రబాబు ప్రజా సంక్షేమానికి వాడటం ఎలా తప్పు అవుతుందని ప్రశ్నించారు. చంద్రబాబుపై మరోసారి మాట్లాడితే హరీశ్ రావు ఇంటిని ముట్టడిస్తామని హెచ్చరించారు. తెలంగాణ సంపదను కేసీఆర్ కుటుంబం దోచుకుందని ఆరోపించారు.

18-10-2026 | 07:44pm

సొసైటీ చైర్మన్ లుగా ఐదుగురు నియామకం

బోధన్: బోధన్ నియోజకవర్గంలోని ఐదు సొసైటీలకు కొత్త చైర్మన్లను నియమించారు. కల్దుర్కికి చెందిన ప్రకాష్ పటేల్, రెంజల్‌కు చెందిన గుజ్జుల సాయిరెడ్డి, నీలకు చెందిన జావిద్ పటేల్, ధూపల్లికి చెందిన రాములు, జాడి సుందర్ రాజ్ చైర్మన్లుగా నియమితులయ్యారు. రాష్ట్ర ప్రభుత్వ సలహాదారు, బోధన్ ఎమ్మెల్యే పి. సుదర్శన్ రెడ్డి నియామక పత్రాలను అందజేశారు. నూతన చైర్మన్లు ఎమ్మెల్యేకు కృతజ్ఞతలు తెలిపి, సొసైటీల అభివృద్ధికి కృషి చేస్తామని పేర్కొన్నారు.

18-10-2026 | 07:39pm

దసరా పండుగ వేళ.. మేకల సంతలో జోరు

బోధన్: నిజామాబాద్ జిల్లా నవీపేట్ మండలంలో దసరా పండుగ సందర్భంగా నిర్వహించిన మేకల సంతలో ఒక్కరోజే సుమారు రూ.3 కోట్ల మేర మేకల విక్రయాలు జరిగినట్లు నిర్వాహకులు వెల్లడించారు. తెలంగాణలోనే అతిపెద్ద మేకల సంతగా పేరున్న నవీపేట్ సంతకు పండుగ నేపథ్యంలో వివిధ ప్రాంతాల నుంచి వ్యాపారులు, కొనుగోలుదారులు పెద్ద సంఖ్యలో తరలిరావడంతో వ్యాపారం జోరుగా సాగింది. మేకలకు డిమాండ్ పెరగడంతో ధరలు ఆశాజనకంగా ఉన్నాయని వ్యాపారులు పేర్కొన్నారు.

18-10-2026 | 02:00pm

మట్టి ఇసుకతో నిర్మాణం.. నాణ్యతకు పాతరా?

బోధన్ పరిధిలోని పోతంగల్ మండలం రాంగంగానగర్ సమీపంలో నిర్మిస్తున్న యంగ్ ఇండియా ఇంటిగ్రేటెడ్ పాఠశాల పనుల్లో నాణ్యతా ప్రమాణాలు పాటించడం లేదని స్థానికులు ఆరోపిస్తున్నారు. పునాదుల భర్తీకి మట్టి కలిసిన ఇసుక వినియోగంపై అభ్యంతరాలు వ్యక్తం చేస్తున్నారు. సుమారు రూ.200 కోట్ల ప్రాజెక్టులో నిర్మాణ సామగ్రి నాణ్యతపై అధికారులు తనిఖీలు చేపట్టి, ఆరోపణలపై స్పష్టత ఇవ్వాలని కోరుతున్నారు.

18-10-2026 | 01:58pm

ఇంటిగ్రేటెడ్ స్కూల్ స్థలం, యంచ ఫిల్టర్ బెడ్ పరిశీలన

తెలంగాణ ప్రభుత్వ ముఖ్య సలహాదారు, బోధన్ ఎమ్మెల్యే పి. సుదర్శన్ రెడ్డి నవీపేట్ మండలంలో పర్యటించారు. నవీపేట్‌లో నిర్మించనున్న యంగ్ ఇండియా ఇంటిగ్రేటెడ్ పాఠశాల స్థలాన్ని, యంచ గ్రామంలోని ఫిల్టర్ బెడ్‌ను పరిశీలించారు. విద్యా సదుపాయాలు, తాగునీటి సరఫరాకు సంబంధించిన అంశాలను సమీక్షించారు. ఈ పర్యటనలో జిల్లా కలెక్టర్ ఇలా త్రిపాఠి, ఉర్దూ అకాడమీ చైర్మన్ తాహెర్ బిన్ హందాన్ తదితరులు పాల్గొన్నారు.

18-10-2026 | 12:01pm

పోలీస్ కమిషనరేట్‌లో బతుకమ్మ సంబరాలు

నిజామాబాద్ పోలీస్ కమిషనరేట్ ఆధ్వర్యంలో పోలీస్ పరేడ్ గ్రౌండ్‌లో బతుకమ్మ సంబరాలు ఘనంగా నిర్వహించారు. జిల్లా కలెక్టర్లు ఇలా త్రిపాఠి, భవేష్ మిశ్రా, పోలీస్ కమిషనర్ పి. సాయి చైతన్య ముఖ్య అతిథులుగా పాల్గొన్నారు. పోలీసు కుటుంబాల మహిళలు సంప్రదాయ పాటలు పాడుతూ వేడుకల్లో సందడి చేశారు. బతుకమ్మ తెలంగాణ సంస్కృతి, ఐక్యతకు ప్రతీక అని అధికారులు తెలిపారు.

18-10-2026 | 10:57am

ప్రైవేట్ ఫైనాన్స్‌పై పోలీసుల దాడులు

నిజామాబాద్: జిల్లాలో అక్రమ ఫైనాన్స్‌లపై పోలీసులు శనివారం మెరుపు దాడులు నిర్వహించారు. నిజామాబాద్ జిల్లా కేంద్రంతో పాటు ఆర్మూర్, బోధన్ సబ్ డివిజన్లలో 67 ప్రాంతాల్లో అనుమానిత వడ్డీ వ్యాపారుల ఇళ్లు, కార్యాలయాలపై తనిఖీలు చేపట్టారు. 42 చోట్ల చెక్కులు, ప్రామిసరీ నోట్లు, బాండ్ పేపర్లు, నగదు వంటి కీలక పత్రాలను స్వాధీనం చేసుకున్నారు. బాధితుల ఫిర్యాదుల మేరకు పోలీస్ కమిషనర్ సాయి చైతన్య ఆదేశాల మేరకు ఈ దాడులు జరిగినట్లు తెలిసింది. అక్రమ వడ్డీ వ్యాపారులపై కఠిన చర్యలు తీసుకుంటామని సీపీ సాయి చైతన్య వెల్లడించారు.

18-10-2026 | 05:15am

రోగులకు మెరుగైన సేవలు అందించాలి

సదాశివనగర్: మండలంలోని ఉత్తునూర్ గ్రామంలోని ప్రాథమిక ఆరోగ్య కేంద్రాన్ని సర్పంచ్ శ్రీనివాస్ గౌడ్ శనివారం సందర్శించారు. రోగులకు మెరుగైన చికిత్స అందించాలని వైద్య అధికారి డాక్టర్ సాయికృష్ణకు సూచించారు. ఆసుపత్రిలో మౌలిక వసతులు కల్పించేందుకు కృషి చేస్తానని శ్రీనివాస్ గౌడ్ వెల్లడించారు. ఈ సందర్శనలో ఉప సర్పంచ్ రాజయ్య, PACS మాజీ చైర్మన్ ప్రభాకర్ రావు పాల్గొన్నారు.

17-10-2026 | 07:16pm

ఐదు కోట్ల కరెన్సీతో మెరిసిన శ్రీ అమ్మవారు

నవీపేట్: నవీపేట్ మండలం తడగాం గ్రామంలోని శ్రీ సర్వమంగళి దేవి అమ్మవారిని మహాలక్ష్మి దేవి అవతారంలో రూ.55,55,555 నగదుతో అత్యంత వైభవంగా అలంకరించారు. ఈ ప్రత్యేక అలంకరణ భక్తులను విశేషంగా ఆకట్టుకుంది. తడగాంతో పాటు చుట్టుపక్కల గ్రామాల నుంచి పెద్ద సంఖ్యలో భక్తులు తరలివచ్చి అమ్మవారిని దర్శించుకుని ప్రత్యేక పూజలు నిర్వహించినట్లు తెలిసింది. ఈ కార్యక్రమం గ్రామంలో ఆధ్యాత్మిక వాతావరణాన్ని నెలకొల్పింది.

17-10-2026 | 04:25pm

అభివృద్ధి పనుల్లో నాణ్యత పాటించాలి

బోధన్: నిజామాబాద్ నగరంలో అభివృద్ధి పనులలో అత్యున్నత నాణ్యతా ప్రమాణాలు పాటించాలని అర్బన్ ఎమ్మెల్యే ధన్‌పాల్ సూర్యనారాయణ స్పష్టం చేశారు. 23, 24, 6, 48వ డివిజన్లలో నూతన రోడ్డు పనులకు ఆయన భూమిపూజ చేశారు. ప్రతి డివిజన్‌కు రూ.20 లక్షల నిధులు కేటాయించామని, పనులు వేగంగా జరుగుతున్నాయని వెల్లడించారు. ఖిల్లా రామాలయానికి రోప్‌వే ఏర్పాటుకు డీపీఆర్ సిద్ధమవుతుందని పేర్కొన్నారు. కాంగ్రెస్ ప్రభుత్వం నిధుల మంజూరులో నిర్లక్ష్యం వహిస్తోందని విమర్శించారు.

16-10-2026 | 10:23pm

బోధన్‌లో కన్నుల పండువగా కుంకుమార్చన

బోధన్: బోధన్ పట్టణం రాకాసిపేట్‌లో శ్రీ మార్కండేయ మాతా మండలి ఆధ్వర్యంలో శుక్రవారం లోక కల్యాణం, సర్వజనుల ఆయురారోగ్యాలు, సుఖశాంతులను కాంక్షిస్తూ అమ్మవారి కుంకుమార్చన పూజలు అత్యంత భక్తిశ్రద్ధలతో నిర్వహించారు. ఈ పూజా కార్యక్రమంలో మహిళలు పెద్ద సంఖ్యలో పాల్గొని, అమ్మవారికి 108 రకాల విశిష్ట ప్రసాదాలను నైవేద్యంగా సమర్పించి, భక్తులకు మహా ప్రసాదంగా పంపిణీ చేసినట్లు తెలిసింది.

16-10-2026 | 10:11pm

జాతీయ రహదారుల నిర్మాణానికి వేగంగా భూసేకరణ పూర్తి చేయాలి

బోధన్, అక్టోబర్ 16(విజయక్రాంతి) : నిజామాబాద్ జిల్లాలో జాతీయ రహదారుల నిర్మాణం, విస్తరణ పనుల కోసం అవసరమైన భూసేకరణ ప్రక్రియను అత్యంత త్వరితగతిన పూర్తి చేయాలని జిల్లా కలెక్టర్ ఇలా త్రిపాఠి సంబంధిత అధికారులను ఆదేశించారు. శుక్రవారం కలెక్టరేట్‌లోని తన ఛాంబర్‌లో భూసేకరణ అంశంపై అధికారులతో సమీక్షా సమావేశం నిర్వహించారు.

16-10-2026 | 09:59pm