Breaking News

టైగర్ ష్రాఫ్‌పై కాల్పుల కలకలం! • వినియోగదారులకు శాంసంగ్ గుడ్‌న్యూస్ • ఎయిర్‌టెల్ అదిరిపోయే ఆఫర్ • ఫోర్ ఫాదర్స్ పబ్‌పై కొరడా • సెంచరీతో చెలరేగిన అఘా.. పాక్‌ భారీ స్కోరు • ముగిసిన నామినేషన్ల పర్వం • సీఎం రేవంత్ సీరియస్ • ఆదివారం బంగారం, వెండి ధరలు ఇవే • ఇన్సూరెన్స్ రంగంలో కొత్త సంచలనం • రైతులకు రూ.20 వేల బంపర్ ఆఫర్ •

Districts - Narayanpet

ఇంటి నిర్మాణానికి ఆటంకం

మాగనూరు: మాగనూరు మండల కేంద్రంలో మంగలి అశోక్ ఇంటి నిర్మాణ పనులను అడ్డుకుని, గోడను కూల్చివేసిన పంచాయతీ కార్యదర్శి తిమ్మప్పను సస్పెండ్ చేయాలని సీపీఎం నాయకులు ఎంపీడీవో శ్రీనివాసులకు ఫిర్యాదు చేశారు. సర్వే నంబర్ 8లో అన్ని అనుమతులతో పనులు ప్రారంభించినప్పటికీ కార్యదర్శి అడ్డుకోవడం అన్యాయమని సీపీఎం జిల్లా నాయకులు పి. ఆంజనేయులు పేర్కొన్నారు. నష్టపరిహారం చెల్లించకపోతే ఆందోళనలు చేపడతామని హెచ్చరించారు.

17-10-2026 | 05:22pm

పట్టభద్రులు ఎమ్మెల్సీ ఓటరుగా నమోదు చేసుకోవాలి

మాగనూరు: పట్టభద్రుల ఎమ్మెల్సీ ఎన్నికల్లో ఓటు హక్కు వినియోగించుకునేందుకు అర్హులైన పట్టభద్రులు తప్పనిసరిగా ఓటరుగా నమోదు చేసుకోవాలని బీజేపీ మండల అధ్యక్షుడు జయానందరెడ్డి కోరారు. కాంగ్రెస్ ప్రభుత్వం నిరుద్యోగులకు ఇచ్చిన హామీలను అమలు చేయడంలో విఫలమైందని విమర్శించారు. రాబోయే ఎమ్మెల్సీ ఎన్నికల్లో బీజేపీ బలపరిచిన అభ్యర్థికి ఓటు వేసి గెలిపించాలని ఆయన వర్కూరు గ్రామంలో ఇంటింటికీ వెళ్లి ప్రచారం నిర్వహించారు. ఈ కార్యక్రమంలో పలువురు బీజేపీ నాయకులు పాల్గొన్నారు.

16-10-2026 | 10:18pm

పట్టభద్రుల ఎమ్మెల్సీ ఓటర్ నమోదు చేసుకోండి

మాగనూరు: అక్టోబర్ 16న బిజెపి మండల శాఖ ఆధ్వర్యంలో పట్టభద్రుల ఎమ్మెల్సీ ఓటర్ల నమోదు కార్యక్రమం ప్రారంభమైంది. మండల బిజెపి అధ్యక్షులు జయానందరెడ్డి వర్కూరు గ్రామంలో ఇంటింటికి వెళ్లి ఓటర్ల నమోదును పర్యవేక్షించారు. కాంగ్రెస్ ప్రభుత్వం నిరుద్యోగులకు ఇచ్చిన హామీలను విస్మరించిందని, రాబోవు ఎమ్మెల్సీ ఎన్నికల్లో బిజెపి బలపరిచిన అభ్యర్థికి ఓటు వేసి గెలిపించాలని ఆయన కోరారు. ఈ కార్యక్రమంలో పలువురు బిజెపి నాయకులు పాల్గొన్నారు.

16-10-2026 | 07:44pm

BLOలకు అందని సర్ పారితోషికం

నారాయణపేట: జిల్లాలోని మద్దూరులో బూత్ లెవల్ అధికారులు (BLOలు) తమకు రావాల్సిన పారితోషికం అందక ఇబ్బందులు పడుతున్నారు. మక్తల్, నారాయణపేట నియోజకవర్గాల్లో రూ.14 వేల నుంచి రూ.16 వేల పారితోషికం అందినప్పటికీ, మద్దూరులో చెల్లింపులు జరగలేదని అంగన్వాడీలు పేర్కొన్నారు. ఈ సమస్యను పరిష్కరించి పారితోషికాన్ని వెంటనే చెల్లించాలని కోరుతూ మద్దూరు తహసీల్దార్‌కు, MROకి తెలంగాణ అంగన్వాడీ యూనియన్ సిఐటియు మద్దూరు వారు వినతిపత్రం అందజేశారు.

13-10-2026 | 05:09pm

మనూరు మాజీ ఎంపీపీ కన్నుమూత!

మనూరు మండల మాజీ ఎంపీపీ కొంగరి వీరమణి రెడ్డి అనారోగ్యంతో సోమవారం ఉదయం మృతి చెందారు. బోరంచ గ్రామానికి చెందిన ఆమె 2006లో ఎంపీటీసీగా ఎన్నికై, 2006 నుంచి 2012 వరకు మండల పరిషత్ అధ్యక్షురాలిగా సేవలందించారు. ఆమె మృతి పట్ల ఎమ్మెల్యే డాక్టర్ పట్లోల సంజీవరెడ్డి, డీసీసీ అధ్యక్షుడు పట్లోల చంద్రశేఖర్ రెడ్డి సంతాపం వ్యక్తం చేశారు.

12-10-2026 | 03:35pm

పేదరికం జయించి ఎంబిబిఎస్ సీటు

మాగనూరు: మాగనూరు మండల కేంద్రానికి చెందిన బులిమిని మాధురి, పేదరికాన్ని అధిగమించి ఎంబిబిఎస్ సీటు సాధించి ఆదర్శంగా నిలిచింది. చిన్న చిన్న కరెంటు పనులు చేసుకుంటూ తండ్రి ఆంజనేయులు, వ్యవసాయ కూలీగా తల్లి కష్టపడి చదివించగా, మాధురి వనపర్తి ఇనిస్ట్యూట్ లో ఉచిత మెడికల్ సీటు సంపాదించింది. ఆమె కృషి, పట్టుదలను గ్రామస్తులు అభినందించారు.

09-10-2026 | 12:09pm

ప్రైవేట్ క్లినిక్‌లలో డీఎంహెచ్‌ఓ తనిఖీలు

నారాయణపేట జిల్లా మద్దూరు : జిల్లా వైద్య ఆరోగ్య శాఖ అధికారి (DM&HO) డాక్టర్ జయచంద్ర మోహన్ గురువారం మద్దూరులో పర్యటించారు. ఈ సందర్భంగా తజ్ క్లినిక్‌ను సందర్శించి అక్కడి వైద్య సేవలను పరిశీలించారు. అనంతరం పట్టణంలోని పలు ప్రైవేట్ క్లినిక్‌లను తనిఖీ చేసి వైద్య సేవలు, రికార్డులు తదితర అంశాలను పరిశీలించారు.

08-10-2026 | 02:26pm

జాదవరాపల్లిలో ఫారంపాండ్ పనుల పరిశీలన.. నాణ్యతపై దృష్టి

మద్దూర్, అక్టోబర్ 7: నారాయణపేట జిల్లా మద్దూర్ మండలం జాదవరాపల్లిలో వి.బి.జి. రామ్‌జీ పథకం కింద చేపడుతున్న జలసిరి పనుల్లో భాగంగా ఫారంపాండ్ పనులను అధికారులు బుధవారం పరిశీలించారు. జిల్లా పరిషత్ డిప్యూటీ సీఈఓ, ఎంపీడీవో పనుల పురోగతిని పరిశీలించి, సంబంధిత సిబ్బందిని వివరాలు అడిగి తెలుసుకున్నారు. పనులను నాణ్యతా ప్రమాణాలతో పూర్తి చేయాలని సూచించారు. కార్యక్రమంలో సర్పంచ్ సాయప్ప, ఫీల్డ్ అసిస్టెంట్ కిషన్, టీఏ మురళీమోహన్, గ్రామస్థులు పాల్గొన్నారు.

07-10-2026 | 03:57pm

ఆర్ఎంపీ వద్ద చికిత్స..

నారాయణపేట జిల్లా మద్దూరు పట్టణంలో జ్వరానికి ఆర్ఎంపీ వద్ద చికిత్స పొందిన ఇటిక్యాల సాయమ్మ (43) అనే మహిళ ఇంజక్షన్ చేసిన కొద్దిసేపటికే మృతి చెందింది. కొత్తపల్లి మండలం నిడ్జింత గ్రామానికి చెందిన సాయమ్మను ప్రభుత్వ ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. ఈ ఘటనపై సమగ్ర విచారణ జరపాలని కుటుంబ సభ్యులు కోరుతున్నారు.

06-10-2026 | 07:43pm

చలో హైదరాబాద్ కార్యక్రమాన్ని విజయవంతం చేద్దాం

మాగనూరు: దివ్యాంగులకు ఉచిత బస్సు పాస్ సౌకర్యం కల్పించాలని డిమాండ్ చేస్తూ ఈ నెల 8న హైదరాబాద్‌లోని బస్సు భవన్ వద్ద జరిగే ధర్నాను విజయవంతం చేయాలని మాగనూరు మండల ఎన్.పి.ఆర్.డి. సంఘం అధ్యక్షులు పుంజనూరు బాబు పిలుపునిచ్చారు. కాంగ్రెస్ ప్రభుత్వం ఎన్నికల హామీలను నెరవేర్చలేదని, దివ్యాంగులకు రూ.6000 పెన్షన్, 4% రిజర్వేషన్, సదరం సర్టిఫికెట్లకు ప్రత్యేక క్యాంపులు ఏర్పాటు చేయాలని ఆయన డిమాండ్ చేశారు. ఈ కార్యక్రమంలో రవి, వెంకటయ్య, నరసింహులు, అంజప్ప పాల్గొన్నారు.

06-10-2026 | 07:06pm

వికలాంగుల సమస్యలు పరిష్కరించాలి

నారాయణపేట జిల్లా మద్దూరులో వికలాంగులు మంగళవారం ధర్నా నిర్వహించారు. ఎన్నికల సమయంలో కాంగ్రెస్ ప్రభుత్వం ఇచ్చిన బస్సుల్లో ఉచిత ప్రయాణ హామీని వెంటనే అమలు చేయాలని డిమాండ్ చేశారు. వికలాంగుల పింఛన్‌ను రూ.4,000 నుంచి రూ.6,000కు పెంచాలని, ప్రతి జిల్లాలో ప్రత్యేక స్టడీ సర్కిల్ ఏర్పాటు చేయాలని కోరారు. ఇందిరమ్మ ఇళ్లు, స్వయం ఉపాధి అవకాశాలు, 4 శాతం రిజర్వేషన్, బ్యాక్‌లాగ్ పోస్టుల భర్తీని కూడా డిమాండ్ చేశారు. ఈ ధర్నాలో జిల్లా NPRD అధ్యక్షురాలు రాధమ్మ, డి. సాయిలు పాల్గొన్నారు.

06-10-2026 | 05:52pm

ఆ పల్లెలు కంపు కొడుతున్నాయ్!

మాగనూర్: మండల పరిధిలోని పలు గ్రామాలలో సీసీ రోడ్లపైనే మురుగునీరు పారుతుండటంతో ప్రజలు తీవ్ర ఇబ్బందులు ఎదుర్కొంటున్నారు. డ్రైనేజీలు లేకపోవడం, ఖాళీ ప్లాట్లలో మురుగునీరు నిలిచి దుర్వాసన వెదజల్లడంతో ఓబులపూర్ వంటి గ్రామాల్లో రోగాల బారిన పడుతున్నామని ప్రజలు ఆవేదన వ్యక్తం చేస్తున్నారు. నిధులు లేకపోవడమే దీనికి కారణమని సర్పంచులు పేర్కొనగా, నిధులు వచ్చిన వెంటనే డ్రైనేజీ పనులు చేపడతామని ఎంపీడీఓ శ్రీనివాసులు తెలిపారు.

06-10-2026 | 05:25am

రోడ్డు బాధితుల కోసం బీజేపీ పోరుబాట

నారాయణపేట జిల్లా మద్దూరులో రోడ్డు విస్తరణ పనుల్లో నష్టపోయిన బాధితులకు నష్టపరిహారం చెల్లించాలని డిమాండ్ చేస్తూ భారతీయ జనతా పార్టీ (బీజేపీ) మద్దూరు శాఖ ఆధ్వర్యంలో 24 గంటల నిరాహార దీక్ష చేపట్టారు. బాధితులకు న్యాయం జరిగే వరకు తమ పోరాటం కొనసాగుతుందని బీజేపీ నాయకులు శంకర్, విజయభాస్కరరెడ్డి, సాయిలు, భరత్, ప్రశాంత్ వెల్లడించారు.

05-10-2026 | 02:16pm

పట్టబద్రులంతా ఈనెల 28 వరకు ఓటును నమోదు చేసుకోవాలి

మాగనూరు: డిగ్రీ పూర్తి చేసిన పట్టభద్రులంతా ఈ నెల 28వ తేదీలోపు ఓటరుగా నమోదు చేసుకోవాలని బీజేపీ రాష్ట్ర నాయకులు బంగ్లా లక్ష్మీకాంత్ రెడ్డి పిలుపునిచ్చారు. మహబూబ్‌నగర్, రంగారెడ్డి, హైదరాబాద్ జిల్లాల ఎమ్మెల్సీ ఎన్నికలు త్వరలో జరగనున్న నేపథ్యంలో, ఫారం-18 ద్వారా దరఖాస్తు చేసుకోవాలని ఆయన సూచించారు. మాగనూరు మండలంలో 100% పట్టభద్రుల ఓటు నమోదు లక్ష్యంగా పనిచేయాలని కోరారు. ఈ కార్యక్రమంలో పలువురు బీజేపీ నాయకులు పాల్గొన్నారు.

04-10-2026 | 06:12pm