Breaking News

ఇండిగో విమానంలో బాంబు కలకలం... హై అలర్ట్‌ • టీ20 థ్రిల్‌.. భారత్‌–వెస్టిండీస్‌ ఫైట్‌కు వేళాయె! • బతుకమ్మ సంబురం...ప్రతిభకు వెండితెర వెలుగు • కాంగ్రెస్‌లో కొత్త చిచ్చు.. కొండా వర్గం హల్‌చల్ • సిటీలో పోలీసుల వేట • సీఎం రేవంత్‌పై కవిత ఫైర్ • వాహనదారులకు బిగ్ అప్‌డేట్ • చంచల్‌గూడ జైలుకు లక్ష్మీ భాస్కర్ • ఫినిషర్‌గా రింకూ సూపర్.. ఎందుకు పక్కనపెట్టారు? • సీజేపీ నిరసనపై ఆంక్షలు •

Districts - Medak

ఇస్లాంపూర్ లో చెత్త బుట్టల పంపిణీ

తూప్రాన్: తూప్రాన్ మండలం ఇస్లాంపూర్ గ్రామంలో గ్రామ సర్పంచ్ గొల్లపల్లి సంతోష్ రెడ్డి ఆధ్వర్యంలో ఇంటింటికి చెత్త బుట్టల పంపిణీ కార్యక్రమం జరిగింది. పంపిణీ చేసిన చెత్త బుట్టలను సక్రమంగా ఉపయోగించుకోవాలని, చెత్తను ఎక్కడ పడితే అక్కడ వేయకూడదని సర్పంచ్ గ్రామస్తులకు సూచనలు ఇచ్చారు. ఈ కార్యక్రమంలో గ్రామ సెక్రెటరీ కల్పన, పాలక వర్గ సభ్యులు, గ్రామస్తులు పాల్గొన్నారు.

16-10-2026 | 09:52pm

భక్తిశ్రద్ధలతో దుర్గమ్మకు కుంకుమార్చన.. పల్లకి సేవ

పాపన్నపేట,అక్టోబర్16: పాపన్నపేట మండలంలోని ఆయా గ్రామాల్లో శ్రీదేవి శరన్నవరాత్రి ఉత్సవాలు ఘనంగా కొనసాగుతున్నాయి. శుక్రవారం పాపన్నపేటలో అన్న ప్రసాద వితరణ కార్యక్రమం నిర్వహించగా.. యూసుఫ్ పేటలో అమ్మవారికి విశేష కుంకుమార్చన పూజలను భక్తిశ్రద్ధలతో నిర్వహించారు. అనంతరం భజన పాటలతో భక్తుల జయ జయ ద్వానాల నడుమ అమ్మవారి పల్లకి సేవ కన్నుల పండువగా సాగింది. భక్తులు, మహిళలు పెద్ద సంఖ్యలో పాల్గొని అమ్మవారిని దర్శించుకుని తీర్థ ప్రసాదాలు స్వీకరించారు. ఈ కార్యక్రమంలో ఆలయ కమిటీ సభ్యులు, మహిళలు, చిన్నారులు, భక్తులు పెద్ద సంఖ్యలో పాల్గొని కృపాకటాక్షాలు పొందారు.

16-10-2026 | 09:46pm

ఘనపూర్ ఎస్సీ సెల్ చైర్మన్ గా సుధాకర్ నియామకం

తూప్రాన్: తూప్రాన్ మండలం ఘనపూర్ గ్రామ కాంగ్రెస్ పార్టీ ఎస్సీసీఎల్ చైర్మన్‌గా సుధాకర్‌ను నియమించారు. రాష్ట్ర నాయకులు చిట్కుల మహిపాల్ రెడ్డి, ఫ్యాక్స్ చైర్మన్ ఉమన్నగారి భాస్కర్ రెడ్డి ప్రోద్బలంతో ఈ నియామకం జరిగింది. ఈ కార్యక్రమంలో తూప్రాన్ మండలం ఎస్సిసిఎల్ చైర్మన్ చెట్లపల్లి సుదర్శన్, తూప్రాన్ మండలం కాంగ్రెస్ పార్టీ అధ్యక్షులు శ్రీనివాస్ రెడ్డి, ఘనపూర్ కాంగ్రెస్ పార్టీ అధ్యక్షులు ముత్యాలు గౌడ్ తదితరులు పాల్గొన్నారు.

16-10-2026 | 08:37pm

క్రీడలు మానసిక ఉల్లాసానికి తోడ్పడుతాయి

చేగుంట: చేగుంట మండలం చిటోజిపల్లి గ్రామంలో దసరా సందర్భంగా గ్రామ యువకులు సీజన్-4 క్రికెట్ టోర్నమెంట్ నిర్వహించారు. బి.కొండాపూర్ సర్పంచ్ రంగయ్యగారి రాజిరెడ్డి ముఖ్య అతిథిగా హాజరై టోర్నమెంట్‌ను ప్రారంభించారు. యువత చెడు అలవాట్లకు దూరంగా ఉంటూ, శారీరక, మానసిక ఉల్లాసానికి క్రీడలను ఉపయోగించుకోవాలని ఆయన ఈ సందర్భంగా పేర్కొన్నారు. క్రీడలు మానసిక ఉల్లాసానికి ఎంతో దోహదపడతాయని వెల్లడించారు. ఈ కార్యక్రమంలో డిష్ రాజు, గుండ్ల సంపత్ కుమార్, లక్ష్మీ నరసయ్య, నరేష్, రవి, సంపత్, సాయి తదితరులు పాల్గొన్నారు.

16-10-2026 | 07:47pm

సీఎం రేవంత్ రెడ్డికి పాలాభిషేకం

రామాయంపేట: తెలంగాణ ఉద్యమకారుల సంక్షేమానికి కట్టుబడి ఉన్న ముఖ్యమంత్రి రేవంత్ రెడ్డి చిత్రపటానికి రామాయంపేట మండలంలో పాలాభిషేకం నిర్వహించారు. ఈ నెల 18 నుంచి ప్రారంభమయ్యే ఆన్‌లైన్ దరఖాస్తుల ప్రక్రియను ఉద్యమకారులు స్వాగతించారు. గత బీఆర్ఎస్ ప్రభుత్వం తమను గుర్తించలేదని విమర్శించారు. తెలంగాణ ఉద్యమం పేరుతో ఇప్పటికే లబ్ధి పొందినవారు, పదేళ్లు అధికార పదవులు అనుభవించినవారిని ఉద్యమకారుల జాబితాలో చేర్చవద్దని, నిజమైన అర్హులకే ప్రయోజనాలు అందించాలని డిమాండ్ చేశారు. ఈ కార్యక్రమంలో ఎమ్మెల్యే మైనంపల్లి రోహిత్ రావు, మైనంపల్లి హనుమంతరావు, కాంగ్రెస్ నాయకులు పాల్గొన్నారు.

16-10-2026 | 05:12pm

బతుకమ్మ పండుగ వచ్చింది

చేగుంట అక్టోబర్ 16,విజయక్రాంతి: తెలంగాణ రాష్ట్ర ప్రభుత్వం మహిళలకు బతుకమ్మ చీరల పంపిణీకి శ్రీకారం చుట్టినా, నెల కిందటే చేగుంట మండలం లోని ఐకేపీ కేంద్రానికి చీరల మూటలు చేరిన, ఆయా గ్రామాలకు చేరకుండా చీరల మూటలు ఐకేపీ కార్యాలయంలో మూలన పడ్డాయి. గ్రామాలలో ఐకేపీ సిబ్బంది ఆధ్వర్యంలో చీరలు పంపిణీ చేయాల్సి ఉన్నా, ఉన్నతాధికారుల నుంచి అదేశాలు రాకపోవడంతో పంపిణీ నిలిచింది.

16-10-2026 | 03:40pm

మాజీ సర్పంచ్ కిష్టయ్య మృతి తీరని లోటు..

పాపన్నపేట,అక్టోబర్16: మండల పరిధిలోని నార్సింగ్‌ గ్రామ మాజీ సర్పంచ్‌, బీఆర్ఎస్ పార్టీ నాయకులు నీలగిరి కిష్టయ్య మృతి వార్త తీవ్ర దిగ్భ్రాంతికి గురిచేసిందని, ఆయన మృతి తీరని లోటని మాజీ ఎమ్మెల్యే ఎం. పద్మాదేవేందర్‌రెడ్డి పేర్కొన్నారు. కిష్టయ్య మృతి విషయం తెలుసుకొని శుక్రవారం నార్సింగ్‌ గ్రామానికి చేరుకుని ఆయన పార్థివదేహానికి పూలమాల వేసి నివాళులర్పించారు.

16-10-2026 | 03:19pm

వైభవంగా సాగుతున్న దేవి శరన్నవరాత్రోత్సవాలు

చేగుంట అక్టోబర్16:*విజయక్రాంతి: చేగుంట మండలం లోని,చందాయిపేట్, కర్ణాల పల్లి, వడియారం, అన్నంత సాగర్ గ్రామాలలో శ్రీదేవి శరన్నవరాత్రి ఉత్సవాలు వైభవంగా సాగుతున్నాయి. ఉత్సవాల్లో భాగంగా శుక్రవారం ఆయా మండపాలా వద్ద నిర్వాహకులు, భక్తులు,దుర్గమ్మను చదువుల తల్లి సరస్వతి దేవి రూపంలో తెలుపు రంగు చీర, వీణ, హంసలతో సుందరంగా అలంకరించి భక్తులకు దర్శనం కల్పించారు.

16-10-2026 | 03:13pm

వైభవంగా శరన్నవరాత్రి ఉత్సవాలు

మెదక్ జిల్లా పాపన్నపేట మండలం ఏడుపాయల్లో కొలువుదీరిన వనదుర్గమ్మ ఆలయంలో దేవీ శరన్నవరాత్రి ఉత్సవాలు వైభవంగా కొనసాగుతున్నాయి. ఉత్సవాల్లో భాగంగా ఆరో రోజు శుక్రవారం అమ్మవారు చదువుల తల్లి సరస్వతీ దేవి రూపంలో భక్తులకు దర్శనమిచ్చారు. తెల్లని వస్త్రధారణలో, వీణ, హంసల అలంకరణతో అమ్మవారిని సుందరంగా ముస్తాబు చేశారు. సరస్వతీ దేవి అలంకరణలో వనదుర్గమ్మను దర్శించుకున్న భక్తులు భక్తిపారవశ్యంలో మునిగిపోయారు.

16-10-2026 | 12:05pm

వైభవంగా శ్రీ లలితా త్రిపుర సుందరీ దేవి కల్యాణ మహోత్సవం!

శివంపేట: శివంపేట మండలంలోని పిల్లుట్ల గ్రామంలో శరన్నవరాత్రి ఉత్సవాలు భక్తిశ్రద్ధలతో జరుగుతున్నాయి. ఐదో రోజు శ్రీ లలితా త్రిపుర సుందరీ దేవిగా అమ్మవారు దర్శనమిచ్చారు. గ్రామ పురోహితులు చండి పంతులు ఆధ్వర్యంలో, భవానీ ఉత్సవ కమిటీ సహకారంతో శ్రీశ్రీ శివపార్వతుల కల్యాణ మహోత్సవాన్ని అత్యంత వైభవంగా నిర్వహించారు. అధిక సంఖ్యలో భక్తులు పాల్గొని కల్యాణాన్ని వీక్షించారు. ఈ సందర్భంగా అన్నప్రసాద వితరణ కూడా జరిగింది.

15-10-2026 | 09:54pm

రైతు ఆత్మహత్యకు కాంగ్రెస్ ప్రభుత్వ వైఫల్యమే కారణం

శివంపేట: వర్షాలు లేక, సరైన విద్యుత్ సరఫరా అందక పంటలు ఎండిపోవడంతో అప్పుల భారం తాళలేక ఆత్మహత్య చేసుకున్న యువ రైతు మాలోత్ శంకర్ (45) కుటుంబాన్ని తెలంగాణ రక్షణ సేన నర్సాపూర్ నియోజకవర్గ అధ్యక్షురాలు దండే అపర్ణ గురువారం పరామర్శించారు. భీమ్లా తండా పరిధిలోని శంకర్ తండాకు చేరుకుని బాధిత కుటుంబ సభ్యులను ఓదార్చి, తక్షణ ఆర్థిక సహాయం అందజేశారు. రైతు ఆత్మహత్యకు కాంగ్రెస్ ప్రభుత్వ వైఫల్యమే కారణమని ఆమె పేర్కొంటూ, ప్రభుత్వ పరంగా రూ. 10 లక్షల పరిహారం, ఎండిపోయిన పంటలకు నష్టపరిహారం చెల్లించాలని డిమాండ్ చేశారు.

15-10-2026 | 09:00pm

గిరిజన రైతు కుటుంబాన్ని పరామర్శించిన ఎంపీ

శివంపేట్: శివ్వంపేట మండలం భీమ్లా తాండ గ్రామపంచాయతీ పరిధిలోని శంకర్ తండాలో మాలోత్ శంకర్ అనే రైతు తన వరి పొలం ఎండిపోవడంతో మనస్థాపంతో ఆత్మహత్య చేసుకున్నారు. రాష్ట్ర ప్రభుత్వం సరైన విద్యుత్ అందించకపోవడమే దీనికి కారణమని తెలిసింది. మెదక్ పార్లమెంట్ సభ్యులు రఘునందన్ రావు శంకర్ కుటుంబాన్ని పరామర్శించి ఆర్థిక సహాయం అందించారు. శంకర్ కుటుంబానికి రూ. 50 లక్షల ఎక్స్గ్రేషియా, ప్రభుత్వ ఉద్యోగం ఇవ్వాలని ఎంపీ ప్రభుత్వాన్ని డిమాండ్ చేశారు.

15-10-2026 | 06:32pm

మన స్తాపంతో వ్యక్తి మృతి

చేగుంట అక్టోబర్ 15,విజయక్రాంతి : చేగుంట పోలీస్ స్టేషన్ పరిదిలోని సాజు తండా కు చెందిన కేతావత్ దంజా (53) షుగర్ వ్యాధితో బాధపడుతూ హాస్పటల్లో చేరిన,వ్యాధి తగ్గడం లేదని,మనస్థాపం చెంది తన పశువుల కొట్టంలో ఉరి వేసుకుని ఆత్మహత్య చేసుకున్నాడు,ఇట్టి విషయంలో మృతిని భార్య కేతావత్ బూలీ ఫిర్యాదు మేరకు కేసు నమోదు చేసి దర్యాప్తు ప్రారంభించినట్లు చేగుంట ఎస్సై చైతన్ కుమార్ రెడ్డి తెలిపారు.

15-10-2026 | 05:09pm

బోనమెత్తిన ఏడుపాయల..

పాపన్నపేట: రాష్ట్రంలోని ప్రసిద్ధ పుణ్యక్షేత్రమైన ఏడుపాయల వనదుర్గామాత ఆలయంలో దేవి శరన్నవరాత్రి ఉత్సవాలు ఘనంగా జరుగుతున్నాయి. ఉత్సవాల్లో భాగంగా ఐదవ రోజు గురువారం వనదుర్గమ్మను మహాలక్ష్మి దేవి రూపంలో అలంకరించి భక్తులకు దర్శనం కల్పించారు. మాజీ ఎమ్మెల్యేలు పద్మా దేవేందర్ రెడ్డి, గొంగిడి సునీత, తుల ఉమ అమ్మవారిని దర్శించుకుని బోనాలు సమర్పించారు. చిన్నారుల సాంస్కృతిక ప్రదర్శనలు భక్తులను విశేషంగా ఆకట్టుకున్నాయి.

15-10-2026 | 02:54pm