Breaking News

పని చేయకపోతే పదవులు ఎందుకు? • సూపర్‌ ఎల్‌నినో ఎఫెక్ట్‌.. నీటి వృథాపై భట్టి వార్నింగ్‌! • KRMB భేటీకి బ్రేక్‌.. ఎందుకంటే! • కివీస్‌ గడ్డపై భారత్‌ విక్టరీ • కాళేశ్వరంపై ఉత్తమ్‌ ఫైర్‌.. బీఆర్‌ఎస్‌పై విమర్శలు! • రూ.22,990కే మారుతి విక్టోరిస్ కొత్త లుక్ • 100 రోజుల్లో పూర్తి చేస్తాం.. మంత్రి పొన్నం కీలక ప్రకటన • నీటి దందా గుట్టురట్టు! రంగంలోకి HYDRAA • బ్యాంకులకు వరుస సెలవులు • ఫాస్ట్ బౌలింగ్‌కు భారత్ రెడీ.. కివీస్‌కు కష్టాలేనా? •

Districts - Nizamabad

ప్రమాదాల వల్ల ప్రాణ నష్టాలను తగ్గించాలి

నిజామాబాద్: రోడ్డు ప్రమాదాల వల్ల కలిగే ప్రాణ నష్టాలను తగ్గించేందుకు సంబంధిత శాఖల అధికారులు సమన్వయంతో పనిచేయాలని జిల్లా కలెక్టర్ ఇలా త్రిపాఠి ఆదేశించారు. శనివారం నిర్వహించిన వీడియో కాన్ఫరెన్స్‌ అనంతరం ఆమె మాట్లాడుతూ, జిల్లాలో పీఎం రాహత్ పథకాన్ని సమర్థవంతంగా అమలు చేయాలని సూచించారు. ప్రమాద బాధితులకు సకాలంలో వైద్య సేవలు అందించి, ప్రాణ నష్టాలను తగ్గించేలా చర్యలు తీసుకోవాలని కలెక్టర్ స్పష్టం చేశారు.

24-10-2026 | 08:12pm

ఎల్‌నినో ప్రభావం నుంచి రైతులు, కూలీలు, పేదలను ఆదుకోవాలి

బోధన్: ఎల్‌నినో ప్రభావంతో ఏర్పడే వాతావరణ మార్పులు, నీటి ఎద్దడి నుంచి రైతాంగాన్ని ఆదుకోవాలని సీపీఐ(ఎం-ఎల్‌) మాస్‌లైన్‌ (ప్రజాపంథా) బోధన్‌ డివిజన్‌ సహాయ కార్యదర్శి బి. మల్లేష్‌, అఖిలభారత ఐక్య రైతు సంఘం (AIUKS) జిల్లా నాయకుడు పడాల శంకర్‌ డిమాండ్‌ చేశారు. బోధన్ పట్టణంలో రైతులతో కలిసి నిర్వహించిన సమావేశంలో వారు మాట్లాడుతూ, క్షేత్రస్థాయిలో పరిశీలించి శాస్త్రీయ పద్ధతిలో పంటల సాగుకు చర్యలు చేపట్టాలని, రబీ పంటలపై రైతుల్లో ఉన్న అయోమయాన్ని తొలగించాలని కోరారు. కౌలు రైతులు, వ్యవసాయ కూలీలకు భరోసా కల్పించాలని విజ్ఞప్తి చేశారు.

24-10-2026 | 04:32pm

అమర పోలీసు కానిస్టేబుల్ కుటుంబానికి ప్రభుత్వ ఉద్యోగం

నిజామాబాద్: విధి నిర్వహణలో అమరుడైన పోలీస్ కానిస్టేబుల్ ఎంపల్లి ప్రమోద్ కుమార్ కుటుంబానికి తెలంగాణ ప్రభుత్వం ప్రభుత్వ ఉద్యోగం కల్పించింది. ఈ మేరకు నియామక ఉత్తర్వుల కాపీని నిజామాబాద్ పోలీస్ కమిషనర్ పి. సాయి చైతన్య, ఐపీఎస్‌ గురువారం కుటుంబ సభ్యులకు అందజేశారు. 2025లో అమరుడైన ప్రమోద్ కుమార్ సేవలు చిరస్మరణీయమని కమిషనర్ పేర్కొన్నారు. అమరవీరుల కుటుంబాలకు పోలీస్ శాఖ అండగా ఉంటుందని తెలిపారు.

22-10-2026 | 09:45pm

గోడ కూలి ఐదేళ్ల చిన్నారి మృతి

బోధన్, అక్టోబర్ 22 (విజయ క్రాంతి): బోధన్ పట్టణంలోని ఆర్టీసీ కాలనీలో గురువారం ఉదయం విషాదకర ఘటన చోటుచేసుకుంది. ఇంటి గోడ కూలిపోవడంతో ఐదేళ్ల చిన్నారి మృతి చెందింది. పోలీసుల కథనం ప్రకారం.. ఆర్టీసీ కాలనీలో అద్దె ఇంట్లో నివాసం ఉంటున్న ఫిరోజ్ ఖాన్ కుమార్తెపై ఇంటి సజ్జ గోడ కూలిపడింది.

22-10-2026 | 09:31pm

బాసర గోదావరి తీరానికి భారీగా తరలివస్తున్న దుర్గమ్మ విగ్రహాలు

బోధన్: నవరాత్రి ఉత్సవాల ముగింపు సందర్భంగా బాసర గోదావరి తీరం భక్తులతో కిటకిటలాడుతోంది. నిజామాబాద్‌తో పాటు పరిసర ప్రాంతాల నుంచి భారీ సంఖ్యలో దుర్గమ్మ విగ్రహాలను భక్తులు బాసర గోదావరి బ్రిడ్జి సమీపంలోని పుష్కర ఘాట్‌ వద్దకు తరలిస్తున్నారు. మహిళలు మంగళహారతులు ఇచ్చి, భక్తిశ్రద్ధలతో దుర్గమ్మకు వీడ్కోలు పలుకుతున్నారు. అమ్మవారి నామస్మరణలు, భక్తుల సందడి మధ్య నిమజ్జన కార్యక్రమాలు కొనసాగుతున్నాయి.

22-10-2026 | 08:03pm

పసుపు క్వింటాలుకు రూ.50 వేల ధర సాధిస్తా

బోధన్: పసుపు రైతులకు క్వింటాలుకు రూ.50 వేల ధర వచ్చేలా చర్యలు తీసుకుంటానని, అవసరమైతే బాండ్ పేపర్‌పై హామీ ఇచ్చేందుకు సిద్ధంగా ఉన్నానని ఎంపీ ధర్మపురి అరవింద్ వెల్లడించారు. గతంలో ఇచ్చిన హామీని గుర్తుచేస్తూ, పసుపు రైతుల ప్రయోజనాల పరిరక్షణకు, వారికి గిట్టుబాటు ధర కల్పించేందుకు తాను కట్టుబడి ఉన్నానని గురువారం మీడియాతో మాట్లాడుతూ పేర్కొన్నారు.

22-10-2026 | 07:25pm

జలాశయాల నీటిని పొదుపుగా వినియోగించుకోవాలి

బోధన్: యాసంగి సీజన్‌లో వరి సాగుకు దూరంగా ఉండాలని కలెక్టర్ ఇలా త్రిపాఠి రైతులకు సూచించారు. జలాశయాల్లో నీటి లభ్యత తక్కువగా ఉన్నందున, రైతులు వరి సాగు చేయకుండా ప్రత్యామ్నాయ పంటల వైపు మొగ్గు చూపేలా గ్రామాల్లో విస్తృతంగా అవగాహన కల్పించాలని అధికారులను ఆదేశించారు. తక్కువ నీటితో సాగు చేయగలిగే, స్వల్ప వ్యవధిలో దిగుబడులు అందించే పంటలను పరిచయం చేయాలని పేర్కొన్నారు. ఈ కార్యక్రమంలో వ్యవసాయ, ఉద్యానవన శాఖల అధికారులు పాల్గొన్నారు.

22-10-2026 | 07:10pm

పేదల పండు.. ఇప్పుడు ధనికులకే సొంతం

బోధన్, అక్టోబర్ 23 (విజయక్రాంతి): బోధన్ మార్కెట్లో సీతాఫలం ధరలు భారీగా పెరిగాయి. ప్రస్తుతం డజను రూ.250 నుంచి రూ.650 వరకు విక్రయిస్తున్నారు. గతంలో రూ.150 నుంచి రూ.200కే లభించేదని వినియోగదారులు గుర్తుచేస్తున్నారు. దిగుబడి, సరఫరా, డిమాండ్ వంటి అంశాలు ధరలపై ప్రభావం చూపి ఉండవచ్చని భావిస్తున్నారు. ధరలు పెరగడంతో సామాన్యులు ఈ సీజనల్ పండును కొనుగోలు చేసేందుకు వెనుకాడుతున్నారు.

22-10-2026 | 06:01pm

25 ఏళ్ల తర్వాత ఒక్కటైన స్నేహబంధం

నిజామాబాద్, అక్టోబర్,(విజయక్రాంతి): నిజామాబాద్ జిల్లా మాక్లూర్ మండలం గొట్టుముక్కల ప్రభుత్వ ఉన్నత పాఠశాలకు చెందిన 2000-01 బ్యాచ్ పూర్వ విద్యార్థులు 25 ఏళ్లు పూర్తయిన సందర్భంగా గురువారం సిల్వర్ జూబ్లీ వేడుకలు నిర్వహించారు. పూర్వ ఉపాధ్యాయులను ఘనంగా సన్మానించారు. పాత జ్ఞాపకాలను నెమరువేసుకున్నారు. విద్యార్థుల పిల్లల చదువుకు సహకరిస్తామని అతిథులు హామీ ఇచ్చారు. అనంతరం సాంస్కృతిక కార్యక్రమాలు నిర్వహించారు.

22-10-2026 | 05:40pm

భక్తికి మోకరిల్లిన పిఎసిఎస్ చైర్మన్

కంగ్టి మండలం తుర్కవడ్గం గ్రామానికి చెందిన పీఏసీఎస్ చైర్మన్ మారుతి రెడ్డి నిజామాబాద్ జిల్లాలోని బడా పహాడ్ దర్గాలో గురువారం తన భక్తిని చాటుకున్నారు. సయ్యద్ బాబా, షాదుల్లా హుస్సేన్‌ల దివ్య దర్శనం కోసం ఆయన సుమారు 1,100 మెట్లను మోకాళ్లపై రెండు గంటల పాటు ఎక్కి మొక్కు చెల్లించుకున్నారు. కులమతాలకు అతీతంగా భక్తులు సందర్శించే ఈ దర్గాలో మారుతి రెడ్డి చూపిన ఆధ్యాత్మిక నిబద్ధత పలువురిని ఆకట్టుకుంది.

22-10-2026 | 04:53pm

చరిత్రకు సాక్ష్యంగా నాటి బోధన్ రెస్ట్ హౌస్

బోధన్: నిజామాబాద్ జిల్లా బోధన్ పట్టణంలోని శక్కర్ నగర్ ప్రాంతంలో ఉన్న నాటి బోధన్ రెస్ట్ హౌస్, పాత మునిసిపాలిటీ భవనాలకు చారిత్రక ప్రాధాన్యత ఉందని తెలిసింది. అక్బర్ నవాబ్ హైదర్ నవాజ్ జంగ్ బహదూర్ 21 ఆజూర్ 1347 ఎఫ్‌ తేదీన ఈ భవనాలకు శంకుస్థాపన చేసినట్లు అందుబాటులో ఉన్న వివరాల ద్వారా వెల్లడించారు. నిజాం షుగర్ ఫ్యాక్టరీకి సమీపంలో ఉన్న ఈ అతిథి గృహం అప్పటి పరిపాలనా అవసరాలకు ఉపయోగపడి ఉండవచ్చని పేర్కొన్నారు. ఈ చారిత్రక కట్టడాల పరిరక్షణ అవసరమని చరిత్రకారులు అభిప్రాయపడుతున్నారు.

21-10-2026 | 06:52pm

ప్రారంభమైన దుర్గామాత నిమజ్జన శోభాయాత్ర

బోధన్: పట్టణంలో గురువారం దుర్గామాత నిమజ్జన శోభాయాత్ర చక్రేశ్వరాలయం నుంచి అంగరంగ వైభవంగా ప్రారంభమైంది. మున్సిపల్ చైర్‌పర్సన్ తూము పద్మా శరత్‌రెడ్డి, సార్వజనిక్ కమిటీ అధ్యక్షుడు గమరపేట శ్రీను, ప్రధాన కార్యదర్శి గంగాధర్, కోశాధికారి హరికాంత్ చారి ఈ యాత్రను కొబ్బరికాయలు కొట్టి ప్రారంభించారు. పూలతో అలంకరించిన రథంపై దుర్గామాతను ప్రతిష్ఠించి నిర్వహించిన ఈ శోభాయాత్రలో భక్తులు పెద్ద సంఖ్యలో పాల్గొని జై దుర్గామాత నినాదాలతో భక్తిశ్రద్ధలు చాటారు. ఈ యాత్రతో పట్టణంలో ఆధ్యాత్మిక వాతావరణం నెలకొంది.

21-10-2026 | 06:34pm

నిజామాబాద్ జిల్లాలో 21 మంది పోలీస్ అమరవీరులు

బోధన్: నిజామాబాద్ జిల్లాలో 1986 నుంచి జూలై 2026 వరకు విధి నిర్వహణలో ప్రాణాలు కోల్పోయిన 21 మంది పోలీసు అధికారులు, సిబ్బంది సేవలు చిరస్మరణీయమని పలువురు పేర్కొన్నారు. దేశ రక్షణ, ప్రజల భద్రత కోసం ప్రాణాలర్పించిన ఈ అమరవీరుల త్యాగాలు పోలీసు శాఖకు, సమాజానికి స్ఫూర్తిదాయకంగా నిలుస్తాయని అందించిన జాబితా వెల్లడించింది. వారి కుటుంబాలకు అండగా నిలవడం సమాజ బాధ్యత అని తెలిపారు.

19-10-2026 | 06:55pm

చండీయాగ హోమంలో పాల్గొన్న పోలీస్ కమిషనర్

బోధన్: నిజామాబాద్ పోలీస్ పరేడ్ గ్రౌండ్‌లోని దుర్గా పరమేశ్వరి మాత మందిరంలో దేవీ నవరాత్రి ఉత్సవాలు ఘనంగా జరిగాయి. సోమవారం చండీయాగ హోమం నిర్వహించగా, పోలీస్ కమిషనర్ పి. సాయి చైతన్య, ఐపీఎస్ ముఖ్య అతిథిగా హాజరై ప్రత్యేక పూజల్లో పాల్గొన్నారు. అనంతరం భక్తులకు అన్నదానం చేశారు. ఈ కార్యక్రమంలో అదనపు డీసీపీ ఎన్. శుభం ప్రకాష్, అదనపు కలెక్టర్లు భుజంగరావు, పి. సురేష్, డీఎంహెచ్‌ఓ రాజశ్రీతో పాటు పలువురు పోలీసు అధికారులు, సిబ్బంది పాల్గొన్నారు.

19-10-2026 | 06:51pm