తెలుగు సినిమాకు ప్రపంచ స్థాయి సొబగులు

తెలుగు సినిమా సాంకేతిక విభాగం రోజురోజుకూ కొత్త ప్రమాణాలను నెలకొల్పుతోంది. ఆ మార్పులో నిశ్శబ్దంగా తన ముద్ర వేస్తున్న ప్రతిభావంతులలో రాంజీ డాట్ ఒకరు. విజువల్ ఎఫెక్ట్స్‌ను కేవలం సాంకేతిక అవసరంగా కాకుండా, కథను మరింత ప్రభావవంతంగా చెప్పే సాధనంగా మలుస్తూ, టాలీవుడ్‌లో తనకంటూ ప్రత్యేక గుర్తింపును సంపాదించుకున్నారు. అత్యాధునిక టెక్నాలజీపై పట్టు, సృజనాత్మక ఆలో చన, కథపై అవగాహన.. ఈ మూడు అంశాల సమన్వయమే రాంజీ డాట్ పనితీరుకు ప్రధాన బలం.

అందుకే ఆయన రూపొందించే ప్రతి విజువల్ ప్రేక్షకుడిని కథలో మరింతగా లీనమయ్యేలా చేస్తుంది. రాంజీ డాట్ ఇప్పటివరకు మహానటి, 118, మసూద, మిరాయ్ వంటి చిత్రాలకు విజువల్ ఎఫెక్ట్స్ అందించారు. ఒక్కో సినిమా ఒక్కో ప్రపంచాన్ని ప్రేక్షకుల ముందుకు తీసుకువచ్చింది. మహానటిలో పీరియడ్ వాతావరణాన్ని సహజంగా పునఃసృష్టించడం, 118లో థ్రిల్లర్‌కు అవసరమైన విజువల్ టోన్‌ను నిర్మించడం, మసూదలో భయానక అనుభూతిని మరింత బలంగా చూపించడం, మిరాయ్‌లో ఫాంటసీ ప్రపంచాన్ని విశ్వసనీయంగా ఆవిష్కరించడం.

ప్రతి ప్రాజెక్టులో కథకు తగ్గట్టుగా తన శైలిని మార్చు కుంటూ పనిచేయడం ఆయన ప్రత్యేకత. రాంజీ డాట్ పనిలో ప్రత్యేకంగా కనిపించే అంశం ఆయన ఆలోచనా విధానం. ఒక షాట్‌కు కేవలం సాంకేతికంగా ఎలా రూపొందించాలి అనే దానికంటే, అది కథలో ఎలాంటి భావోద్వేగాన్ని కలిగించాలి అనే కోణంలో ఆయన ఆలోచిస్తారు. అందుకే ఆయన రూపొందించే ప్రతి విజువల్ కథలో సహజంగా కలిసిపోతుంది. ఈ ఫిల్మ్ మేకర్ మైండ్‌సెట్ ఆయనను ఇతర వీఎఫ్‌ఎక్స్ నిపుణుల నుంచి ప్రత్యేకంగా నిలబెడుతోంది.

పాన్-ఇండియా స్థాయిలో తెలుగు సినిమా తన పరిధిని విస్తరిస్తున్న ఈ సమయంలో, ప్రపంచ స్థాయి విజువల్ నాణ్యతను అందించగల ప్రతిభావంతుల అవసరం మరింత పెరిగింది. అలాంటి టెక్నీషియన్లలో రాంజీ డాట్ పేరు ముందు వరుసలో నిలుస్తోంది. సాంకేతిక నైపుణ్యం, సృజనాత్మక దృష్టి, కథపై అవగాహనఈ మూడు లక్షణాల కలయికతో ఆయన రూపొందించే ప్రతి ప్రాజెక్ట్ మరింత ఉన్నత స్థాయిని అందుకుంటోంది.

సినిమాను కేవలం పూర్తి చేయడం కాదు.. దాని విజువల్ స్థాయిని పెంచాలనుకునే దర్శకులు, నిర్మాతలకు రాంజీ డాట్ విశ్వసనీయమైన ఎంపికగా నిలుస్తున్నారు. కొత్త కథలు, కొత్త ఆలోచనలు, అత్యాధునిక వీఎఫ్‌ఎక్స్ టెక్నాలజీతో ప్రపంచ స్థాయి విజువల్ అను భూతిని అందించేందుకు ఆయన సిద్ధంగా ఉన్నారు. తెలుగు సినిమా భవిష్యత్ విజువల్ జర్నీలో మరిన్ని అద్భుతమైన అధ్యాయాలను రాంజీ డాట్ సృష్టించే అవకాశం కనిపిస్తోంది. 

‘రావు బహదూర్’తో మరో స్థాయికి.. 

రాంజీ డాట్ కెరీర్‌లో ప్రత్యేకంగా నిలిచిన ప్రాజెక్ట్ ‘రావు బహదూర్’. దాదాపు రెండు గంటల నిడివి గల ఈ చిత్రంలో సుమారు అరగంటపాటు పూర్తిగా క్రియేటివ్ 3డీ వీఎఫ్‌ఎక్స్ ఆధారిత సన్నివేశాలు ఉంటాయి. ఇవి సాధారణ వీఎఫ్‌ఎక్స్ షాట్స్ కావు. కాన్సెప్ట్ రూపకల్పన నుంచి తుది అమలు వరకు పూర్తిగా సృజనాత్మక దృష్టితో రూపొందించిన విజువల్ సీక్వెన్సులు. సినిమా ప్రపంచాన్ని విస్తరించేలా, ప్రేక్షకుడికి కొత్త అనుభూతిని కలిగించేలా రూపొందిన ఈ విజువల్స్, తెలుగు సినిమా లో క్రియేటివ్ వీఎఫ్‌ఎక్స్‌కు కొత్త ప్రమాణంగా నిలిచే సామర్థ్యాన్ని కలిగి ఉన్నాయి.

సాంకేతికంగా ఎప్పటికప్పుడు కొత్త మార్గాలను అన్వేషిం చడం రాంజీ డాట్ ప్రత్యేకత. హైబ్రిడ్ లైవ్ యాక్షన్ టెక్నాలజీ ఆధారంగా రూపొందించిన మహావీర్ కర్ణ టీజర్ ఇందుకు మంచి ఉదాహరణ. రియల్ పెర్ఫార్మెన్స్ క్యాప్చర్, సీజీఐ, డిజిటల్ ఎన్విరాన్మెంట్స్‌ను సమర్థంగా మిళి తం చేస్తూ ఆయన రూపొందించిన విజువల్స్ ప్రేక్షకుల్లో విశేష ఆసక్తిని కలిగించాయి. పెద్ద బడ్జెట్ లేకుండానే ప్రపంచ స్థాయి విజువల్ క్వాలిటీని సాధించవచ్చని ఈ ప్రాజెక్ట్ నిరూపించింది.