యూరియా యాప్ రద్దు చేసి రైతులకు నేరుగా పంపిణీ చేయాలి

కొలిశెట్టి యాదగిరిరావు సిపిఎం పార్టీ రాష్ట్ర కమిటీ సభ్యుడు

తుంగతుర్తి,(విజయక్రాంతి): రైతులకు ప్రభుత్వం అందిస్తున్న యూరియాను యాప్ ద్వారా కాకుండా నేరుగా ఇవ్వాలని సిపిఎం పార్టీ రాష్ట్ర సభ్యుడు కొరిశెట్టి యాదగిరిరావు అన్నారు. ఈరోజు తుంగతుర్తి నియోజకవర్గ కేంద్రంలోని మల్లు వెంకట నరసింహారెడ్డి భవనంలో ఆ పార్టీ ముఖ్య కార్యకర్తల సమావేశంలో మాట్లాడుతూ... ఈ యాప్ ద్వారా యూరియాను అందించడం ద్వారా ఎక్కువ మంది రైతులు అనేక ఇబ్బందులు ఎదుర్కొంటున్నారని విచారణ వ్యక్తం చేశారు. చాలామంది రైతులకు స్మార్ట్ ఫోన్ లేకపోవడం చేత ఓటిపి చెప్పే సమయంలోనే యూరియా పూర్తిగా అయిపోతుందని దీని చేత ఎక్కువ మంది రైతులు యూనియన్ పొందలేని దుస్థితి ఏర్పడిందని అన్నారు.

ప్రభుత్వం ఇది విషయంలో జోక్యం చేసుకొని నేరుగా రైతులకు యూరియాని అందించాలని డిమాండ్ చేశారు. అదేవిధంగా ప్రభుత్వం అందిస్తున్న రైతు భరోసాను వానకాలం పంట ప్రారంభమైనందున వెంటనే రైతుల ఖాతాలో రైతు భరోసాను వేయాలని వారు కోరారు. రాష్ట్రంలో ప్రభుత్వ దవాఖానాలలో ప్రజలకు సరియైన వైద్యం అందించాలని డిమాండ్ చేశారు. తుంగ తుర్తి ప్రభుత్వ దవాఖానాలలో అందుబాటులో సరయిన వైద్యులు లేరనీ అన్నారు విద్య వైద్యం పై దృష్టి పెట్టాలని ప్రజలకు ప్రభుత్వ సేవల ద్వారా ప్రయోజనం పొందేవిధంగా కృషిచేయాలని సిపిఎం పార్టీ కోరుతుందన్నారు.