మహిళా, సంక్షేమానికి పెద్దపీట

1. రూ.3,143 కోట్లు కేటాయింపు  
2. డ్వాక్రా సంఘాలకు రూ.2,500 కోట్ల వడ్డీలేని రుణాలు 

హైదరాబాద్, మార్చి 20(విజయక్రాంతి): రాష్ట్ర ప్రభుత్వం మహిళల ఆర్థికాభివృద్ధికి బడ్జెట్‌లో గతేడాది కంటే ఈ బడ్జెట్‌లో నిధుల కేటాయింపు పెంచింది. 2026-27 బడ్జెడ్‌లో మహిళా, శిశు సంక్షేమానికి రూ.3,143 కోట్లు కేటాయించింది. వీటిలో రూ.1248 కోట్లు నిర్వహణ కోసం, రూ.1,896 కోట్ల పథకాల కోసం ప్రభుత్వం ఖర్చు చేయనుంది.

ఇక గత ఏడాది రూ.2,862 కోట్లు కేటాయించింది. గత బడ్జెట్ కంటే ఈ బడ్జెట్‌లో అదనంగా రూ.281 కోట్లు కేటాయించింది. రాష్ట్ర వ్యాప్తంగా 35,781 అంగన్‌వాడీ కేంద్రాలలో సుమారుగా 4 లక్షల మంది విద్యార్థులకు ఉచిత విద్యతోపాటు ఏడాదికి రెండు జతల యూనిఫామ్ ప్రభుత్వం అందిస్తోంది. రాష్ట్రంలోని కోటి మంది మహిళలను కోటీశ్వరులను చేసేందుకు.. తెలంగాణ అడపడు చులకు డ్వాక్రా సంఘాల మహిళలకు రూ.2,500 కోట్ల వడ్డీ లేని రుణాలు ఇవ్వనున్నట్లు  ప్రభుత్వం ప్రకటించింది.

డ్వాక్రా సంఘాల మహిళలను ప్రోత్సహించడానికి కొత్తగా 18 ఏళ్లు పైబడిన మహిళలతో సంఘాలను ఏర్పాటు చే యాలని ప్రభుత్వం నిర్ణయం తీసుకున్న విషయం తెలిసిందే. వ్యవసాయ అనుబంధ, పరిశ్రమ అనుబంధ రంగాల తో జీవనోపాధి పొందేందుకు రూ. 50 వేల నుంచి రూ.5 లక్షల వరకు రుణా లు అందజేయనున్నారు.