విడతల వారీగా యూరియా ఇవ్వడం సరికాదు

సిద్దిపేట,(విజయక్రాంతి): వ్యవసాయానికి అవసరమైన సమయంలో రైతులకు యూరియా సకాలంలో అందుబాటులో ఉండటం అత్యంత ముఖ్యమని, కొత్తగా అమల్లోకి తీసుకొచ్చిన విడతల వారీ యూరియా బుకింగ్ విధానం రైతులకు ఇబ్బం లాదులు కలిగించే అవకాశముందని సిద్దిపేట జిల్లా బెజ్జంకి మండలం దాచారం గ్రామ ఉప సర్పంచ్ దిటి బాలనర్సు అన్నారు. ఎకరానికి రెండు యూరియా బస్తాల పరిమితి విధించడం వల్ల పంటల అవసరాలు పూర్తిగా తీరవని ఆయన పేర్కొన్నారు.

ప్రతి విడతకు 20 రోజుల వ్యవధి ఉండటంతో అవసరమైన సమయంలో ఎరువులు అందక రైతులు ఇబ్బందులు ఎదుర్కొనే పరిస్థితి ఏర్పడుతుందని ఆందోళన వ్యక్తం చేశారు. ఖరీఫ్ సీజన్‌లో రైతుల అవసరాలను దృష్టిలో ఉంచుకుని ప్రభుత్వం ఈ నిబంధనలను పునఃసమీక్షించాలని, సాగు అవసరాలకు అనుగుణంగా అవసరమైన మేర యూరియాను ఒకేసారి అందుబాటులో ఉంచేలా చర్యలు తీసుకోవాలని ఆయన కోరారు. రైతులకు ఎలాంటి ఇబ్బందులు కలగకుండా వ్యవసాయ శాఖ తగిన ఏర్పాట్లు చేయాలని దిటి బాలనర్సు విజ్ఞప్తి చేశారు.