సమర్థవంతమైన ఎన్నికల నిర్వహణకు ప్రత్యేక చర్యలు

జిల్లా ఎన్నికల అధికారి కలెక్టర్ కె.హరిత

కుమ్రంభీం ఆసిఫాబాద్,(విజయక్రాంతి): 2వ సాధారణ మున్సిపల్ ఎన్నికలలో భాగంగా ఈ నెల 11వ తేదీన జరగనున్న పోలింగ్ నేపథ్యంలో సమర్థవంతమైన ప్రక్రియ నిర్వహణకు ప్రత్యేక చర్యలు చేపట్టడం జరుగుతుందని జిల్లా ఎన్నికల అధికారి కలెక్టర్ కె.హరిత తెలిపారు. మంగళవారం కలెక్టరేట్ లో ఏర్పాటు చేసిన వెబ్ కాస్టింగ్ ద్వారా ఆసిఫాబాద్, కాగజ్ నగర్ మున్సిపాలిటీలలోని వార్డుల పోలింగ్ కేంద్రాలలో ఏర్పాట్లను పరిశీలించారు.

ఈ సందర్భంగా జిల్లా ఎన్నికల అధికారి, కలెక్టర్ మాట్లాడుతూ మున్సిపల్ ఎన్నికలు ప్రశాంతంగా జరిగేలా అధికారులు, పోలింగ్ సిబ్బంది ఏర్పాట్లు చేయాలని, ఎన్నికల ప్రవర్తన నియమావళికి లోబడి విధులు నిర్వహించాలని తెలిపారు. పోలింగ్ సరలిని వెబ్ కాస్టింగ్ ద్వారా పర్యవేక్షించడం జరుగుతుందని, జిల్లాలోని మున్సిపాలిటీలలో పోలింగ్ ప్రక్రియ సజావుగా సాగేలా అధికారులు సమన్వయంతో కృషి చేయాలని తెలిపారు.ఈ కార్యక్రమంలో ఈ డిస్ట్రిక్ట్ మేనేజర్ గౌతమ్ రాజు తదితరులు పాల్గొన్నారు.