శోభన్‌బాబు సతీమణి కన్నుమూత

దివంగత నటుడు శోభన్‌బాబు సతీమణి శాంతకుమారి (96) గురువారం కన్నుమూశారు. చెన్నైలో నివాసం ఉంటున్న ఆమె కొంతకాలంగా వయోధిక ఆరోగ్య సమస్యలతో బాధపడుతూ, అక్కడి ఒక ప్రైవేటు ఆసుపత్రిలో నాలుగు రోజుల క్రితం చేరారు. ఆమెను పరామర్శించడానికి వచ్చిన ఓ స్నేహితురాలితో మాట్లాడుతున్న సమయలోనే అకస్మాత్తుగా కార్డియాక్ అరెస్టుకు గురై, తుదిశ్వాస విడిచారు. ఆమె పార్థివ దేహాన్ని కుటుంబ సభ్యులు చెన్నైలోని వారి నివాసానికి తరలించారు. శుక్రవారం అంత్యక్రియలు నిర్వహిస్తామని ప్రకటించారు. శోభన్‌బాబు దంపతులకు ఒక కుమారుడు, ముగ్గురు కుమార్తెలు.