ఎంఆర్పీఎస్ మండల అధ్యక్షుడిగా పుల్లయ్య

ఏకగ్రీవంగా ఎన్నుకున్న సంఘం బాధ్యులు

(కూసుమంచి, విజయక్రాంతి): పద్మశ్రీ మందకృష్ణ మాదిగ ఆదేశాల అనుసారం సోమవారం కూసుమంచి మండల కేంద్రంలో ఎమ్మార్పీఎస్ సీనియర్ నాయకులు కూసుమంచి మండల ఇన్చార్జ్ పులిపాటి వెంకన్న మాదిగ అధ్యక్షతన ఎమ్మార్పీఎస్, ఎంఎస్పి మండల కమిటీలు ఎన్నుకోవడం జరిగింది.   ఎమ్మార్పీఎస్ మండల అధ్యక్షులుగా జీళ్ళచెరువు గ్రామానికి చెందిన పొట్ట పెంజర పుల్లయ్య మాదిగని ఏకగ్రీవంగా ఎన్నుకున్నారు. 

అలాగే ఎంఎస్పి కూసుమంచి మండల అధ్యక్షులుగా తుడుం నాగరాజు మాదిగని ఏకగ్రీవంగా ఎన్నుకోవడం జరిగింది. ఈ కార్యక్రమంలో  ఖమ్మం జిల్లా ఇన్చార్జి కందిగంట్ల విజయ్ మాదిగ, ఖమ్మం జిల్లా ఎంఎసీపి మాజీ అధ్యక్షులు తురుగంటి అంజన్న మాదిగ, ఎంఆర్పిఎస్ సీనియర్ నాయకులు, కార్యకర్తలు పాల్గొన్నారు. ఈ సందర్భంగా పుల్లయ్య మాట్లాడుతూ నాపై బాధ్యత ఉంచి నాకు అధ్యక్షుడిగా ఎన్నుకున్న సంఘం పెద్దలందరికి ధన్యవాదాలు తెలిపారు. ఎంఆర్పీఎస్ బలోపేతం కోసం కృషి చేస్తానని, అందరు సహాకరించాలని కోరారు.