CAA అమలు వేగవంతం— చొరబాటుదారులు సామాన్లు సర్దుకోవాల్సిందే! మోదీ హెచ్చరిక

కట్వా (పశ్చిమ బెంగాల్): పశ్చిమ బెంగాల్‌లో బీజేపీ అధికారంలోకి వస్తే, మతువా, నమశూద్ర, ఇతర శరణార్థి వర్గాలకు సీఏఏ(CAA) కింద పౌరసత్వం కల్పించే ప్రక్రియను వేగవంతం చేస్తామని ప్రధానమంత్రి నరేంద్ర మోదీ(PM Narendra Modi) శనివారం హామీ ఇచ్చారు. అదే సమయంలో చొరబాటుదారులు తమ సమాను సర్దుకుని వెళ్లిపోవాలని మోదీ హెచ్చరించారు.

పూర్బ బర్ధమాన్ జిల్లాలోని కట్వాలో జరిగిన ఒక ర్యాలీలో ప్రసంగిస్తూ, దక్షిణ బెంగాల్‌లో కేంద్రీకృతమై ఉన్న, రాజకీయంగా పలుకుబడి కలిగిన శరణార్థుల వర్గాలైన మతువా, నమసూద్ర కమ్యూనిటీలకు వారి భవిష్యత్తు అధికార తృణమూల్ కాంగ్రెస్ ద్వారా కాకుండా రాజ్యాంగం, సీఏఏ ద్వారా రక్షించబడుతుందని మోదీ భరోసా ఇచ్చే ప్రయత్నం చేశారు. బెంగాల్‌లో బీజేపీ ప్రభుత్వం కేవలం 'సబ్‌కా సాత్, సబ్‌కా వికాస్' మంత్రాన్ని మాత్రమే కాకుండా, దానికి 'సబ్‌కా హిసాబ్'ను కూడా జోడిస్తుందని ప్రధానమంత్రి పేర్కొన్నారు.