బెల్ట్‌షాపుల మూసివేతకు పెద్దమల్లారెడ్డి గ్రామపంచాయతీ తీర్మానం

భిక్కనూర్,(విజయక్రాంతి): భిక్కనూర్ మండలం పెద్దమల్లారెడ్డి గ్రామపంచాయతీ పాలకవర్గం గ్రామంలో నిర్వహిస్తున్న బెల్ట్‌షాపులను తక్షణమే మూసివేయాలని ఏకగ్రీవంగా తీర్మానం చేసింది. బెల్ట్‌షాపుల కారణంగా గ్రామ ప్రజలు అనేక ఇబ్బందులు ఎదుర్కొంటున్నారని పేర్కొంటూ భిక్కనూర్ ఎస్‌ఐ అనిల్‌కు వినతిపత్రం అందజేశారు. అక్రమ మద్యం విక్రయాలను అరికట్టి గ్రామంలో శాంతిభద్రతలు, సామాజిక వాతావరణం పరిరక్షించాలని కోరారు.

ఈ కార్యక్రమంలో సర్పంచ్ కోడూరి సాయా గౌడ్, ఉపసర్పంచ్ పట్లూరి చైతన్య కొండల్‌రెడ్డి, వార్డు సభ్యులు రాదా నర్సింలు, రాదా పద్మావతి నర్సింలు, నట్ట లింగం, నాలిక రాకేశ్, గిజువెల్లి మాధవ రెడ్డి, నడిపోల్లా శ్యామల రామస్వామి, వడ్ల శ్రీనివాస్, బుడ్డ సుగుణ సత్తయ్య, కనకదుర్గ, కంతి వసంత నర్సింలు, పెద్దోల్ల అనిల్, పిల్లి బాబు, ఈర సాహితి స్వామి, మంద ఎల్లం రాజు పాల్గొన్నారు.