యాక్సిస్ ఎనర్జీతో ఓలా ఎలక్ట్రిక్ ఒప్పందం

బెంగళూరు, ఆగస్టు 2026:

2032 నాటికి బ్యాటరీ ఎనర్జీ స్టోరేజ్ సిస్టమ్‌లను ఏర్పాటు చేసేందుకు వీలుగా, యాక్సిస్ ఎనర్జీతో ఒక అవగాహన ఒప్పందం  కుదుర్చుకున్నట్లు ఓలా ఎలక్ట్రిక్ మొబిలిటీ లిమిటెడ్ ప్రకటించింది.ఆగస్టు 15న ప్రారంభం కానున్న, వాణిజ్య, పారిశ్రామిక , యుటిలిటీ-స్థాయి అప్లికేషన్స్ కోసం ఓలా యొక్క రాబోయే ఇంధన నిల్వ ప్లాట్‌ఫారమ్ అయిన ఓలా మహాశక్తికి ఈ అవగాహన ఒప్పందం మొట్టమొదటి భారీ స్థాయి భాగస్వామ్యం. మహాశక్తి తీర్చగల  డిమాండ్ స్థాయికి ఈ భాగస్వామ్యం తొలి నిదర్శనం. ఇది ఓలాకు యుటిలిటీ-స్కేల్ బీఈఎస్ఎస్  ఒక ముఖ్యమైన కొత్త వృద్ధి మార్గంగా నిలుస్తుంది.

భారతదేశంలోనే అతిపెద్ద స్టోరేజ్-ఆధారిత పునరుత్పాదక ప్రాజెక్టుల పైప్‌లైన్‌లలో ఒకదాన్ని యాక్సిస్ ఎనర్జీ నిర్మిస్తోంది. ఈ కంపెనీ ఆంధ్రప్రదేశ్ , రాజస్థాన్‌లలో 3,750 మెగావాట్లకు పైగా ప్రాజెక్టులకు గ్రిడ్ అనుమతులు పొందింది. సుమారు 3500 మెగావాట్ల బలమైన పైప్‌లైన్‌ను కలిగి ఉంది. స్థిరమైన మరియు పంపిణీ చేయదగిన పునరుత్పాదక శక్తి , హైబ్రిడ్ మరియు ఇతర సౌర-యేతర కాన్ఫిగరేషన్‌లను కలిగి ఉన్న ఈ ప్రాజెక్టులకు, పునరుత్పాదక శక్తి ఏకీకరణను మెరుగుపరచడానికి, గ్రిడ్ విశ్వసనీయతను పెంచడానికి స్థిరమైన, నిరంతరాయమైన స్వచ్ఛమైన శక్తిని అందించడానికి భారీ-స్థాయి బీఈఎస్ఎస్ అవసరం అవుతుంది.

భారతదేశ ఇంధన పరివర్తనకు అపూర్వమైన స్థాయిలో నిల్వ విస్తరణ అవసరం. 2032 నాటికి భారతదేశానికి 400 ప్లస్ జీడబ్ల్యూహెచ్ శక్తి అవసరమవుతుందని సెంట్రల్ ఎలక్ట్రిసిటీ అథారిటీ అంచనా వేస్తోంది. పునరుత్పాదక-శక్తి అనుసంధానం, పారిశ్రామిక విద్యుత్, గ్రిడ్ మౌలిక సదుపాయాలు మరియు డేటా-సెంటర్ అప్లికేషన్‌లను కవర్ చేసే, భారతదేశంలోనే రూపొందించి, భారతదేశంలోనే తయారు చేసిన మొట్టమొదటి బీఈఎస్ఎస్ ప్లాట్‌ఫారమ్‌తో మహాశక్తి ఈ అవకాశాన్ని అందిస్తోంది.సెల్‌ టెక్నాలజీ, తయారీ, సిస్టమ్‌ ఇంజినీరింగ్‌ వంటి అన్ని కీలక దశలను ఒకే సంస్థ పరిధిలో నిర్వహించే వర్టికల్‌ ఇంటిగ్రేషన్‌ మోడల్‌పైనే ఓలా తన వ్యాపార వ్యూహాన్ని నిర్మించుకుంది. ఇది వినియోగదారులకు భద్రత మరియు పనితీరుపై అధిక నియంత్రణను, పటిష్టమైన సరఫరా-చైన్  భద్రతను, సిస్టమ్ యొక్క నిర్వహణ కాలంలో తక్కువ మొత్తం యాజమాన్య వ్యయాన్ని అందించడానికి రూపొందించారు.