మణిపూర్ పేలుళ్ల దర్యాప్తు ఎన్‌ఐఏకు అప్పగింత

ఇంఫాల్: మణిపూర్‌లోని బిష్ణుపూర్ జిల్లాలో జరిగిన జంట పేలుళ్ల కేసు దర్యాప్తును ఎన్‌ఐఏకు(National Investigation Agency) అప్పగించినట్లు అధికారులు మంగళవారం తెలిపారు. సోమవారం ఉదయం ఫౌగాక్‌చావో పోలీస్ స్టేషన్ పరిధిలోని చౌకాన్‌లో జరిగిన వరుస పేలుళ్లలో ఇద్దరు వ్యక్తులు గాయపడ్డారని అధికారులు తెలిపారు. మొదటి పేలుడు, ఇంప్రూవైజ్డ్ ఎక్స్‌ప్లోజివ్ డివైస్ (Improvised Explosive Device) వల్ల జరిగిందని అనుమానిస్తున్నారు, ఇది ఉదయం 5.45 గంటల ప్రాంతంలో ఒక నిర్మానుష్యమైన ఇంట్లో సంభవించింది. అంతకు ముందు జరిగిన పేలుడు వార్త తెలియడంతో స్థానికులు గుమిగూడినప్పుడు, రెండవ పేలుడు ఉదయం 8.45 గంటల ప్రాంతంలో దాదాపు 200 మీటర్ల దూరంలో జరిగిందని పోలీసులు వెల్లడించారు.