లోకమంతటికి ఆరోగ్య ప్రదాత హనుమంతుడే

వేద పండితులు నిమ్మగడ్డ సందీప్ శర్మ

ఖానాపూర్ (విజయక్రాంతి): అతిభలవంతుడు, లోకమంతటికి ఆరోగ్యప్రదాత హనుమంతుడే అని వేద పండితులు నిమ్మగడ్డ సందీప్ శర్మ అన్నారు. ఖానాపూర్ మున్సిపాలిటీ కొమురం భీం చౌరస్తాలో గల పంచముఖ హనుమాన్ దేవాలయంలో ప్రతినెల నిర్వహిస్తున్న మాసోత్సవ కార్యక్రమంలో ఆయన మాట్లాడారు. ఈ మేరకు ఆలయంలో పూర్వభద్ర నక్షత్రం మహోత్సవ కార్యక్రమంలో గణపతి పూజా పంచామృత అభిషేకం అనంతరం హనుమాన్ చాలీసా పారాయణం అనంతరం హారతి కార్యక్రమాలను ఆలయ అర్చకులు తిరునగరి నందకిషోర్ నిర్వహించారు.

వేద పండితులు నిమ్మగడ్డ సందీప్ శర్మ ఆధ్వర్యంలో ఈ కార్యక్రమాలు వైభవంగా జరిగాయి .ఈ కార్యక్రమాలు చేయడం వల్ల భక్త జనాల్లో దారిద్రత తొలిగిపోయి సకల కోరికలు నెరవేరుతాయని పండితులు అన్నారు. ఈ కార్యక్రమంలో ఆలయ కమిటీ అధ్యక్షులు అల్లాడి వెంకటేశ్వర్లు, ఉపాధ్యక్షులు తోట హనుమం తు, కార్యదర్శి తుమ్మలపల్లి లక్ష్మణ్,, కోశాధికారి ఎడ్ల రాజేశ్వర్, సభ్యులు ప్రవీణ్ ,రాజేశ్వర్, లక్ష్మీనారాయణ, కౌన్సిలర్లు బండి పల్లి సింధుజ, బొప్పాలపు సత్యవతి, తదితరులు పాల్గొన్నారు.