ఎస్‌ఐఆర్ ప్రక్రియ విజయవంతానికి బీఎల్‌ఏలు సమన్వయంతో పనిచేయాలి

* గాదిగూడ మండల కాంగ్రెస్ పార్టీ బూత్ లెవల్ ఏజెంట్లతో సమావేశం..

గాదిగూడ,(విజయక్రాంతి): గాదిగూడ మండలంలో కాంగ్రెస్ పార్టీ బూత్ లెవల్ ఏజెంట్లతో కొమరం భీం ఆసిఫాబాద్ డిసిసి అధ్యక్షురాలు ఆత్రం సుగుణక్క సోమవారం సమావేశం నిర్వహించారు.ఈ సందర్భంగా ఎస్‌ఐఆర్ ప్రక్రియపై బీఎల్‌ఏలకు సమగ్ర అవగాహన కల్పించారు. ప్రతి అర్హులైన ఓటరు పేరు ఓటరు జాబితాలో ఉండేలా చర్యలు తీసుకోవాలని సూచనలు చేశారు.

ఇంటింటికీ వెళ్లి ఓటరు వివరాలను పరిశీలించి అవసరమైన మార్పులు, చేర్పులు, తొలగింపుల ప్రక్రియలో ప్రజలకు సహకరించాలని సూచించారు.అనంతరం బీఎల్‌ఏలకు అవసరమైన ఎస్‌ఐఆర్ మెటీరియల్ తో పాటు గుర్తింపు కార్డులను పంపిణీ చేశారు. పార్టీ శ్రేణులు సమన్వయంతో పనిచేసి ఒక్క అర్హుడి ఓటు కూడా కోల్పోకుండా కృషి చేయాలని సుగుణక్క పిలుపునిచ్చారు.