మావోయిస్ట్ పార్టీకి మరో బిగ్ షాక్— లొంగిపోయిన 42 మంది కీలక మావోయిస్టులు

హైదరాబాద్: తెలంగాణ డీజీపీ శివధర్ రెడ్డి ఎదుట 42 మంది మావోయిస్టులు శుక్రవారం నాడు లొంగిపోయారు. ఈ సందర్భంగా డీజీపీ మాట్లాడుతూ... లొంగిపోయిన మావోస్టులకు రూ. 1.93 కోట్లు అందజేస్తున్నామని స్పష్టం చేశారు. లొంగిపోయిన మావోయిస్టులకు సీఎం ఆదేశాల మేరకు ఆరోగ్య కార్డులు అందజేస్తామని చెప్పారు. గత ఏడాదిన్నర కాలంలో 763 మంది మావోయిస్టలు లొంగిపోయారని తెలిపారు. తెలంగాణకు చెందిన వాళ్లు సెంట్రల్ కమిటీలో 11 మంది ఉండేవారు.. ఇప్పుడు ఇద్దరు ఉన్నారు. స్టేట్ కమిటీలో తెలంగాణ వాళ్లు 24 మంది ఉండేవారు.. ఇప్పుడు ఇద్దరే ఉన్నారని చెప్పారు. మొత్తంగా తెలంగాణకు చెందిన వాళ్లు దళంలో ఇంకా ఐదుగురు మిగిలారని వివరించారు. తెలంగాణకు చెందిన మిగిలిన ఐదుగురు కూడా లొంగిపోవాలని డీజీపీ శివధర్ రెడ్డి పిలుపునిచ్చారు.

లొంగిపోయిన మావోయిస్టుల్లో ఒకరు మాత్రమే తెలంగాణ వాసి అని, ఎక్కువ మంది ఛత్తీస్ గఢ్ వాసులే ఉన్నారని సూచించారు. లొంగిపోయిన వారికి పునరావాస ప్యాకేజీ అందిస్తున్నామని వెల్లడించారు.  తిరుగుబాటు నిరోధక చర్యల చరిత్రలో ఇది ఒక కీలక మైలురాయిగా నిలిచింది. ప్రధాన స్రవంతిలో కలిసిన వారిలో పీఎల్జీఏ బెటాలియన్ కమాండర్, DKSZC సభ్యుడైన సోడి మల్లా అలియాస్ కేశల్ అలియాస్ నిఖిల్, రాష్ట్ర కమిటీ సభ్యుడు, JMMWP DVC కార్యదర్శి అయిన చాప నారాయణ అలియాస్ గజేందర్ అలియాస్ మధు, అలాగే BK-ASR విభాగం DVC సభ్యుడైన కడ్తి సన్ను అలియాస్ మంతు వంటి కీలక నాయకులు ఉన్నారని వివరించారు.

లొంగిపోయిన కార్యకర్తలు 36 తుపాకులతో కూడిన భారీ ఆయుధాల నిల్వను వీటిలో AK-47 రైఫిల్స్, SLRs, INSAS రైఫిల్స్, 303 రైఫిల్స్, ఒక 9mm స్టెన్ గన్, పిస్టల్స్, రివాల్వర్లు, ఇతర ఆయుధాలు, 1,007 రౌండ్ల సజీవ మందుగుండు సామగ్రి, అదనంగా, 800 గ్రాముల బంగారాన్ని కూడా మావోయిస్టులు అప్పగించారు. వారి లొంగుబాటును ప్రకటిస్తూ, సీనియర్ మావోయిస్టు నాయకులు, 130 మంది కార్యకర్తలు 124 తుపాకులను అప్పగించి గతంలో లొంగిపోయిన ఘటనల పరంపరలోనే ఈ తాజా పరిణామం చోటుచేసుకుందని డీజీపీ శివధర్ రెడ్డి తెలిపారు. ఈ వరుస లొంగుబాట్ల ఫలితంగా, CPI (Maoist) సాయుధ విభాగమైన 'పీపుల్స్ లిబరేషన్ గెరిల్లా ఆర్మీ' (PLGA) సమర్థవంతంగా నిర్వీర్యమైందని పేర్కొన్నారు. తెలంగాణ రాష్ట్ర కమిటీకి చెందిన సభ్యులందరూ లొంగిపోవడంతో, రాష్ట్రంలోని మావోయిస్టు నెట్‌వర్క్ పూర్తిగా ఛిన్నాభిన్నమైందని అధికారులు వివరించారు.