రూ. 1.72 కోట్లతో కేజీబీవీ పాఠశాల మరమ్మతులు

లక్ష్యంతో చదవండి.. ఉన్నదులుగా ఎదగండి : ఎమ్మెల్యే

బోథ్. మే 14( విజయక్రాంతి): విద్యార్థు లు లక్ష్యంతో చదివి ఉన్నతులుగా ఎదగాలని ఎమ్మెల్యే జాదవ్ అనిల్ పేర్కొన్నారు. గురువారం నేరగొండ మండల కేంద్రంలోని కస్తూర్బా పాఠశాలలో అభివృద్ధి పనుల కోసం ఒక కోటి 72 లక్షల రూపాయల పనులకు భూమి పూజ చేశారు.

ఈ సందర్భంగా ఆయన మాట్లాడుతూ ప్రభుత్వ పాఠశాలలో అన్ని రకాల వసతులు కల్పించడం జరిగిందన్నారు.అయితే విద్యార్థులు లక్ష్యంతో చదివి ఉన్నతులుగా ఎదగాలని కోరారు. ఈ సందర్భంగా పాఠశాలలో నివాసతులను పరిశీలించడంతోపాటు విద్యార్థులతో కలిసి భోజనం చేశారు. పదవ తరగతి ఫలితాల్లో ఉత్తమ మార్కులు సంపాదించిన విద్యార్థులను ఈ సందర్భంగా సన్మానించారు. మరిన్ని మంచి ఫలితాలు సాధిస్తే భవిష్యత్తులో పాఠశాల అభివృద్ధికి తన వంతు కృషి చేస్తానని పేర్కొన్నారు.