పామ్ ఆయిల్ సాగుపై అవగాహన

మహబూబాబాద్, మే 14 (విజయక్రాంతి): ఆయిల్ పామ్ పంట సాగుపై ఉద్యాన శాఖ ఆధ్వర్యంలో గ్రామ గ్రామాన ప్రచార కార్యక్రమాలు, అవగాహన సదస్సు లు నిర్వహిస్తున్నారు.ఆయిల్ పామ్, ఉద్యాన పంటల సాగు లాభదాయకంపంట మార్పిడితో అధిక ఆదాయం పొందవచ్చని రైతులకు వివరిస్తున్నారు.

ఆయిల్ పామ్, ఉద్యాన, కూరగాయలు, పండ్లు, పూలు, మల్బరీ మొదలైన  మార్కెట్ డిమాండ్ ఉన్న పంటల సాగు, పుట్టగొడుగులు, తేనెటీగల పెంపకం జిల్లా నుండి ఆయిల్ పామ్ ఆత్మీయ సమ్మేళనానికి, ఆయిల్ పామ్ విజ్ఞాన యాత్రకు జిల్లాకు చెందిన రైతులు హాజరయ్యారు.

గురువారం నాడు అశ్వారావుపేట ఆయిల్ పామ్ శుద్ధి ఫ్యాక్టరీ ఆవరణలో జరిగిన ఆత్మీయ సమ్మేళనానికి హాజరైన రైతులు ఆయిల్ పామ్ సాగులో అశ్వారావుపేట రైతుల అనుభవాలు, ఆధునిక పద్ధతులు, లేత తోటల్లో అంతర పంటల సాగు, ముదురు తోటలలో కోకో, వక్క, జాజికాయ, మిరియాలు వంటి విలువైన అంతర పంటల సాగు గురించి వివరంగా తెలుసుకున్నారు.

ఈ విజ్ఞాన సందర్శనకు తెలంగాణ ఆయిల్ ఫెడ్ సంస్థ ఆర్ధిక సహాయం అందించారు. ఈ ప్రోగ్రామ్ కు జిల్లా నుండి ఆయిల్ ఫెడ్ అధికార్లు, ఉద్యాన శాఖ అధికారులు, వ్యవసాయ విస్తరణ అధికారులు, వ్యవసాయ అధికారులు పాల్గొన్నారు.