జాబ్ మేళాలో 116 మందికి ఉద్యోగ అవకాశాలు

మహబూబాబాద్, ఫిబ్రవరి 19 (విజయక్రాంతి): మహబూబాబాద్ జిల్లా కేంద్రంలోని తెలంగాణ ట్రైబల్ వెల్ఫేర్ రెసిడెన్షియల్ బాలికల డిగ్రీ కళాశాలలో నిర్వహించిన మెగా ప్లేస్మెంట్ కెరీర్ ఎక్స్పో 2026 జాబ్ మేళాలో వివిధ సంస్థలు 116 మందికి ఉద్యోగ అవకాశాలు కల్పించాయి. ఈ మెగా జాబ్ మేళా కార్యక్రమానికి లేబర్నెట్ ఫౌండేషన్, జిల్లా ఎంప్లాయ్మెంట్ ఎక్స్చేంజ్, ఇడిసి మద్దతు అందించాయి.

మొత్తం 240 మంది నిరుద్యోగ యువత పాల్గొనగా ప్రముఖ సంస్థలు అయిన యంగ్ ఇండియా, టెక్ మహీంద్రా, టెలిపెర్ఫార్మెన్స్, మెడ్ప్లస్, శ్రీరామ్ ఫైనాన్స్ తదితర సంస్థలు నియామక ప్రక్రియ నిర్వహించాయి. ఈ ప్లేస్మెంట్ డ్రైవ్లో 116 మందికి జాయినింగ్ ఆ ర్డర్లు లభించగా, మొత్తం 48 శాతం ప్లేస్మెంట్ సాధించబడ్డాయి.

ఈ కార్యక్రమాన్ని ఆర్సిఓ పి.రత్నకుమారి, ప్రిన్సిపాల్ డాక్టర్ ఎం.బిందు మాధురి పర్యవేక్షణలో ట్రైనింగ్, ప్లేస్మెంట్ ఆఫీసర్ డాక్టర్ శోభా దేవి సమన్వయంతో, జిల్లా ఎంప్లాయ్మెంట్ ఆఫీసర్ రజిత సహకారంతో,.అధ్యాపకులు, ప్లేస్మెంట్ సెల్, డీఈఈటీ, ఈడీసీ వివిధ కంపెనీల హెచ్.ఆర్. మేనేజర్లు సమిష్టి కృషితో విజయవంతం అయినట్లు తెలిపారు.