హైదరాబాద్: తెలంగాణలో పెట్రోల్, డీజిల్ కోసం వాహనదారులు తీవ్ర ఇబ్బందులు ఎదుర్కొంటున్నారు. హైదరాబాద్ లోని పెట్రోల్ బంకుల(petrol bunks) వద్ద వాహనాలు భారీగా బారులు తీరాయి. కూకట్ పల్లి, ప్రగతినగర్, సికింద్రాబాద్, బేగంపేట, ఖైరతాబాద్, లక్డీకపూల్, ఫిలింనగర్, జూబ్లీహిల్స్, షేక్ పెట్ తో పాటు పలు పెట్రోల్ బంకుల వద్ద వాహనదారులు క్యూ కట్టారు. పెట్రోల్, డీజిల్ కొరతపై వదంతులు నమ్మ వద్దని అధికారులు విజ్ఞప్తి చేస్తున్నారు. యుద్ధం వల్ల  పెట్రోల్, డీజిల్ దొరకట్లేదనే వదంతులు వైరల్ కావడంతో ఈ పరిస్థితి నెలకొంది. బంకుల వద్ద వాహనదారులు గంటల తరబడి వేచిచూస్తున్నారు. కొన్ని ప్రాంతాల్లోని పెట్రోల్ బంకుల వద్ద నో స్టాక్ బోర్డులు తగిలించారు.