బాలికలు, మహిళలు చట్టాలపై అవగాహన కలిగి ఉండాలి: కలెక్టర్ హరిత

ఆసిఫాబాద్,(విజయక్రాంతి): కలెక్టరేట్‌లో మహిళా వారోత్సవాల సందర్భంగా జిల్లా గ్రామీణ అభివృద్ధి శాఖ ఆధ్వర్యంలో నిర్వహించిన మాక్ పార్లమెంట్ కార్యక్రమంలో జిల్లా కలెక్టర్ కె. హరిత పాల్గొన్నారు. ఈ సందర్భంగా మహిళలు, బాలికలు తమ హక్కులు, చట్టాలపై అవగాహన కలిగి ఉండాలని ఆమె సూచించారు. బాల్య వివాహాల సమాచారం తెలిసిన వెంటనే అధికారులకు తెలియజేయాలని అన్నారు. ఉల్లాస్ పరీక్షలో ఉత్తీర్ణత సాధించిన సిర్పూర్ (యు) మండలానికి చెందిన 74 ఏళ్ల మెస్రం జిజాబాయిని కలెక్టర్ హరిత సన్మానించి అభినందించారు.ఈ కార్యక్రమంలో జిల్లా గ్రామీణ అభివృద్ధి అధికారి దత్తారావు, జిల్లా సంక్షేమ అధికారి స్వరూపారాణి, జిల్లా వైద్య ఆరోగ్యశాఖ అధికారి డాక్టర్ సీతారాం, జిల్లా మహిళా సమాఖ్య ప్రతినిధి ప్రమీల పాల్గొన్నారు.