గురుగ్రామ్‌లో ఎన్‌కౌంటర్‌.. నలుగురు గ్యాంగ్‌స్టర్లు హతం

హర్యానా: గురుగ్రామ్‌లోని సుశాంత్ లోక్ ప్రాంతంలో గురువారం రాత్రి ఎన్ కౌంటర్(Gurugram encounter) జరిగింది. గ్యాంగ్ స్టర్ దీపక్ నందాల్ ముఠాపై(Deepak Nandal gang) పోలీసులు కాల్పులు జరిపారు. కాల్పుల్లో దీపక్ నందాల్ ముఠాకు చెందిన నలుగురు హతమయ్యారు. గురు గ్రామ్ ఎన్ కౌంటర్(Gurugram Encounter)లో ముగ్గురు పోలీసులకు గాయాలయ్యాయి.  పోలీసుల సమాచారం ప్రకారం, సుశాంత్ లోక్‌లోని 'ఎ' బ్లాక్‌లో రాత్రి వేళ ఈ ఎన్‌కౌంటర్ జరిగింది. గురుగ్రామ్‌లోని ఎస్‌జిటి (SGT) యూనివర్సిటీ వ్యవస్థాపకుని కుమారుడైన విశాల్ బెర్రీని, దీపక్ నందల్ ముఠాకు చెందిన ఐదుగురు వ్యక్తులు సుశాంత్ లోక్‌లోని ఆయన నివాసంలో బందీగా ఉంచారని ఆరోపణలు ఉన్నాయి. మహీంద్రా స్కార్పియో కారులో ఆయుధాలు కలిగిన వ్యక్తుల అనుమానాస్పద కదలికల గురించి పోలీస్ కంట్రోల్ రూమ్ నుండి క్రైమ్ బ్రాంచ్‌కు సమాచారం అందింది.

సుశాంత్ లోక్ ప్రాంతానికి క్రైమ్ బ్రాంచ్ బృందాలు చేరుకునే సమయానికి, ఆ వ్యాపారవేత్త ఇంటిపై అత్యాధునిక ఆయుధాలతో దుండగులు కాల్పులు జరపడం అప్పుడే మొదలుపెట్టారు. ఆ వ్యాపారవేత్తకు విదేశాల్లో ఉన్న ఒక వాంటెడ్ గ్యాంగ్‌స్టర్ నుండి పదేపదే డబ్బు డిమాండ్ సందేశాలు వస్తున్నాయి. పోలీసులు నేరస్థులను చుట్టుముట్టారు. ఆ తర్వాత జరిగిన కాల్పుల్లో నలుగురు నేరస్థులు మరణించగా, ఒకరు గాయపడ్డారు. ముగ్గురు పోలీసులు కూడా కాల్పుల్లో గాయపడ్డారు. పోలీసులు నేరస్థులను చుట్టుముట్టారు. ఆ తర్వాత జరిగిన కాల్పుల్లో నలుగురు నేరస్థులు మరణించగా, ఒకరు గాయపడ్డారు.

ముగ్గురు పోలీసులు కూడా కాల్పుల్లో గాయపడ్డారు. గాయపడిన వారిని ఆసుపత్రిలో చేర్చినట్లు పోలీసులు తెలిపారు. అలాగే, సీనియర్ అధికారులు ఘటనా స్థలానికి చేరుకున్నారని వారు పేర్కొన్నారు. ఈ ఘటన గురించి సమాచారం అందిన వెంటనే డీసీపీ-క్రైమ్, డీసీపీ-ఈస్ట్ ఘటనా స్థలానికి చేరుకున్నారని గురుగ్రామ్ పోలీసు ప్రతినిధి ఒకరు తెలిపారు. ఫోరెన్సిక్ సైన్సెస్ లాబొరేటరీ (Forensic Sciences Laboratory) బృందాలు ఘటనా స్థలంలో శాస్త్రీయ, సాంకేతిక పరిశీలనలు జరిపి, అవసరమైన ఆధారాలను సేకరించాయి. నేరస్తుల గుర్తింపు, వారి నేర చరిత్ర, స్వాధీనం చేసుకున్న ఆయుధాలు, ఇతర ముఖ్యమైన వివరాలకు సంబంధించిన సమాచారాన్ని, పరిశీలన, దర్యాప్తు అనంతరం విడిగా వెల్లడిస్తామని పోలీసు ప్రతినిధి తెలిపారు. బెర్రీ ,అతని కుటుంబాన్ని సురక్షితంగా రక్షించినట్లు సీనియర్ పోలీస్ అధికారి తెలిపారు.