నాంపల్లి క్రిమినల్ కోర్టులో అగ్నిప్రమాదం

నాంపల్లి: హైదరాబాద్ నాంపల్లి క్రిమినల్ కోర్టు(Nampally Criminal Court) మూడవ అంతస్తులోని ఒక గదిలో సోమవారం తెల్లవారుజామున సుమారు 1:00 గంటల సమయంలో అగ్నిప్రమాదం సంభవించింది. రెండు అగ్నిమాపక యంత్రాలు హుటాహుటిన ఘటనా స్థలానికి చేరుకుని మంటలను అదుపులోకి తెచ్చి, రికార్డు రూమ్‌లకు వ్యాపించకుండా కాపాడారు. సమాచారం అందిన వెంటనే పోలీసులు కోర్టుకు చేరుకుని, అగ్నిప్రమాదానికి గల ఖచ్చితమైన కారణాన్ని నిర్ధారించడానికి దర్యాప్తు ప్రారంభించారు. ప్రాథమిక నివేదికల ప్రకారం, షార్ట్ సర్క్యూట్ కారణంగా ఈ అగ్నిప్రమాదం సంభవించి ఉండవచ్చని అధికారులు పేర్కొన్నారు.