వధువు వివాహానికి చేయూత

ఇల్లందు టౌన్,(విజయక్రాంతి): ఇల్లందు పట్టణం 17వ వార్డులో పేద కుటుంబానికి చెందిన బాలిక వివాహానికి మున్సిపల్ వైస్ చైర్మన్ పెండాల రాజు, పెండాల హరికృష్ణ ఆధ్వర్యంలో ఆర్థిక సహాయం అందించారు. ఎన్నికల మేనిఫెస్టోలో భాగంగా ఇచ్చిన హామీ మేరకు సయ్యద్ హమీద్ కుమార్తె సయ్యద్ కరిష్మా వివాహం సందర్భంగా ఆమె ఇంటికి వెళ్లి రూ.5000 నగదు సహాయం, చీర అందజేశారు. ఈ సందర్భంగా పెండాల రాజు మాట్లాడుతూ పేద కుటుంబాల అమ్మాయిల వివాహాలకు తాము అండగా ఉంటామని తెలిపారు. కార్యక్రమంలో కాంగ్రెస్ పార్టీ సీనియర్ నాయకులు మాడిశెట్టి రాజు, ఎస్డీ బాబా, జియా, ఆలూరు మురళి, జేమ్స్ విక్కీ, వినోద్ తదితరులు పాల్గొన్నారు.