ఆఫ్ఘనిస్తాన్‌లో భారీ భూకంపం: 8 మంది మృతి

కాబూల్‌: ఆఫ్ఘనిస్తాన్‌లో సంభవించిన భూకంపం(Afghanistan Earthquake) కారణంగా కాబూల్‌లో ఒక ఇల్లు కూలిపోవడంతో ఎనిమిది మంది మరణించగా, ఒక చిన్నారి గాయపడిందని జాతీయ విపత్తు నిర్వహణ అథారిటీ తెలిపింది. శుక్రవారం ఆఫ్ఘనిస్తాన్‌లోని హిందూ కుష్ ప్రాంతంలో 5.9 తీవ్రతతో భూకంపం సంభవించిందని జర్మన్ రీసెర్చ్ సెంటర్ ఫర్ జియోసైన్సెస్ (GFZ) తెలిపింది. భూకంపం 177 కిలోమీటర్ల (110 మైళ్లు) లోతులో సంభవించిందని జీఎఫ్జీ తెలిపింది. ఆఫ్ఘనిస్తాన్‌లో భూకంపం ప్రభావంతో ఉత్తర భారతంలోనూ ప్రకంపనలు సంభవించాయి.

శుక్రవారం రాత్రి పాకిస్థాన్‌లో 6.3 తీవ్రతతో కూడిన శక్తివంతమైన భూకంపం సంభవించింది; దీని కేంద్ర బిందువు ఆఫ్ఘనిస్థాన్‌లోని హిందూ కుష్ ప్రాంతంలో ఉంది. పాకిస్తాన్‌లోని ఏ ప్రాంతంలోనూ భూకంపం కారణంగా ఇప్పటివరకు ఎటువంటి ప్రాణనష్టం గానీ, ఆస్తి నష్టం గానీ సంభవించినట్లు నివేదికలు అందలేదని అధికారులు తెలిపారు. పాకిస్తాన్ వాతావరణ శాఖకు చెందిన జాతీయ భూకంప పర్యవేక్షణ కేంద్రం (NSMC) తెలిపిన వివరాల ప్రకారం, ఈ భూకంపం రాత్రి 9:13 గంటలకు నమోదైంది, దీని లోతు 190 కిలోమీటర్లు.