ఖమ్మం, మార్చి 2 (విజయక్రాంతి): ఖమ్మం పట్టణంలోని శ్రీనివాసనగర్‌లోని గీతాంజలి విద్యానికేతన్ పాఠశాలలో తరంగ్ పేరుతో కల్చరల్ డే ను నిర్వహించారు. ఈ కార్యక్రమాన్ని పాఠశాల కరస్పాండెంట్ టీవీ అప్పారావు, డైరెక్టర్లు టీ పద్మ, టీ అరుణ్‌లు జ్యోతి ప్రజ్వలన చేసి ప్రారంభించారు. కరస్పాండెంట్ టీవీ అప్పారావు మాట్లాడుతూ.. విద్యార్థులు ఉత్తమ క్రమశిక్షణ, ఉత్తమ విలువలతో జీవించాలని, కష్టపడి చదివి జీవితంలో ఉన్నత స్ధానాన్ని సాధించి తల్లిదండ్రుల ఆకాంక్షలు నెరవేర్చాలని సూచించారు. ఈ తరంగ్‘ కార్యక్రమంలో ప్రీ ప్రైమరీ విద్యార్థులు చక్కటి నృత్యాలతో అలరించారు.