National Technology Day: నూతన ఆవిష్కరణలకు ప్రజాప్రభుత్వం మద్దతు

హైదరాబాద్: ప్రగతికి దారి చూపుతూ, భవిష్యత్ తరాలకు ప్రేరణనిస్తున్న శాస్త్రవేత్తలు, ఇంజినీర్లు, పరిశోధకులు, ఆవిష్కర్తలందరికీ ముఖ్యమంత్రి ఎ. రేవంత్ రెడ్డి(CM Revanth Reddy) 'జాతీయ సాంకేతిక దినోత్సవం'(National Technology Day) సందర్భంగా శుభాకాంక్షలు తెలిపారు. సమస్యలకు పరిష్కారాలు కనుగొనడం, భవిష్యత్ సవాళ్లను అధిగమించడం కోసం టెక్నాలజీ రంగంలో నూతన ఆవిష్కరణలకు ప్రజాప్రభుత్వం పూర్తి స్థాయిలో మద్దతు ఇస్తోందని రేవంత్ రెడ్డి పేర్కొన్నారు. సాంకేతికతను అందిపుచ్చుకొని భారత టెక్నాలజీ శక్తిని ప్రపంచానికి చాటేలా ప్రతి ఒక్కరూ కృషి చేయాలని ముఖ్యమంత్రి ఆకాంక్షించారు.