32 డొమెస్టిక్ ఎల్పీజీ సిలిండర్లు స్వాధీనం

సికింద్రాబాద్, మార్చి 12 (విజయక్రాంతి): సికింద్రాబాద్ సర్కిల్ పరిధిలో గృహ వినియోగానికి ఉద్దేశించిన ఎల్పీజీ సిలిండర్లను దుకాణాల్లో అక్రమంగా ఉపయోగిస్తున్న వారిపై అధికారులు దాడులు నిర్వహించారు. గత రెండు రోజులుగా చేపట్టిన ప్రత్యేక తనిఖీల్లో మొత్తం 32 గృహ వినియోగ ఎల్పీజీ సిలిండర్లను స్వాధీనం చేసుకున్నట్లు సివిల్ సప్లై అధికారులు తెలిపారు. పార్సిగుట్ట, పద్మారావు నగర్, రెజిమెంటల్ బజార్, తుకారాం గేట్, లాలాపేట్, చిలకలగూడ తదితర ప్రాంతాల్లో ఈ దాడులు నిర్వహించారు.

దుకాణాల్లో గృహ వినియోగ సిలిండర్లను వాణిజ్య అవసరాలకు ఉపయోగిస్తున్నట్లు గుర్తించి వాటిని స్వాధీనం చేసుకున్నట్లు ప్రభుత్వం అధికారులు వెల్లడించారు. ఈ దాడులను సికిం ద్రాబాద్ అసిస్టెంట్ సివిల్ సప్లై అధికారీ జి.వి.చాముండేశ్వరి ఆధ్వర్యంలో డీటీలు ఉత్తేజ్ సాగర్, అభిషేక్, శ్రీనివాస్,అరుణతో పాటు ఇన్స్పెక్టర్లు తనిఖీలు నిర్వహించారు. సందర్భంగా వారు మాట్లాడుతూ అక్రమంగా గ్యాస్ సిలిండర్లను వినియోగించే వారిపై చట్టపరమైన చర్యలుతీసుకుంటామని అధికారులు హెచ్చరిస్తూ, అలాగే గృహ వినియోగ సిలిండర్లను వాణిజ్య అవసరాలకు ఉపయోగించవద్దని అధికారులు సూచించారు.