ఏయూలో బిల్డ్ డిప్లాయ్ వైబ్ కోడింగ్ పోటీ

ఘట్ కేసర్,(విజయక్రాంతి): అనురాగ్ విశ్వవిద్యాలయంలోని ఆర్టిఫిషియల్ ఇంటెలిజెన్స్ క్లబ్ స్టూడెంట్ చాప్టర్ సహకారంతో కలిసి బిల్డ్ డిప్లాయ్  వైబ్ కోడింగ్ కాంపిటీషన్ పోటీ అనే కార్యక్రమాన్ని బ్లాక్ సెమినార్ హాల్‌లో నిర్వహించారు. ఈ కార్యక్రమం ఫ్యాకల్టీ కోఆర్డినేటర్లు విక్టర్ డేనియల్, డాక్టర్ కె. బసవ రాజు, ఎం. మాధవి, పి. అర్చన మార్గదర్శకత్వంలో నిర్వహించబడింది. అలాగే ఆర్టిఫిషియల్ ఇంటెలిజెన్స్ విభాగాధిపతి డాక్టర్ మల్లికార్జున రెడ్డి  సహకారంతో జరిగింది. ఈ పోటీ ప్రధాన ఉద్దేశ్యం విద్యార్థులకు పరిమిత కాలవ్యవధిలో వాస్తవ జీవన సమస్యలకు పరిష్కారాల రూపకల్పన అభివృద్ధి చేయడానికి ఒక ప్రాయోగిక వేదికను అందించడం లాంటిదని తెలిపారు. ఈ కార్యక్రమంలో సుమారు 120 మంది విద్యార్థులు ఉత్సాహంగా పాల్గొన్నారు.