కోతుల బెడద నివారణకు బోన్లు ఏర్పాటు

అశ్వాపురం, మార్చి 23 (విజయక్రాంతి): మండలంలోని నెల్లిపాక బంజర గ్రామపంచాయతీలో కోతుల బెడదను తగ్గించేందుకు సర్పంచ్ మండ్రు వెంకట రామకృష్ణ ఆధ్వర్యంలో ప్రత్యేక చర్యలు చేపట్టారు. గ్రామంలో కోతుల సంచారం పెరిగి ప్రజలకు ఇబ్బందులు కలిగిస్తున్న నేపథ్యంలో పంచాయతీ పరిధిలో కోతులను పట్టుకునేందుకు బోన్లు ఏర్పాటు చేయడం జరిగింది.

ఈ బోన్లను గ్రామపంచాయతీ కార్యాలయం వద్దతో పాటు టేకులగుట్ట అంగన్వాడీ కేంద్రం వద్ద ఉంచినట్లు సర్పంచ్ తెలిపారు. గ్రామస్థులు తమ ఇళ్ల వద్ద మిగిలిపోయిన ఆహార పదార్థాలను బయట ఉంచకుండా, వాటిని ఈ బోన్లలో వేయాలని కోరారు. గ్రామ ప్రజల సహకారం ఉంటే కోతుల సమస్యను సమర్థవంతంగా నియంత్రించవచ్చని, అందరూ కలిసికట్టుగా పనిచేసి గ్రామాన్ని కోతుల బెడద నుంచి కాపాడాలని విజ్ఞప్తి చేశారు.