పీర్జాదిగూడలో ఆగస్టు 9న బోనాల ఉత్సవాలు

మేడిపల్లి,(విజయక్రాంతి): మల్కాజిగిరి మున్సిపల్ కార్పొరేషన్, బోడుప్పల్ సర్కిల్ పరిధి పీర్జాదిగూడలో ప్రతి సంవత్సరం ఎంతో భక్తిశ్రద్ధలతో నిర్వహించే బోనాల ఉత్సవాలను ఈ సంవత్సరం ఆగస్టు 9న అత్యంత వైభవంగా నిర్వహించాలని గ్రామ పెద్దలు, ప్రజల సమక్షంలో నిర్ణయించారు.​ ఈ మేరకు గురువారం పీర్జాదిగూడ మాజీ మేయర్ అమర్ సింగ్, మాజీ డిప్యూటీ మేయర్ కుర్ర శివకుమార్ గౌడ్, మాజీ కార్పొరేటర్లు, గ్రామ పెద్దల సమక్షంలో  సమావేశమై బోనాల ఉత్సవాల నిర్వహణపై చర్చించి తేదీని ఖరారు చేశారు.​ కావున, పీర్జాదిగూడ 10వ డివిజన్ ప్రజలందరూ కుటుంబ సమేతంగా భక్తిశ్రద్ధలతో ఈ బోనాల ఉత్సవాల్లో పాల్గొని, అమ్మవారి కృపాకటాక్షాలు పొంది సుఖసంతోషాలతో ఉండాలని కోరారు.