కర్ణాటకలో యూత్ కాంగ్రెస్‌ నేత దారుణహత్య.. స్థానికుల్లో భయాందోళన!

ధార్వాడ్ (కర్ణాటక): కర్ణాటకలోని ధార్వాడ్‌లో యూత్ కాంగ్రెస్ నాయకుడు(Youth Congress Leader) హత్యకు గురయ్యాడు. నగరంలోని ఒక యూత్ కాంగ్రెస్ నాయకుడి నివాసంలోకి చొరబడిన గుర్తుతెలియని దుండగులు, అతన్ని హత్య చేసినట్లు పోలీసులు శనివారం తెలిపారు. మృతుడిని ఫైరోజ్ పఠాన్‌గా గుర్తించినట్లు తెలిపారు. శుక్రవారం రాత్రి పొద్దుపోయాక హష్మినగర్ ప్రాంతంలోని అతని ఇంట్లో ఈ ఘటన చోటుచేసుకోవడంతో, స్థానికుల్లో భయాందోళన నెలకొంది. నలుగురు గుర్తుతెలియని దుండగులు అతని ఇంట్లోకి చొరబడి, ప్రాణాంతక ఆయుధాలతో అతనిపై దాడి చేశారని పోలీసులు తెలిపారు. 

నేరం చేసిన అనంతరం, నిందితులు ఘటనా స్థలం నుండి పారిపోయాడు. ఈ మొత్తం ఘటన సమీపంలోని సీసీటీవీ కెమెరాల్లో రికార్డయింది. ఇది దర్యాప్తుకు కీలకమైన ఆధారాలను అందిస్తోందని ఒక సీనియర్ పోలీసు అధికారి తెలిపారు. సమాచారం అందిన వెంటనే, సబ్-అర్బన్ పోలీస్ స్టేషన్ పోలీసులు ఘటనా స్థలానికి హుటాహుటిన చేరుకుని తనిఖీ నిర్వహించారు. ఈ హత్యకు గల ఖచ్చితమైన కారణం ఇంకా తెలియరాలేదని తెలిపారు. పోలీసులు కేసు నమోదు చేసి, నిందితులను గుర్తించి పట్టుకోవడానికి దర్యాప్తు ప్రారంభించారు.