సిగరెట్ మానెయ్.. బిడ్డా.!

ఒక చిన్న నిర్ణయం…ఒక పెద్ద మార్పు

(మే 31 ప్రపంచ పొగాకు వ్యతిరేక దినోత్సవం)

సిగరెట్ మానెయ్ బిడ్డా..

ఏమండి స్మోకింగ్ మనరా.?! ప్లీజ్ 

నాన్నా..స్మోకింగ్ కిల్స్ యూ.. నాన్న.

ఈ మాటలు..విని,విని 

ఆ అలవాటు మనలేక

గోడకు ఫోటో ఐ"పోయే" బదులు..

ఒక్క క్షణం మనల్ని ప్రాణం గా.. ప్రేమించే వారి కోసం..

సిగరెట్ అలవాటు ను జీవితం లో నుంచి విసిరి అవతల పారెయ్యండి.

పొగాకు, సిగరెట్ మానడం కష్టం కావచ్చు. కానీ అసాధ్యం కాదు.

ఒక రోజు సిగరెట్ లేకుండా ఉండగలిగితే, ఒక వారం కూడా ఉండగలరు. ఒక వారం గడిస్తే, ఒక జీవితం గెలవగలరు.

మీ పిల్లల కోసం… మీ తల్లిదండ్రుల కోసం… మీ భార్య కోసం… ముఖ్యంగా — మీ ప్రాణం కోసం.

సిగరెట్ వెలిగించినప్పుడు మనం కేవలం పొగను కాదు…మన జీవిత కాలాన్ని కాలుస్తున్నాం.

పొగాకు మొదట అలవాటుగా వస్తుంది… తర్వాత అవసరంగా మారుతుంది… చివరికి మనిషిని నిశ్శబ్దంగా మరణం వైపు నడిపిస్తుంది.

అందుకే ఈ World No Tobacco Day సందర్భంగా మనమందరం ఒక మాట మనస్ఫూర్తిగా చెప్పుకోవాలి: “పొగాకు కాదు… ప్రాణమే ముఖ్యం.” ఎందుకంటే — ఒక సిగరెట్ ఆర్పేస్తే ఒక జీవితం వెలుగుతుంది.

చివరిగా ఏమంటే

సరదా అంటూ సిగరెట్ వెలిగించావు ఓ మనసా…

సంతోషం వస్తుందనుకుని చేరదీసావు ఆ విషమా…

ఒక్క క్షణం మత్తుకై ఊపిరినే అమ్ముకున్నావు…

చివరికి నీ కుటుంబాన్నే కన్నీటిలో ముంచేశావు…

అమ్మ పలికిన మాటలను గాలిలో కలిపేశావు…

“మానేయ్ బిడ్డా…” అన్న ప్రేమను నవ్వులో మర్చేశావు…

ఇప్పుడు అదే అమ్మ గుండెలో నిశ్శబ్దం మిగిలింది…

నీ దగ్గు శబ్దమే ఇంటంతా ప్రతిధ్వనిగా నిలిచింది…

భార్య కళ్లలో ఎన్నో కలలు వెలిగేవి నిన్నతో…

పిల్లల నవ్వుల్లో ప్రపంచం కనిపించేది నీతో…

కానీ పొగాకు పొగలో ప్రేమంతా కరిగిపోయింది…

ఆ ఇంటి ఆనందం కన్నీటి నదిగా మారిపోయింది…

“నాన్నా…” అంటూ పిలిచిన చిన్నారి స్వరం విన్నావా…?

నీ ఊపిరి కోసం ఆ దేవుణ్ణి ఎంత అడిగిందో తెలుసా…?

ఆ చిన్న చేతుల్లో భయం వణికింది నిన్ను చూసి…

ఆ పసి హృదయం ముక్కలైంది నీ బాధను చూసి…

ఆసుపత్రి మంచంపై నిశ్శబ్దంగా పడుకున్నావు…

ఆక్సిజన్ ఊపిరితో చివరి క్షణాలు లెక్కపెట్టుకున్నావు…

“మానేసి ఉంటే బాగుండేది…” అన్న నీ ఒక్క మాట…

భార్య గుండెల్లో శాశ్వత గాయమై మిగిలిపోయింది ఆ బాధ…

ఇప్పుడు గోడపై ఫోటోగా మాత్రమే మిగిలిపోయావు…

పిల్లల జ్ఞాపకాల్లో నిశ్శబ్ద తండ్రివై నిలిచిపోయావు…

కాలిపోయింది సిగరెట్ కాదు — ఒక కుటుంబం జీవితం…

పొగలో కలిసిపోయింది ఒక ఇంటి ఆనంద గీతం…

పొగాకు మొదట సరదాగా చేతిలో చేరుతుంది…

తర్వాత నెమ్మదిగా ప్రాణాన్నే కాల్చేస్తుంది…

ఒక్క మనిషిని కాదు — కుటుంబాన్నే కూల్చేస్తుంది…

చివరికి కన్నీటి చరిత్రగా మిగిలిపోతుంది…

అందుకే ఓ మనిషీ… ఇప్పటికైనా మేలుకో…

నీ పిల్లల భవిష్యత్తుకోసం ఆ సిగరెట్‌ను వదిలేయ్.

నువ్వు ఆర్పేది చిన్న పొగ కాదు — మృత్యు జ్వాల…

నువ్వు కాపాడేది నీ కుటుంబం… వారి ప్రేమ

-మాచన రఘునందన్ 

పౌర సరఫరాల శాఖ ఎన్ఫోర్స్మెంట్ డిప్యూటీ తాశిల్దార్

 టుబాకో కంట్రోల్ హీరో అవార్డు గ్రహీత 

9441252121